V2025

செய்தி

பிரதமர் - பாதுகாப்பு அமைச்சின் செயலாளர் விசேட கலந்துரையாடல்!

பிரதமர் மஹிந்த ராஜபக்ஷ மற்றும் பாதுகாப்பு அமைச்சின் செயலாளர் கமல் குணரத்ன ஆகியோர் நேற்று மாலை (29) சந்தித்து, தேசிய பாதுகாப்பு தொடர்பான விடயங்கள் குறித்து கலந்துரையாடியுள்ளதாக பாதுகாப்பு அமைச்சகம் இன்று (30) தெரிவித்துள்ளது.

பாதுகாப்பு அமைச்சின் செயலாளராக பொறுப்பேற்ற பின்னர் கமல் குணரத்ன, அலரிமாளிகையில் பிரதமர் மஹிந்த ராஜபக்ஷவை சந்தித்துள்ளார்.

குறித்த சந்திப்பின்போது, பிரதமரும் பாதுகாப்பு செயலாளரும் தேசிய பாதுகாப்பு குறித்து ஒரு  கலந்துரையாடலை மேற்கொண்டதாக பாதுகாப்பு அமைச்சகம் தெரிவித்துள்ளது.

இதேவேளை,பாதுகாப்பு அமைச்சின் செயலாளர் பிரதமருக்கு நினைவு பரிசு வழங்கியுள்ளார்.

 
Comment (0) Hits: 39

அம்பாந்தோட்டை துறைமுக உடன்படிக்கையிலிருந்து விலக விரும்புகின்றது இலங்கை!

இலங்கையின் தென்பகுதியில் உள்ள அம்பாந்தோட்டை துறைமுகம் குறித்து சீனாவுடன் செய்து கொள்ளப்பட்ட உடன்படிக்கையிலிருந்து விலகுவதற்கு கோத்தபாய ராஜபக்ச தலைமையிலான புதிய அரசாங்கம் விரும்புகின்றது.

தேசிய நலன்களை கருத்தில்கொண்டே புதிய அரசாங்கம் உடன்படிக்கையிலிருந்து விலகுவதற்கு ஆர்வமாகவுள்ளது.

அம்பாந்தோட்டை துறைமுகத்திற்காக பெறப்பட்ட கடனை அடைப்பது கடினம் என தெரிவித்து முன்னாள் பிரதமர் ரணில் விக்கிரமசிங்க 2017 இல் உடன்படிக்கையில் காணப்பட்ட பதங்களை மாற்றினார்.1.1 பில்லியன் டொலர்களிற்காக துறைமுகத்தை சீனாவின் நிறுவனமொன்றிற்கு 99 வருட குத்தகைக்கு வழங்குவதற்கு அவர் இணங்கினார்.இது துறைமுகத்திற்காக பெறப்பட்ட கடன் சுமையிலிருந்து இலங்கை ஒரளவிற்கு விடுபடுவதற்கு உதவியாக அமைந்தது என 2018 இல் பேட்டியொன்றில் விக்கிரமசிங்க தெரிவித்திருந்தார்.

அவர்கள் துறைமுகத்தை எங்களிடம் மீள கையளிக்கவேண்டும் என விரும்புகின்றோம் என தெரிவிக்கின்றார்முன்னாள் மத்திய வங்கி ஆளுநரும், பிரதமர் மகிந்த ராஜபக்சவின் பொருளாதார ஆலோசகருமான அஜித்கப்ரால.; கொழும்பின் புறநகர் பகுதியிலுள்ள தனது வீட்டிலிருந்து எங்களிற்கு வழங்கிய பேட்டியில் தெரிவித்தார்.

முன்னர் காணப்பட்ட நிலைக்கு செல்வதே சரியான நடவடிக்கையாக அமையும்,நாங்கள் ஆரம்பத்தில் இணங்கியது போல குறிப்பிட்ட காலத்தில் நாங்கள் கடன்களை அவர்களிற்கு செலுத்துவோம் என அவர் தெரிவித்தார்.

சீன ஜனாதிபதியின் புதிய பட்டுப்பாதை திட்டத்தை பாதித்துவரும் சர்ச்சைகளை  இந்த துறைமுகம் வெளிப்படுத்துகின்றது.கென்யா முதல் மியன்மார் வரை இந்த நிலை காணப்படுகின்றது.

உலகின் இரண்டாவது மிகப்பெரிய பொருளாதார நாடு வறிய நாடுகளை கடன்பொறி;க்குள் இழுக்கின்றது என்ற குற்றச்சாட்டுகளும் காணப்படுகின்றன.

இலங்கையில் துறைமுகத்தை குத்தகைக்கு வழங்கும் நடவடிக்கைகளை  ராஜபக்சவின் கட்சி எதிர்த்துள்ள அதேவேளை பத்து வருடங்களிற்கு முன்னர் அப்போதைய ஜனாதிபதி மகிந்த ராஜபக்ச தனது சொந்த ஊரில் இந்த துறைமுகத்தை உருவாக்குவதற்காக சீனாவிடமிருந்து கடன்களை பெற்றார்.

இது ஒரு இறைமையுள்ள உடன்படிக்கை,இது முற்றாக கைவிடப்படாது,பாரிய மாற்றங்களிற்கும் உட்படாது என தெரிவிக்கின்றார் இந்தியாவின் பாதுகாப்பு கற்கை மற்றும் ஆய்விற்கான ஸ்மிருதி பட்நாயக்.

ராஜபக்ச அரசாங்கத்திற்கு அவசியம் என தோன்றினால் சீனா சில உடன்படிக்கையின் சில அம்சங்களை மாற்றலாம் எனவும் அவர் தெரிவிக்கின்றார்.

இதேவேளை அம்பாந்தோட்டை துறைமுகம் தொடர்பான உடன்படிக்கையில் மாற்றம் செய்ய முனைவது இலங்கையின் புதிய அரசாங்கத்திற்கு சாதகமான விடயமாக அமையலாம்.தேசத்தின் பாதுகாப்பிற்கு பாதிப்பை ஏற்படுத்தும்  உடன்படிக்கைகளை மாற்றுவதற்கு நாங்கள் தயாராகயிருக்கின்றோம் என்பதை அவர்கள் அதன் மூலம் காண்பிக்கலாம். முன்னாள் பாதுகாப்பு செயலாளர் கோத்தாபய ராஜபக்சவின் தேர்தல் பிரச்சாரத்தில் இது முக்கிய விடயமாக காணப்பட்டது.

இதேவேளை  அம்பாந்தோட்டை துறைமுகம் உட்பட் இலங்கை சீனாவிற்கு இடையிலான ஒத்துழைப்பு என்பது பரஸ்பரம் சமத்தும் மற்றும் கலந்தாலோசனைகளை அடிப்படையாக கொண்டது என சீனாவின் வெளிவிவகார அமைச்சு எமக்கு அனுப்பிவைத்துள்ள அறிக்கையொன்றில் தெரிவித்துள்ளது.

அம்பாந்தோட்டையை இந்து சமுத்திரத்தின் புதிய கப்பல்வாணிப மையமாக்குவதற்கும் இலங்கையின் பொருளாதாரத்தினை வலுப்படுத்துவதற்கும் இலங்கையுடன் இணைந்து பணியாற்ற சீனா ஆர்வமாகவுள்ளது எனவும் வெளிவிவகார அமைச்சு தெரிவித்துள்ளது.

இலங்கையில் சீனாவின் உட்கட்டமைப்பு திட்டங்கள் அந்த நாட்டின் புதிய பட்டுப்பாதை திட்டத்தின் ஒரு பகுதியாக மாறியுள்ளதுடன், தனது பூகோள போட்டி நாடு,தனது தென்பகுதி எல்லையி;ல் உள்ள இந்த துறைமுகத்தை எதிர்காலத்தில் பாதுகாப்பு மற்றும் மூலோபாய  நோக்கங்களிற்காக பயன்படுத்தலாம் என்ற கரிசனையை இந்தியாவில் ஏற்படுத்தியுள்ளது.

அம்பாந்தோட்டை துறைமுகம் இராணுவநோக்கங்களை கொண்டது என வெளியாகும் கரிசனைகளை சீனா நிராகரித்துள்ளது.

இந்த துறைமுகம் ஆசியாவிற்கும் ஐரோப்பாவிற்கும் இடையிலான  முக்கிய கடற்பாதையில் அமைந்துள்ளது.

இந்த துறைமுகம் பரஸ்பர நன்மையை உருவாக்ககூடியது, இலங்கையின் பொருளாதாரத்திற்கு உதவக்கூடியது எனவும் சீனா தெரிவித்துள்ளது.

அம்பாந்தோட்டை துறைமுக உடன்படிக்கையிலிருந்து விலகுவதென்றால் இலங்கை அதற்கு சமமானதாக எதனையாவது வழங்கவேண்டியிருக்கும்,என தெரிவிக்கின்றார் புதுடில்லியின் கொள்கை ஆய்வு நிலையத்தின் பேராசிரியர் பிரஹ்மா செல்லானே.

ராஜபக்ச மீண்டும் அதிகாரத்திற்கு வந்துள்ள நிலையில் சீனா இலங்கையில் மேலும் ஆழமாக கால்பதிக்க எண்ணுகின்றது என்கின்றார் அவர்.

சீனாவின் பட்டுப்பாதை திட்டத்தின் கீழ் முன்னெடுக்கப்பட்ட  மியன்மாரின் துறைமுக திட்டம் மாற்றங்களிற்கு உட்படுத்தப்பட்டது,சீனாவுடனான அபிவிருத்த திட்டங்களை மலேசிய அரசாங்கம் இரத்துச்செய்தது அல்லது கைவிட்டுள்ளது.

இரு தரப்பு உடன்படிக்கைகளில் நீங்கள் கைச்சாத்திட்டால் அவை பின்னர் தீவிரமானவையாக மாறி விடும் என தெரிவித்தார் அஜித் கப்ரால்.

அதேவேளை நாங்கள் தேசத்தின் நலன்கள் குறித்தும் கவனம் செலுத்தவேண்டியுள்ளது எனவும் அவர் குறிப்பிடுகின்றார்.

ஒரு அரசாங்கம் தேசிய பாதுகாப்பை  பண்டமாற்று செய்திருந்தால் அதற்கு உரிய விதத்தில் தீர்வை காண்பதற்கான வழிமுறைகைள கண்டுபிடிக்கவேண்டிய அவசியம் அடுத்த அரசாங்கத்திற்குள்ளது எனவும் அவர் குறிப்பிடுகின்றார்.

 புளும்பேர்க்

தமிழில்- ரஜீபன்

Comment (0) Hits: 52

யாழில் புகையிரதத்தை கவிழ்க்க சதியா?

மல்லாகத்திற்கும் கட்டுவானுக்கும் இடைப்பட்ட பகுதியில் உள்ள புகையிரத பாதையில் உள்ள வளைவொன்றில், தண்டவாளத்தையும் சிலிப்பர் கட்டைகளையும் இணைத்து பொருத்தப்பட்டிருக்கும் இரும்பு கிளிப்புக்களை அடையாளம்தெரியாத நபர்கள் நேற்று வெள்ளிக்கிழமை அகற்றியுள்ளனர்.

அவர்களால் சுமார் இருபதற்கும் மேற்பட்ட சிலிப்பர் கட்டைகளின் கிளிப்புகள் அகற்றப்பட்டிருந்தது.

குறித்த சம்பவம் தொடர்பில் தெல்லிப்பளை பொலிஸாருக்கு கிடைத்த இரகசிய தகவல்களை அடுத்து விரைந்து செயற்பட்ட பொலிஸார் அது தொடர்பில் புகையிரத திணைக்களத்தினருக்கு தெரியப்படுத்தினர்.

அதனை அடுத்து விரைந்து செயற்பட்ட புகையிரத திணைக்கள அதிகாரிகள், கிளிப்புகள் அகற்றப்பட்ட இடத்தில் வேறு கிளிப்புகள் பொருத்த நடவடிக்கை எடுத்து புகையிரத பாதை சீர் செய்யப்பட்டது. அதனால் நடைபெறவிருந்த பாரிய விபத்து தடுக்கப்பட்டது.

தண்டவாளத்தையும் சிலிப்பர் கட்டைகளையும் இணைத்து பொருத்தபட்டிருந்த கிளிப்புகள் அகற்றப்பட்டமையால் புகையிரதம் வரும் போது அவ்விடத்தில் புகையிரதம் தடம் புரளும் வாய்ப்புக்கள் அதிகம்.

அதேவேளை அப்பகுதி குடிமனைகள் அதிகமாக உள்ள பகுதியும் ஆகும். அவ்விடத்தில் புகையிரதம் தடம் புரண்டு விபத்து ஏற்பட்டு இருந்தால் உயிரிழப்புக்கள் அதிகமாக ஏற்பட்டு இருக்கலாம்.

இந்நிலையில் குறித்த சம்பவம் தொடர்பில் புகையிரத திணைக்கள அதிகாரிகள் தெல்லிப்பளை பொலிஸ் நிலையத்தில் முறைப்பாடு பதிவு செய்துள்ளனர். முறைப்பாட்டின் பிரகாரம் பொலிஸார் தீவிர விசாரணைகளை முன்னெடுத்து வருகின்றனர்.

அதேவேளை கடந்த சில தினங்களுக்கு முன்னர் கல்கமுவ பகுதியில் யாழ்.தேவி புகையிரதம் தடம் புரண்டது.

அதனால் சுமார் இரண்டு நாட்கள் வடக்குக்கான புகையிரத சேவைகள் தடைப்பட்டு இருந்தது. இந்நிலையிலையே யாழில் குறித்த சம்பவம் இடம்பெற்றுள்ளமை குறிப்பிடத்தக்கது.

மல்லாகம் பகுதியில் புகையிரதத்தை குடிமனை உள்ள பகுதிக்குள் கவிழ்ப்பதற்கான முயற்சிகள் முன்னெடுக்கப்பட்டதா எனும் கோணத்தில் பொலிஸார் தீவிர விசாரணைகளை முன்னெடுத்துள்ளனர்.

Comment (0) Hits: 25

இந்தியாவுடனான நல்லிணக்கமே இலங்கை அரசின் புதிய கொள்கை!

ஜனாதிபதித் தேர்தலில் கோட்டாபய ராஜபக்‌ஷ மிக இலகுவாக வெற்றி பெற்றுள்ள பின்னணியில், தமிழர் பிரச்சினைகள் எவ்விதம் கையாளப்படப் போகின்றன என்ற ஒரு எதிர்பார்ப்பும் கேள்வியும் எழுந்துள்ளன.

இத்தேர்தலில் சஜித் பிரேமதாசவுக்கு உத்தியோகபூர்வமாக ஆதரவு அளித்ததுடன், தேர்தல் பிரசாரத்திலும் ஈடுபட்ட தமிழ் தேசியக் கூட்டமைப்பு, அரசியல் தீர்வு தொடர்பில் புதிய அரசாங்கத்துடன் பேச்சுவார்த்தையில் ஈடுபடப் போவதாக இப்போது அறிவித்துள்ளது.

பேச்சுவார்த்தை என்று ஆரம்பிக்கப்படுமாயின் அது பல தமிழ்க் கட்சிகளுடன் என்ற அடிப்படையிலேயே பிரதிபலிக்கப்படும். குறிப்பாக ஈழ மக்கள் ஜனநாயகக் கட்சி உள்வாங்கப்படும். கூட்டமைப்பு தாமே தமிழ் மக்களின் ஏக பிரதிநிதிகள் என்று கூறியிருகின்றமையால் பல கட்சி பேச்சுவார்த்தைக்கு தமிழ்க் கூட்டமைப்பு இணங்கப் போவது இல்லை.

எனவே, எதிர்வரும் ஐந்து ஆண்டுகளுக்கு பேச்சுவார்த்தை, அரசியல் தீர்வு என்பவை சாத்தியமற்றதாகவே இருக்கும் என்றுதான் எதிர்பார்க்கப்படுகிறது.

உடனடி பின்-யுத்த காலத்தில் ராஜபக்ஷ அரசாங்கம் வடக்கு, -கிழக்குப் பகுதியில் பாரிய கட்டமைப்பு அபிவிருத்திப் பணியில் ஈடுபட்டிருந்தது.

இதற்கான ஒரு காரணம், தமிழ் மக்கள் இலங்கையின் ஏனைய குழுக்களைப் போல அபிவிருத்தி பிரச்சினை ஒன்றையே கொண்டுள்ளனர் என்ற நம்பிக்கை ஆகும். எனவே மகிந்த ராஜபக்ஷ அரசாங்கத்தைப் போலவே, ஜனாதிபதி கோட்டாபயவின் அரசாங்கமும் கட்டமைப்பு அபிவிருத்தி திட்டங்களிலேயே கவனம் செலுத்தும் என்று எதிர்பார்க்கலாம்.

மகிந்த ராஜபக்ஷ அரசாங்கம் கட்டமைப்பு அபிவிருத்தித் திட்டங்களை இனநல்லிணக்கத்திற்கு பிரதான ஊடகமாகப் பயன்படுத்தி இருந்தது. இருப்பினும் இவ்வகை அணுகுமுறையை தமிழ் மக்கள் ஏற்றுக் கொண்டிருக்கவில்லை. 2015 மற்றும் 2019ஆம் ஆண்டு ஜனாதிபதி தேர்தல்களில் அவர்கள் அளித்த வாக்குகள் இதன் பிரதிபலிப்பாகவும் இருந்தன.

எனவே, இந்த அரசாங்கத்தின் கீழ் முன்னெடுக்கப்படக் கூடிய கட்டமைப்பு அபிவிருத்தி திட்டங்கள் எந்த அளவுக்கு இனங்களுக்கு இடையிலான உறவை பலபடுத்த உதவும் என்பது சந்தேகத்திற்கிடமானதே.

புதிய அரசாங்கம் பாரிய அபிவிருத்தித் திட்டங்களை முன்னெடுக்கும் கொள்கையை கொண்டுள்ளமை யாவரும் அறிந்ததே. இந்தியாவை முழுமையாக ஓரம்கட்டுவது ஆரோக்கியமானது அல்ல என்பதை புதிய அரசு உணர்ந்து கொண்டுள்ளது. எனவே இந்தியாவின் கரிசனைகளை கவனத்தில் எடுப்பதற்கான முயற்சிகள் மேற்கொள்ளப்படலாம். இன்னொரு வகையில் கூறுவதாயின் இந்தியாவை பகைத்துக் கொள்ளாத சீனச் சார்பு கொள்கை ஒன்று முன்னெடுக்கப்படலாம்.

கோட்டாபய ராஜபக்ஷ ஜனாதிபதியாக பதவி ஏற்றதன் பின்னர் பயணம் செய்வதற்கான முதலாவது இடமாக புதுடில்லி தெரிவு செய்யப்பட்டமை இதன் ஓர் அறிகுறியாக இருக்கக் கூடும்.

(BBC)

பேராசிரியர்
எஸ்.ஐ.கீதபொன்கலன்
(சாலிஸ்பரி பல்கலைக்கழகம், மேரிலாந்து)

Comment (0) Hits: 26

இந்தியச் சிறைகளில் உள்ள இலங்கை மீனவர்களின் விடுதலை குறித்து செல்வம் அடைக்கலநாதன் ஜனாதிபதியிடம் கோரிக்கை!

இந்தியச் சிறைகளிலுள்ள இலங்கை மீனவர்களின் விடுதலை குறித்து ஜனாதிபதி துரித நடவடிக்கை எடுக்க வேண்டும் எனத் தமிழ்த் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன் தெரிவித்துள்ளார்.

இந்தியாவிற்கு விஜயம் மேற்கொண்டுள்ள ஜனாதிபதி கோத்தாபய ராஜபக்ஷ இந்திய விஜயத்தின் போது இலங்கை சிறையிலுள்ள இந்திய மீனவர்களையும் அவர்களது படகுகளையும் விடுவிப்பதாகத் தெரிவித்துள்ள கருத்தை  வரவேற்பதாகவும்,இந்தியாவில் தடுத்து வைக்கப்பட்டுள்ள இலங்கை மீனவர்களையும், அவர்களின் படகுகளையும் விடுவிக்க நடவடிக்கை எடுக்க வேண்டும் எனத் தமிழ்த் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் செல்வம் அடைக்கலநாதன் தெரிவித்துள்ளார்.

அவர் இன்று சனிக்கிழமை ஊடக அறிக்கை ஒன்றை விடுத்துள்ளார்.

ஜனாதிபதி கோத்தாபய ராஜபக்ஷ இந்திய விஜயத்தின் போது இலங்கை சிறையிலுள்ள இந்திய மீனவர்களையும் அவர்களது படகுகளையும் விடுவிப்பதாகத் தெரிவித்துள்ள கருத்தை  நான் வரவேற்கின்றேன்.அதே வேளை எமது மீனவர்கள், படகுகளுடன் இந்தியாவில் தடுத்து வைக்கப்பட்டுள்ளனர்.

இவர்கள் நீண்டகாலமாகச் சிறை வைக்கப்பட்டுள்ள இவர்களின் விடுதலை தொடர்பில் நாங்கள் தொடர்ச்சியான முயற்சிகளை மேற்கொண்டு வருகின்றோம். குறித்த மீனவர்களின் குடும்பங்கள் இவர்களின் உழைப்பிலேயே தங்கியுள்ளனர். இந்நிலையில் குறித்த  மீனவர்கள் சிறைப்பட்டுள்ளமையினால் அவர்களினுடைய குடும்பங்கள் பல்வேறு பிரச்சினைகளை எதிர் நோக்கி வருகின்றனர். 

பாடசாலை செல்லும் பிள்ளைகளினுடைய கல்வி கேள்விக்குறியாகியுள்ளது. மேலும் பல இலட்சங்களைச் செலவு செய்து கொள்வனவு செய்யப்பட்ட படகுகள் போதிய பராமரிப்பு இன்றி தடுத்து வைக்கப் பட்டுள்ளமையினால்  பாவனைக்கு உதவாத நிலைக்குத் தள்ளப்படுகின்றன.

பாதுகாப்பு உறுதிப்படுத்தப்படாத நிலையில் அச்சத்தின் மத்தியிலேயே எம் மீனவர்கள் தொழிலில் ஈடுபட்டு வருகின்றனர்.இந்திய மீனவர்களை விடுவிக்கின்ற அதே வேளை சிறைப்பட்டிருக்கின்ற எம் உறவுகள் தொடர்பிலும் ஜனாதிபதி கவனம் செலுத்த வேண்டும். அவர்களின் விடுதலை தொடர்பிலும் இந்திய அரசாங்கத்துடன் பேசி அவர்களையும், படகுகளையும் மீட்டுத்தர வேண்டுமெனச் செல்வம் அடைக்கலநாதன் எம்.பி ஜனாதிபதிக்கு கோரிக்கை விடுத்துள்ளார்.

Comment (0) Hits: 26

அரச நிறுவன தலைவர்கள், பணிப்பாளர்களை விலகுமாறு அறிவுறுத்தல்!

தமது இராஜினாமா கடிதங்களை ஒப்படைக்குமாறு கூட்டுத்தாபனங்கள், சபைகளின் தலைவர்கள் மற்றும் பணிப்பாளர் சபையின் உறுப்பினர்களுக்கு அறிவித்தல் விடுக்கப்பட்டுள்ளது.

தமது இராஜினாமா கடிதங்களை ஒப்படைக்குமாறு கூட்டுத்தாபனங்கள், சபைகளின் தலைவர்கள் மற்றும் பணிப்பாளர் சபையின் உறுப்பினர்களுக்கு அறிவிக்குமாறு, அனைத்து அமைச்சுக்களினதும்   செயலாளர்களுக்கும் ஜனாதிபதி செயலாளர் பீ.பி. ஜயசுந்தர அறிவித்துள்ளார்.

சுற்றுநிரூபம் ஒன்றை விடுத்துள்ள ஜனாதிபதி செயலாளர் பீ.பி. ஜயசுந்தர இதனை அறிவித்துள்ளார்.

இதேவேளை, அரச நிறுவனங்களுக்கு திறமையும் தகைமையும் உள்ளவர்களை நியமிப்பது தொடர்பான பரிந்துரைகளை முன்வைப்பதற்கு ஜனாதிபதியினால் ஆறு பேர் கொண்ட குழு நியமிக்கப்பட்டுள்ளது.

குறித்த பதவிகளுக்கு தகைமை வாய்ந்த தொழில் வல்லுநர்கள் தொடர்பான பரிந்துரையை அல்லது விண்ணபிக்க விரும்புவோர் 2019 டிசம்பர் 18ஆம் திகதி அல்லது அதற்கு முன்னர் பரிந்துரைகளை அல்லது விண்ணப்பங்களை சமர்ப்பிக்குமாறு இக்குழுவிற்கு அனுப்பி வைக்குமாறு ஜனாதிபதி அலுவலகம் அறிவித்துள்ளது.

இது தொடர்பில் பின்வரும் முகவரி மற்றும் மின்னஞ்சல் மூலம் தொடர்பு கொள்ளலாம் என, ஜனாதிபதி செயலகம் அறிவித்துள்ளமை குறிப்பிடத்தக்கது.

செயலாளரின் பணியகம்
ஜனாதிபதி செயலகம்
கொழும்பு 01
மின்னஞ்சல் : இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்குத் தாங்கள் JavaScript-ஐ இயலுமைப்படுத்த வேண்டும்..

Comment (0) Hits: 20

பிரித்­தா­னிய தூதுவரை சந்தித்த சுமந்­திரன்!

ஜனா­தி­பதித் தேர்­த­லுக்குப் பின்னர் தமிழர் தரப்பு அர­சியல் நிலை­மைகள் மற்றும் எதிர்­கால செயற்­பா­டுகள் குறித்து தமிழ்த் தேசியக் கூட்­ட­மைப்பின் பாரா­ளு­மன்ற உறுப்­பினர் எம்.ஏ. சுமந்­தி­ர­னிடம்  இலங்­கைக்­கான பிரித்­தா­னியத் தூதுவர் சரா ஹூல்ரன்  கேட்­ட­றிந்­துள்ளார்.

சில தினங்­க­ளுக்­கு­ முன்னர் கூட்­ட­மைப்பின் பேச்­சா­ளரும் பாரா­ளு­மன்ற உறுப்­பி­ன­ரு­மான சுமந்­தி­ரனை பிரித்­தா­னியத் தூதுவர் சந்­தித்து பேசினார்.

தூத­ர­கத்தில் நடை­பெற்ற இந்த சந்­திப்பில் தேர்­தலின் பின்­ன­ரான அர­சியல் நிலை­வ­ரங்கள் தொடர்பில் கலந்­து­ரை­யா­டப்­பட்­டுள்­ளது. தமிழ் மக்­களின் நிலைப்­பாடு தொடர்­பிலும் கூட்­ட­மைப்பின் செயற்­பா­டுகள் குறித்தும் சுமந்திரன் இந்த சந்திப்பின்போது விளக்கமளித்துள்ளார்.

Comment (0) Hits: 25

'மஹிந்த தேசப்பிரிய பதவி விலகக் கூடாது' - சபாநாயகர்!

தேர்தல்கள் ஆணைக்குழுவின் தலைவர் மஹிந்த தேசப்பிரிய தற்போது பதவி விலகுவது சிறப்பானதாக அமையாது என சபாநாயகர்கரு ஜயசூரிய தெரிவித்துள்ளார்.

சுயாதீன தேர்தல்கள் ஆணைக்குழுவின் தலைவர் மஹிந்த தேசப்பிரிய பதவியிலிருந்து விலக தீர்மானித்துள்ளதாக, ஜனாதிபதி கோத்தாபய ராஜபக்ஷவிடம் தெரிவித்துள்ளதாக அறியக்கிடைத்திருக்கிறது.

இந் நிலையில் இவ்விடயம் தொடர்பில் சபாநாயகர் அலுவலகத்தினால் விடுக்கப்பட்டுள்ள ஊடக அறிவிப்பிலேயே அவர் இதனை வலியுறுத்தியுள்ளார்.

“கடந்த தேர்தல்களின் போது மஹிந்த தேசப்பிரியவின் வழிகாட்டலின் கீழ் தேர்தல்கள் ஆணைக்குழு மகத்தான சேவையை ஆற்றியிருந்தது.

இந்நிலையில், எதிர்வரும் தேர்தர்களிலும் மஹிந்த தேசப்பிரியவின் வழிகாட்டலின் கீழ் தேர்தல்கள் ஆணைக்குழுவின் சேவையை அத்தியாவசியமாக இருக்கின்றது.

மஹிந்த தேசப்பிரிய தற்போது பதவி விலகுவது சிறப்பானதாக அமையாது. ஆகையினால், தேர்தல் ஆணைக்குழுவின் தலைவர் பதவியை அவர் தொடர வேண்டும்” என சபாநாயகர்கரு ஜயசூரிய தெரிவித்துள்ளார்.

Comment (0) Hits: 21

சஜித் விடுத்துள்ள முக்கிய கோரிக்கை!

வழங்கப்பட்ட மக்கள் ஆணைக்கு எதிராக செயல்பட வேண்டாம் என ஐக்கிய தேசிய கட்சியின் நாடாளுமன்ற உறுப்பினர் சஜித் பிரேமதாஸ, ஜனாதிபதி கோட்டாபய ராஜபக்ஷவிடம் கோரிக்கை விடுத்துள்ளார்.

3 விடயங்கள் தொடர்பில் ஜனாதிபதியின் அவதானத்திற்கு உட்படுத்தும் அறிக்கை ஒன்றை வெளியிட்ட சஜித் இதனை குறிப்பிட்டுள்ளார்.

நடந்துக் கொண்டிருக்கும் சில சம்பவங்கள் அமைதியான சமூகத்திற்குள் பீதியை ஏற்படுத்த காரணமாகியுள்ளதாக அவர் குறிப்பிட்டுள்ளார்.

சுவிட்சர்லாந்து தூதரக அதிகாரியை கடத்தி சென்ற சம்பவமானது இலங்கையின் இராஜதந்திர வரலாற்றிகுள் கருப்பு புள்ளியாகியுள்ளதுடன் சர்வதேச ரீதியில் இலங்கை மீது பாரிய அதிருப்த்தியை ஏற்படுத்தியுள்ளது.

ஏராளமான புகழ்பெற்ற மற்றும் திறமையான பொலிஸ் அதிகாரிகளுக்கு எதிராக பழி வாங்கும் நடவடிக்கைகள் முன்னெடுக்கப்பட்டுள்ளது.

ஊடகவியலாளர்கள் பலர் மீது தற்போது அழுத்தம் பிரயோகிக்கப்பட்டுள்ளது. இந்த நிலைமை வெற்றி பெற்ற கருத்து சுதந்திரம், தகவல் அறியும் உரிமைக்கு எதிரான இராஜதந்திர செயற்பாடாகியுள்ளது.

நாட்டை பாதுகாத்தல், பழிவாங்கல்களுக்கு முற்றிப்புள்ளி வைத்தல், பொருளாதாரத்தை வலுப்படுத்தல் மற்றும் இலங்கையை, உலகில் உயரத்தில் வைக்கும் வாக்குறுத்திக்கமைய மக்கள் வழங்கிய ஆணையை சிதைக்கும் ரீதியில் செயற்படுவதென்பது வருத்தமளிக்கும் விடயமாகியுள்ளது.

பக்கச்சார்பற்ற, சட்டத்தை மதிக்கும் அதிகாரிகளை அரசியல் ரீதியாக துன்புறுத்துல், ஊடகவியலாளர்கள் மற்றும் நிறுவனங்களின் சுதந்திரத்தை கட்டுப்படுத்துதல் ஆகியவைகள் 2015ஆம் ஆண்டிற்கு முன்னர் இலங்கையில் காணப்பட்ட இருண்ட காலமாகும்.

இந்த வருத்தமளிக்கும் நிலைமை தொடர்பில் ஜனாதிபதி கோட்டாபய ராஜபக்ஷவின் தனிப்பட்ட அவதானத்திற்கு கொண்டு செல்லுமாறு சஜித் பிரேமதாஸ கேட்டுக்கொண்டுள்ளார்.

வாக்குறுதியளித்த சுதந்திரத்தை நாட்டிற்கு உருவாக்குமாறும், மேல் குறித்த விடயங்கள் தொடர்பில் பக்கசார்பற்ற விசாரணைகளை நடத்துமாறும், ஏனையவர்களிடம் மேற்கொள்ளப்படும் பழிவாங்கும் படலத்தை நிறுத்திக் கொள்ளுமாறும் சஜித் கேட்டுக்கொண்டுள்ளார்.

Comment (0) Hits: 41

ரோயல் பார்க் கொலை குற்றவாளி ; வெளிநாடு செல்ல பயணத் தடை!

ரோயல் பார்க் கொலை ஜூட் ஸ்ரீமந்த என்டனி ஜயமஹவுக்கு வெளிநாடு செல்வதற்கு பயணத் தடை விதிக்கப்பட்டுள்ளது.

ரோயல் பார்க் கொலை சம்பவத்தின் குற்றவாளிக்கு ஜனாதிபதி மைத்திரிபால சிறிசேன பொது மன்னிப்பு வழங்கி விடுதலை செய்தமைக்கு எதிராக இலங்கை சட்டத்தரணிகள் சங்கத்தின் தலைவர் கடந்த 13 ஆம் திகதி நீதிமன்றில் மனுத்தாக்கல் செய்திருந்தார்.

இந் நிலையில் குறித்த மனுவானது இன்றைய தினம் மூவரடங்கிய நீதிபதிகள் முன்னிலையில் விசாரணைக்கு எடுத்துக்கொள்ளப்பட்ட போது இந்த உத்தரவு பிறப்பிக்கப்பட்டுள்ளது.

ராஜகிரிய ரோயல் பார்க் சொகுசு குடியிருப்புத் தொகுதியின் படிக்கட்டுக்களில் வைத்து, 2005 ஆம் ஆண்டு ஜூன் 19 வயதுடைய  இவோன் ஜொன்சன்  எனும் யுவதியை கழுத்தை நெறித்தும், தலையை தரையில் அடித்து மண்டை ஓட்டினை 64 இடங்களில் சேதப்படுத்தியும் கொடூரமாக கொலை செய்த ஜூட் ஸ்ரீமந்த என்டனி ஜயமஹவுக்கு முன்னாள் ஜனாதிபதி மைத்திரிபால சிறிசேன கடந்த 09 ஆம் திகதி பொது மன்னிப்பு வழங்கி விடுதலை செய்தமையும் குறிப்பிடத்தக்கது.

Comment (0) Hits: 36

இராஜதந்திர வட்டாரத்தில் அதிர்ச்சியை ஏற்படுத்தியுள்ள சம்பவம்!

இலங்­கை­யி­லுள்ள  சுவிற்சர்லாந்து தூத­ர­கத்தில் பணி­யாற்றும்  உள்ளூர் ஊழியர் ஒருவர் இனந்­தெ­ரி­யாத நபர்­க­ளினால் கடத்­தப்­பட்டு அச்­சு­றுத்­த­லுக்கு உள்­ளாக்­கப்­பட்­டுள்ள சம்­ப­வ­மா­னது இரா­ஜ­தந்­திர வட்டாரங்கள் மத்­தியில் பெரும் அதிர்ச்­சியை ஏற்­ப­டுத்­தி­யி­ருக்­கி­றது.  இந்­த­வி­டயம் தொடர்பில்  உரிய விசா­ரணை நடத்­தப்­ப­ட­வேண்­டு­மென்று சுவிற்சர்லாந்து வெளி­வி­வ­கார அமைச்சு  கோரி­யுள்­ளது.

இந்த சம்­பவம் குறித்து  கருத்து தெரி­வித்­துள்ள  சுவிற்சர்லாந்து வெளி­வி­வ­கார அமைச்சின் செய்தி தொடர்­பாடல் பியர் அலைன் எல்ட்­சிங்கர்  சம்­ப­வத்தை சுற்­றி­யுள்ள  சூழ்­நி­லைகள் குறித்து  உட­ன­டி­யாக   முழு­மை­யான விசா­ர­ணையை   நடத்­து­மாறு  சுவிற்சர்லாந்து கோரு­கின்­றது.   தீவி­ர­மான மற்றும் ஏற்­றுக்­கொள்ள  முடி­யாத சம்­ப­வ­மாக  இது திகழ்­கின்­றது என்று   தெரி­வித்­தி­ருக்­கின்றார்.

கடந்த திங்­கட்­கி­ழமை சுவிற்சர்லாந்து தூத­ர­கத்தில் பணி­யாற்றும் பெண் ஊழியர்  இனந்­தெ­ரி­யாத நபர்­க­ளினால்   வெள்­ளை­வேனில்  கடத்திச் செல்­லப்­பட்டு  சுமார்   இரண்டு மணி நேரத்­திற்கு  மேல்  விசா­ர­ணைக்கு  உட்­ப­டுத்­தப்­பட்­ட­தா­கவும் அவ­ரது   கைய­டக்க தொலை­பேசி­யை  அவர்கள்  பார்­வை­யிட்டு  அச்­சு­றுத்­தி­ய­தா­கவும்   தக­வல்கள்  வெளி­யா­கி­யுள்­ளன.

இந்த  சம்­பவம் குறித்து  உரிய விசா­ரணை  நடத்­தப்­ப­ட­வேண்டும் என்று தற்­போது கோரிக்கை   விடுக்­கப்­பட்­டி­ருக்­கின்­றது.   இச்­சம்­ப­வத்தை அடுத்து   இலங்­கைக்­கான    சுவிற்சர்லாந்து   தூதுவர்   ஹான்ஸ்­பீட்டர் மொக்   வெளி­வி­வ­கார அமைச்சர்   தினேஷ் குண­வர்த்­தன, பிர­தமர் மஹிந்த ராஜ­பக் ஷ ஆகி­யோ­ரையும்  சந்­தித்து  பேசி­யுள்ளார்.

இந்த சந்­திப்­புக்­களில் பேசப்­பட்ட விடயம்   வெளி­வ­ரா­த­போ­திலும்  தூத­ரக பெண் ஊழியர்  கடத்­தப்­பட்டு  அச்­சு­றுத்­தப்­பட்ட சம்­பவம் குறித்து தூதுவர்  சுட்­டிக்­காட்­டி­யி­ருப்பார் என்றே எதிர்­பார்க்­கப்­ப­டு­கின்­றது.   திங்­கட்­கி­ழமை நடை­பெற்ற சம்­பவம் தொடர்பில் செய்­திகள் கசிந்­தி­ருந்­த­போ­திலும் தூத­ர­க­மா­னது இதனை உட­ன­டி­யாக  உறு­திப்­ப­டுத்­தி­யி­ருக்­க­வில்லை.  நேற்று முன்­தினம் புதன்­கி­ழமை  நடை­பெற்ற  அமைச்­ச­ரவை   கூட்ட முடி­வு­களை அறி­விக்கும் செய்­தி­யாளர் மாநாட்டில்  அமைச்­ச­ரவைப் பேச்­சாளர் பந்­துல குண­வர்த்­த­ன­விடம்  இந்த விடயம் தொடர்பில்  செய்­தி­யா­ளர்கள்  கேள்வி எழுப்­பி­ய­போது  சம்­பவம் தொடர்பில் தாங்கள்  அறிந்­தி­ருக்­க­வில்லை என்றும் அது தொடர்பில்   தேடிப்­பார்த்து பதி­ல­ளிப்­ப­தாக    கூறி­யி­ருந்தார்.

இந்த விடயம்  தொடர்பில் வெளி­வி­வ­கார அமைச்சில் நேற்று  தனது கட­மை­களை பொறுப்­பேற்ற  சர்­வ­தேச ஒத்­து­ழைப்பு இரா­ஜாங்க அமைச்சர்  சுசில் பிரே­ம்­ஜ­யந்­த­வி­டமும்  கேள்வி  எழுப்­பப்­பட்­டுள்­ளது.  இதற்கு பதி­ல­ளித்த அவர்  சம்­பவம் தொடர்பில்  தான்  அறி­ய­வில்லை என்றும் அவ்­வாறு இடம்­பெற்­றி­ருந்தால் விசா­ர­ணைகள் முன்­னெ­டுக்­கப்­படும் எனவும் தெரி­வித்­தி­ருந்தார்.

சுவிஸ்  தூத­ர­கத்தில் பணி­யாற்றும்  பெண் ஊழியர்  கடத்­தப்­பட்டு அச்­சு­றுத்­தப்­பட்ட  சம்­ப­வ­மா­னது  நாட்­டுக்கு பெரும் அப­கீர்த்­தியை ஏற்­ப­டுத்தும் வகையில் அமைந்­தி­ருக்­கின்­றது. இந்த விடயம் தொடர்பில் நியூயோர்க் டைம்ஸ் பத்­தி­ரி­கையும் நேற்று முன்­தினம் செய்தி  வெளி­யிட்­டி­ருந்­தது.  தேர்தல் முடி­வ­டைந்து சில நாட்­க­ளுக்­குள்­ளேயே அர­சியல் ரீதி­யான ஒடுக்கு முறைகள் ஆரம்­ப­மா­கி­விட்­டதோ என்ற அச்சம் அதி­க­ரித்­துள்­ள­தாக  அந்தப் பத்­தி­ரி­கையின் செய்­தியில்   சுட்­டிக்­காட்­டப்­பட்­டி­ருக்­கின்­றது.

கடந்­த ­வாரம்  குற்­றப்­பு­ல­னாய்வுத் திணைக்­க­ளத்தின் சமூக  கொள்ளை குறித்த  விசா­ரணை அறையின்  பொறுப்­ப­தி­கா­ரியும்   பல  குற்­றச்­செ­யல்­களை துப்­புத்­து­லக்கி  சந்­தேக நபர்­களை கைது­செய்­த­வ­ரு­மான சிறப்பு விசா­ரணை   அதி­காரி  பொலிஸ் பரி­சோ­தகர் நிஷாந்த சில்வா   தனது  குடும்­பத்­தா­ருடன்   அடைக்­க­லம் ­கோரி  சுவிற்சர்லாந்துக்கு சென்­றி­ருந்தார்.  இதற்கு சில தினங்­க­ளுக்கு முன்னர்  குற்­றப்­பு­ல­னாய்­வுத்­தி­ணைக்­க­ளத்தின் பணிப்­பா­ள­ராக இருந்த ஷானி அபே­சே­கர  இட­மாற்றம் செய்­யப்­பட்­டி­ருந்தார்.  அதனைத் தொடர்ந்தே நிஷாந்த சில்வா  தனது மனைவி மூன்று மகள்­மா­ருடன்  சுவிற்சர்லாந்துக்கு  அடைக்­க­லம்­கோரி   சென்­றி­ருந்­த­தாக தக­வல்கள் வெளி­யா­கி­யி­ருந்­தன.

இந்த  விவ­காரம்  தொடர்­பி­லேயே சுவிற்சர்லாந்து   தூத­ர­கத்தில் பணி­யாற்றும் பெண் ஊழியர்  கடத்­தப்­பட்டு  விசா­ர­ணைக்கு உட்­ப­டுத்­தப்­பட்­ட­தாக   தெரி­விக்­கப்­ப­டு­கின்­றது.  முன்னாள் ஜனா­தி­பதி மஹிந்த ராஜ­ப­க் ஷவின் ஆட்­சிக்­கா­லத்தில்  இடம்­பெற்ற  சம்­ப­வங்கள்  தொடர்­பாக   குற்­றப்­பு­ல­னாய்வு  பிரிவின் பணிப்­பாளர்   ஷானி அபே­சே­கர  தலை­மை­யி­லான குழு­வி­னரே  விசா­ர­ணை­களை நடத்தி வந்­தனர்.  லசந்த  விக்­கி­ர­ம­துங்க  படு­கொலை வழக்கு,  பிரகீத் எக்­னெ­லி­ய­கொட காணாமல் ஆக்­கப்­பட்ட சம்­பவம்,  ஐந்து மாண­வர்கள் உட்­பட  11 பேர்  கொழும்­பிலும் சுற்­றுப்­புறங்­க­ளிலும் கடத்தி காணாமல் ஆக்­கப்­பட்ட சம்­பவம்   உட்­பட பல்­வேறு  சம்­ப­வங்கள்  தொடர்பில்  விசா­ர­ணைகள் இடம்­பெற்று வந்தன.

இந்த நிலை­யி­லேயே  ஆட்­சி­மாற்­றத்தின் பின்னர் ஷானி  அபே­சே­கர இட­மாற்­றப்­பட்­டி­ருந்தார்.  பொலிஸ் பரி­சோ­தகர் நிஷாந்த சில்வா நாட்­டை­விட்டு வெளி­யே­றி­யதை அடுத்து அது தொடர்­பிலும் விசா­ரணை முடுக்­கி­வி­டப்­பட்­டி­ருந்­தன.  இதன் தொடர்ச்­சி­யாக  கடந்த  திங்­கட்­கி­ழமை  குற்­றப்­பு­ல­னாய்வுத் திணைக்­க­ளத்தில் விசா­ர­ணை­யா­ளர்­க­ளாக சேவை­யாற்றும் 704 பேருக்கு அனு­ம­தி­யின்றி வெளி­நாடு செல்­வ­தற்கு தடை விதிக்­கப்­பட்­டி­ருந்­தது.

அவர்­க­ளது பெயர், விப­ரங்கள்  கட்­டு­நா­யக்க விமான நிலைய குடி­வ­ரவு, குடி­ய­கல்வு  அதி­கா­ரி­க­ளுக்கு அனுப்­பி­வைக்­கப்­பட்டு   அனு­ம­தி­யின்றி   அவர்கள்   வெளி­நாடு செல்­வ­தற்கு  அனு­ம­திக்­கக்­கூ­டாது என்ற உத்­த­ரவு பிறப்­பிக்­கப்­பட்­டி­ருக்­கின்­றது.

தூத­ர­கத்தில் பணி­யாற்றும் பெண் ஊழி­யரை  கடத்­திய  இனந்­தெ­ரி­யா­த ­ந­பர்கள் நிஷாந்த டி சில்­வா­வுக்கு விசா வழங்­கப்­பட்­டமை தொடர்­பிலும்   குற்­றப்­பு­ல­னாய்வுப் பிரிவை சேர்ந்த வேறு யாரா­வது அடைக்­கலம் கோரி விசா­வுக்கு விண்­ணப்­பித்­துள்­ள­னரா என்ற  விடயம் தொடர்­பிலும் விசா­ரித்­த­தா­கவும் தற்­போது  செய்­திகள்    வெளி­யா­கி­யி­ருக்­கின்­றன.

இதி­லி­ருந்து தூத­ரகப் பெண் ஊழியர்  கடத்­தப்­பட்டு  விசா­ர­ணைக்­குட்­ப­டுத்­தப்­பட்­ட­மைக்கு காரணம்  என்ன என்­பதை  ஓர­ள­விற்கு   ஊகித்­துக்­கொள்ள முடி­கின்­றது.  இந்த விவ­காரம் தொடர்பில்  தற்­போது  குற்­றப்­பு­ல­னாய்வுப் பிரிவு விசா­ர­ணை­களை   ஆரம்­பித்­துள்­ளது.  சுவிற்சர்லாந்து வெளி­வி­வ­கார அமைச்சின் கோரிக்­கைக்கு அமைய இந்த விடயம் விசா­ரிக்­கப்­ப­டு­கின்­றது.

வெளி­நாட்டு தூத­ரகம் ஒன்றின் ஊழியர் ஒருவர்   கடத்­தப்­பட்டு அச்­ச­றுத்­தப்­பட்­டமை கண்­டிக்­கத்­தக்க  விட­ய­மாகும்.   இத்­த­கைய செயற்­பாடு  இரா­ஜ­தந்­திர   ரீதி­யான  உற­வு­க­ளைக்­கூட   பாதிக்கும் விட­ய­மாக  மாறக்­கூ­டிய  தன்மை காணப்­ப­டு­கின்­றது. தூத­ர­கத்தின்  உள்­விவ­கா­ரங்­களில்  தலை­யி­டு­வ­தற்கு  யாருக்­குமே  உரிமை இல்லை.  அதுவும்  தூத­ர­கத்தில்  அடைக்­கலம் கோருவோர்  தொடர்பில் தக­வல்­களை  பெறு­வது என்­பது   அடிப்­ப­டையில் மனித  உரிமை மீற­லா­கவே அமைந்­தி­ருக்­கின்­றது.

நாட்டில்  ஒரு­வ­ருக்கு அச்­சு­றுத்தல் காணப்­ப­டு­மானால்  அவர் வெளி­நாட்டுத் தூத­ர­கங்­க­ளிடம் தஞ்சம்  கோர­மு­டியும்.  இறுதி யுத்த காலத்­திலும் அதன் பின்­னரும்   சுவிற்சர்லாந்து உட்­பட ஐரோப்­பிய நாடுகள் பல­ருக்கு  இத்­த­கைய அர­சியல் தஞ்சம் வழங்­கி­யி­ருக்­கின்­றன.   தமிழ் ஊட­க­வி­ய­லா­ளர்கள் பலர் கூட யுத்­த­கா­லப்­ப­கு­தியில் இவ்­வாறு   அர­சியல் தஞ்சம் கோரி  புலம்­பெ­யர்ந்­தி­ருக்­கின்­றனர்.   எனவே இது அடிப்­படை மனித உரி­மை­யுடன் சம்­பந்­தப்­பட்ட விட­ய­மாகும்.  இந்த விட­யத்தில் தவ­று­காண முயல்­வதை  ஏற்­றுக்­கொள்ள முடி­யாது.

இறுதி யுத்த காலத்தில்  கடத்­தல்கள்,  கைதுகள், காணாமல் ஆக்­கப்­பட்ட சம்­ப­வங்கள்  தொடர்­க­தை­யாக இடம்­பெற்று வந்­தன.  அப்­போது மேற்­கொள்­ளப்­பட்ட மனித  உரிமை மீறல்கள் மற்றும்  யுத்­தக்­குற்­றச்­சாட்­டுக்கள் தொடர்பில் விசா­ரணைகள் நடத்­தப்­பட்டு  பொறுப்­புக்­கூறல் உறு­திப்­ப­டுத்­தப்­பட வேண்­டு­மென்று தொடர்ச்­சி­யாக வலி­யு­றுத்­தப்­பட்டு வரு­கின்­றது.  ஐ.நா. மனித உரிமை பேர­வையில் பல்­வேறு தீர்­மா­னங்கள்  நிறை­வேற்­றப்­பட்டு  பொறுப்­புக்­கூ­ற­லுக்­கான வலி­யு­றுத்தல் தொடர்ந்து  வருகின்றன.

இந்த நிலையில் தற்போது மீண்டும் வெளிநாட்டு தூதரக பெண் ஊழியர் ஒருவர் கடத்தப்பட்டு  அச்சுறுத்தப்பட்டுள்ள சம்பவமானது அரங்கேற்றப்பட்டிருக்கின்றது. இத்தகைய சம்பவங்கள் இனியும் தொடர்வதை  அரசாங்கம்  அனுமதிக்கக்கூடாது.  புதிய  அரசாங்கத்திற்கு அபகீர்த்தியை ஏற்படுத்தும் வகையில்   சில தரப்பினர் கூட இத்தகைய செயற்பாடுகளில்  ஈடுபடக்கூடும்.

எனவே  இந்த சம்பவம் தொடர்பில்  குற்றப்புலனாய்வு பொலிஸார்   விசேட குழுவை அமைத்து  விசாரணை  நடத்தவேண்டும்.  உண்மை யிலேயே  யார் இத்தகைய செயலில் ஈடுபட்டனர் என்பதனை கண்டுபிடிக்க வேண்டும்.  ஏனெனில்  இந்த சம்பவமானது சர்வதேச ரீதியில்  பெரும்   அதிர்ச்சியை  ஏற்படுத்தியிருக்கின்றது.

சர்வதேசத்துடனான  இராஜதந்திர ரீதியிலான  தொடர்புகள்  கட்டிக் காக்கப்படவேண்டும்.  சர்வதேசத்தின் ஒத்துழைப்பு  எமது நாட்டுக்கு  இன்றியமையாததாகும்.  எனவே அத்தகைய  ஒத்துழைப்புக்களை பெறும் வகையில் அரசாங்கத்தின் செயற்பாடுகள்  அமையவேண்டும்  என்பதை  சுட்டிக்காட்டவிரும்புகின்றோம்.

வீரகேசரி

Comment (0) Hits: 28

மைத்திரிக்கு எதிராக உயர் நீதிமன்றத்தில் மனுத்தாக்கல்!

முன்னாள் ஜனாதிபதி மைத்திரிபால சிறிசேனவின் தீர்மானத்திற்கு எதிராக உயர் நீதிமன்றத்தில் மனுத்தாக்கல் செய்யப்பட்டுள்ளது.

ரோயல் பார்க் கொலை வழக்கில் மரணதண்டனை விதிக்கப்பட்டிருந்த அந்தோனி ஜெயமவிற்கு முன்னாள் ஜனாதிபதி மைத்திரிபால சிறிசேன பொதுமன்னிப்பு வழங்கியிருந்த நிலையில் அவரது தீர்மானத்திற்கு எதிராக நேற்று மகளிர் அமைப்பொன்று உயர் நீதிமன்றத்தில் மனுத்தாக்கல் செய்துள்ளது.

மரண தண்டனை கைதிக்கு பொது மன்னிப்பு வழங்க கூடிய அதிகாரம் ஜனாதிபதிக்கு உள்ள போதிலும் கொலை வழக்கில் மரணதண்டனை விதித்திருக்கும் குற்றவாளிக்கு மன்னிப்பு வழங்கப்பட்டமை மூலம் அடிப்படை உரிமைகள் மீறப்பட்டுள்ளதாக மனுதாரர்கள் கோரிக்கை விடுத்துள்ளனர்.

குறித்த மனுவில் சட்டமா அதிபர், சிறைச்சாலை ஆணையாளர், குடிவரவு மற்றும் குடியகழ்வு கட்டுப்பாட்டாளர், அந்தோனி ஜெயமஹ உள்ளிட்ட 10 பேர் பிரதிவாதிகளாக குறிப்பிடப்பட்டுள்ளமை குறிப்பிடத்தக்கது.

Comment (0) Hits: 34

பாடசாலை மாணவர்களுக்கான டெப் வழங்குதல், சுரக்ஷா காப்புறுதி திட்டம் இடைநிறுத்தம்!

பாடசாலை மாணவர்களுக்கு டெப் கணனி வழங்குதல் மற்றும் சுரக்ஷா காப்புறுதி திட்டத்தை நடைமுறைப்படுத்துவது உடனடியாக அமுலுக்கு வரும் வகையில் தற்காலிகமாக இடைநிறுத்துவதற்கு தீர்மானிக்கப்பட்டுள்ளது.

நேற்றய முன்தினம் நடைபெற்ற அமைச்சரவை கூட்டத்தின் போது இதற்கான தீர்மானம் மேற்கொள்ளப்பட்டதாக அமைச்சரவை ஊடக பேச்சாளரும் அமைச்சருமான பந்துல குணவர்தன நேற்று தெரிவித்தார்.

அரசாங்க தகவல் திணைக்கள கேட்போர் கூடத்தில் நேற்று மாலை நடைபெற்ற ஊடகவியலாளர்களுடனான சந்திப்பின் போது அமைச்சர் பந்துல குணவர்தன இது தொடர்பாக மேலும் தெரிவிக்கையில் கல்வி அமைச்சர் டளஸ் அழகப்பெருமவினால் இது தொடர்பாக நேற்றைய முன்தினம் அமைச்சரவை கூட்டத்தில் கவனம் செலுத்தப்பட்டதாகவும் கூறினார்.

இதற்கு அமைவாக கடந்த அரசாங்கத்தினால் பாடசாலை மாணவர்களுக்கு வழங்குவதற்கு திட்டமிடப்பட்ட டெப் கணினியை வழங்குதல் மற்றும் மாணவர்களுக்கு வழங்கப்பட்டுள்ள சுரக்ஷா என்ற காப்புறுதியும் தற்காலிகமாக இடை நிறுத்துவதற்கு தீர்மானிக்கப்பட்டதாகவும் கூறினார்.

இந்த டெப் கணனியை வழங்குதல் மற்றும் சுரக்ஷா காப்புறுதியை வழங்குவது தொடர்பிலும் உரிய விசாரணைகள் மேற்கொள்ளப்படவுள்ளது என்றும் அவர் தெரிவித்தார்.

Comment (0) Hits: 29

சீனாவின் கட்டாய முகாம்களில் வாடும் வீகர் முஸ்லிம்கள்- மூளைச்சலவை செய்யப்படும் விடயம் அம்பலம்!

உயர் பாதுகாப்பு சிறை முகாம்களில் ஆயிரக்கணக்கான முஸ்லிம்களை சீனா எப்படி திட்டமிட்டு மூளைச் சலவை செய்கிறது என்பதை வெளியில் கசிந்துள்ள ஆவணங்கள் முதன்முறையாக அம்பலப்படுத்தியுள்ளன.

சீனாவின் மேற்குப் பகுதியில் உள்ள சின்ஜியாங் மாகாணத்தில் உள்ள முகாம்களில், சேவை முறையிலான கல்வி மற்றும் பயிற்சிதான் அளிக்கப்படுகிறது என்று சீன அரசு தொடர்ச்சியாகக் கூறி வருகிறது. ஆனால், பி.பி.சி செய்தியாளருக்குக் கிடைத்த ஆவணங்கள், அந்த முகாம்வாசிகள் எவ்வாறு அடைத்து வைக்கப்பட்டு, கருத்து திணிப்புக்கு உள்ளாக்கப்பட்டு தண்டிக்கப்படுகிறார்கள் என்பதைக் காட்டுபவையாக உள்ளன.

இந்த ஆவணங்கள் பொய்யானவை என்று பிரிட்டனுக்கான சீனத் தூதர் கூறியுள்ளார். சர்வதேச புலனாய்வுச் செய்தியாளர்கள் கூட்டமைப்பிடம் (ஐ.சி.ஐ.ஜே) இந்த ஆவணங்கள் அளிக்கப்பட்டன. பி.பி.சி.மற்றும் பிரிட்டனை சேர்ந்த தி கார்டியன் பத்திரிகை உள்ளிட்ட 17 ஊடகங்கள் இணைந்து இந்தக் கூட்டமைப்பு செயல்படுகிறது.

சின்ஜியாங் முழுவதும் கடந்த மூன்று ஆண்டுகளாக அமைக்கப்பட்டு வரும் முகாம்கள், பயங்கரவாதத்தை ஒடுக்கும் நோக்கில், தன்னார்வத்தின் அடிப்படையில் மறு-கற்பித்தல் தேவைகளுக்காக, உருவாக்கப்படுகின்றன என்று சீனா கூறியிருப்பது பொய் என இந்தப் புலனாய்வுத் தகவல்கள் காட்டுகின்றன.

சுமார் பத்து இலட்சம் பேர் - பெரும்பாலும் முஸ்லிம் வீகர் சமூகத்தவர்கள் - விசாரணை எதுவுமின்றி இந்த முகாம்களில் அடைத்து வைக்கப்பட்டிருப்பதாகக் கூறப்படுகிறது.

`சீன கேபிள்கள்' என்று ஐ.சி.ஐ.ஜே. குறிப்பிடும் சீன அரசின் ஆவணங்கள், 2017இல் சின்ஜியாங் கம்யூனிஸ்ட் கட்சியின் துணைச் செயலாளராகவும், அந்தப் பிராந்திய பாதுகாப்புப் பிரிவு உயர் அதிகாரியாகவும் இருந்த ட்ச்சு ஹாய்லுன் என்பவர் அந்த முகாம்களை நிர்வகித்து வந்தவர்களுக்கு அனுப்பிய ஒன்பது பக்க குறிப்பாணையை உள்ளடக்கியதாக உள்ளது.

முகாம்களை உயர் பாதுகாப்பு கொண்ட சிறைகளாக, கடுமையான ஒழுங்குமுறைகள் மற்றும் தண்டனைகளுடன், யாரும் தப்பிவிட முடியாதபடி நிர்வகிக்க வேண்டும் என்ற அறிவுறுத்தல்கள் அதில் உள்ளன. இந்தக் குறிப்பாணையில் உள்ள உத்தரவுகளில் பின்வருபவை அடங்கியுள்ளன:

தப்பிச் செல்வதை ஒருபோதும் அனுமதிக்கக் கூடாது, நடத்தை விதிகளை மீறினால் ஒழுங்குமுறை மற்றும் தண்டனைகளை அதிகரியுங்கள், தவறுக்காக வருந்துவதையும் ஒப்புக் கொள்வதையும் அதிகரியுங்கள், பரிகாரமாக சீன மொழியை கற்பித்தலுக்கு உயர் முன்னுரிமை அளியுங்கள், உண்மையிலேயே போக்கை மாற்றிக் கொள்ளும் மாணவர்களை ஊக்குவியுங்கள், குழுவாகத் தங்கும் பகுதிகளை வீடியோ கமரா மூலம் கண்காணிப்பதையும் வகுப்பறைகளில் கமராவில் படாத பகுதிகள் இல்லாதிருப்பதையும் உறுதி செய்யுங்கள்.

அங்கே அடைக்கப்பட்டுள்ளவர்களின் ஒவ்வோர் அசைவும் எப்படி கண்காணிக்கப்பட்டு, கட்டுப்படுத்தப்படுகின்றது என்பதை இந்த ஆவணங்கள் காட்டுகின்றன.

மாணவர்களின் படுக்கைகள் இடம்மாறாதிருக்க வேண்டும், மாணவர்களின் வரிசை மாறக் கூடாது, வகுப்பறையில் அமரும் இடம் மாறக் கூடாது, திறன் செயல்பாடுகளின் போது நிரந்தரமான இடம் ஒதுக்கப்பட வேண்டும், இவற்றை மாற்றினால் கடுமையாகத் தண்டிக்கப்பட வேண்டும்.

அதிக அளவில் வீகர் மக்கள் அடைக்கப்பட்டிருப்பதை மற்ற சில ஆவணங்கள் உறுதிப்படுத்துகின்றன. தெற்கு சின்ஜியாங் பகுதியில் இருந்து 2017இல் ஒரு வாரத்தில் மட்டும் 15,000 க்கும் மேற்பட்டவர்கள் பாதுகாப்பு முகாம்களுக்கு அனுப்பி வைக்கப்பட்டுள்ளனர்.

வெளியில் கசிந்துள்ள ஆவணங்களை, வழக்கறிஞர்கள் பயன்படுத்திக் கொள்ள வேண்டும் என்று மனித உரிமைகள் கண்காணிப்பக அமைப்பின் சீன இயக்குநர் ஷோபி ரிச்சர்ட்சன் கூறியுள்ளார்.

"இது நடவடிக்கைக்கு உகந்த ஆவணமாக உள்ளது. மனித உரிமைகள் அப்பட்டமாக மீறப்படுவதைக் காட்டுபவையாக உள்ளன" என்று அந்தப் பெண் இயக்குநர் கூறுகிறார்.

"அங்கே அடைக்கப்பட்டுள்ள நபர்கள் குறைந்தபட்சம் உளவியல் ரீதியில் கொடுமைக்கு ஆளாக்கப்பட்டிருப்பதாகக் கூறுவது சரியாக இருக்கும் என்று நான் நினைக்கிறேன். ஏனெனில், எவ்வளவு காலத்துக்கு அங்கே இருக்கப் போகிறோம் என்று அவர்களுக்குத் தெரியாது" என்று அவர் குறிப்பிடுகிறார்.

தங்களுடைய போக்குகளில், நம்பிக்கையில், மொழி பயன்பாட்டில் மாறியிருக்கிறோம் என்பதை நிரூபித்தால் மட்டுமே அங்கிருந்து விடுதலை செய்யப்படுவார்கள் என்பதை இந்தக் குறிப்பாணைகள் விபரிக்கின்றன. தங்களுடைய கடந்த கால செயல்பாடுகள் சட்டவிரோதமானவை, குற்றச் செயலானவை, அபாயகரமானவை என்பதை ஆழமாகப் புரிந்து கொள்ளும் வகையில், தண்டனை மற்றும் ஒப்புக் கொள்ளச் செய்யும் செயல்பாடுகளை தீவிரப்படுத்த வேண்டும் என்று குறிப்பாணை கூறுகிறது.

மக்களின் அடையாளங்களை மாற்றுவதற்கு இந்த முகாம்களில் முயற்சிக்கப்படுவதாக, உலக வீகர் காங்கிரஸ் ஆலோசகரும், மனித உரிமைகள் முன்னணி வழக்கறிஞருமான பென் எம்மர்சன் க்யூ.சி. கூறுகிறார்."ஒட்டுமொத்த இனத்தின் மீது பெரிய அளவில் மூளைச் சலவை செய்யும் திட்டங்கள் திணிக்கப்படுகின்றன" என்கிறார் அவர்.

சின்ஜியாங் முஸ்லிம் வீகர்களை தனி கலாசார பிரிவினராக இல்லாமல் ஆக்கும் நோக்கில் குறிப்பாக திட்டமிட்டு முயற்சிகள் மேற்கொள்ளப்படுகின்றன. பூமியில் அப்படி ஒரு கலாசாரப் பிரிவே இல்லை என்று ஆக்கி விட முயற்சிக்கிறார்கள். தண்டனைகள் மற்றும் பாராட்டுப் புள்ளிகளைப் பொறுத்து, குடும்பத்தினருடன் அவர்கள் தொடர்பு கொள்ள அனுமதிக்கப்படுகிறார்கள். அதன் அடிப்படையில்தான் விடுதலை பற்றியும் முடிவு செய்யப்படுகிறது. அவர்களிடம் மாற்றம் ஏற்பட்டுள்ளது என்று நான்கு கம்யூனிஸ்ட் கட்சி கமிட்டிகள் உறுதி செய்த பிறகுதான் அவர்களுடைய விடுதலை பற்றி பரிசீலிக்கப்படுகிறது.

பெரிய அளவில் மக்களை சீன அரசு எப்படி கண்காணிக்கிறது என்பதையும், தனிப்பட்ட தகவல்களை எப்படி ஊகித்து கவனிக்கிறது என்பதையும் காட்டுவதாகவும் இந்த ஆவணங்கள் உள்ளன.

Zapya என்ற தகவல் பகிர்வு செயலியை தங்கள் செல்போன்களில் வைத்திருக்கும் காரணத்துக்காக 1.8 மில்லியன் பேரை எப்படி சீனா கண்காணிப்புக்கு உள்படுத்தியுள்ளது என்பதை ஓர் ஆவணம் காட்டுகிறது.

பிறகு அவர்களில் 40,557 பேரை ஒவ்வொருவராக அதிகாரிகள் விசாரணைக்கு உட்படுத்தியுள்ளனர். சந்தேகமற்றவர் என உறுதி செய்ய முடியாமல் போனால் அவர்களை தீவிர பயிற்சி முகாமுக்கு அனுப்ப வேண்டும் என்று அந்த ஆவணம் கூறுகிறது.

இதேவேளை அரசின் நடவடிக்கைகளால் நாட்டு மக்கள் பாதுகாக்கப்பட்டுள்ளதாகவும், கடந்த மூன்று ஆண்டுகளில் சின்ஜியாங் பகுதியில் ஒரு பயங்கரவாதத் தாக்குதல் கூட நடக்கவில்லை என்றும் பிரிட்டனில் உள்ள சீன தூதர் லியூ ஜியாவோமிங் கூறியுள்ளார்.

Comment (0) Hits: 34

அரசியல் அநாதைகளாக காலி மாவட்ட தமிழர்கள்!

காலி மாவட்டத்திலுள்ள தமிழ்  பாடசாலைகளின் நிலைமை பின்தங்கியுள்ளது. தமிழ்ப் பிள்ளைகள் கற்பதற்கு போதிய  தமிழ்ப் பாடசாலைகள் இல்லை.  அதனால் பெருமளவு தோட்டப்புற தமிழ்ப் பிள்ளைகள் சிங்கள மொழிப் பாடசாலைகளில் இணைந்து அம்மொழியிலேயே கற்கின்றனர். கணிசமான பிள்ளைகள் முஸ்லிம் பாடசாலை-களில் கற்று வருகின்றனர்

தென் மாகாணத்தின் தலைநகரம் காலி மாநகரம். இந்நகரம் அமைந்துள்ள மாவட்டம் காலி ஆகும். இம்மாவட்டத்தின் நீண்ட எல்லையாக தென்பகுதியில் கடற்கரை அமைந்துள்ளது. வரலாற்றுச் சின்னமாகக் காணப்படும் காலி கோட்டை பிரசித்தமானது. இக்கோட்டை ஒல்லாந்தரால் கட்டப்பட்டதாக வரலாற்றுப் பதிவுள்ளது. ஒல்லாந்தர் காலத்திற்கு முற்பட்ட வரலாற்று இருப்பைக் கொண்டதாகக் குறிப்பிடப்படும் அருள்மிகு மீனாட்சி சுந்தரேஸ்வரர் திருக்கோயிலும் காலி மாநகரத்திலேயே உள்ளது.

காலி மாவட்டத்தில் பெரும்பான்மையாகச் சிங்கள மக்கள் வாழ்கின்ற போதிலும் தமிழர்களும், முஸ்லிம்களும் பரந்து வாழ்கின்றனர். இம்மாவட்டத்தில் தமிழ்மொழி மூலம் கல்வி வழங்கும் பாடசாலைகள் பதினேழு உள்ளன. அவற்றில் தமிழ்ப் பாடசாலைகள் நான்கும், முஸ்லிம் பாடசாலைகள் பதின்மூன்றும் அடங்குகின்றன.

முதலிலே காலி மாவட்டத்தின் பண்டைய சிறப்பைக் கவனத்தில் கொள்வோம். காலி மாநகரிலே அமைந்துள்ள பழம் பெரும் சிவாலயமான அருள்மிகு மீனாட்சி சுந்தரேஸ்வரர் ஆலயம் ஆயிரம் ஆண்டுகளுக்கு முற்பட்ட வரலாற்றைக் கொண்டது. இலங்கைத்தீவின் தென்பகுதியில் பண்டைய காலத்தில் அதாவது பலநூறு ஆண்டுகளுக்கு முன் தென்னிந்திய தமிழ் அரசரான பாண்டியரின் செல்வாக்கு மேலோங்கியிருந்துள்ளது. வரலாற்றின்படி இலங்கையில் ஆண்ட சோழத் தமிழர்களுக்கு எதிராகப் போராடிய சிங்கள அரசர்களுக்குப் படையுதவி அளித்து உறுதுணையாகச் செயற்பட்டவர்கள் பாண்டியர்கள் என்பதும் வரலாற்றுப் பதிவாகும்.

2500 ஆண்டுகளுக்கு முன்னர் இந்திய தீபகற்பத்திலிருந்து வந்த விஜயன் இலங்கையில் கரையொதுங்கியதாக மகாவம்சம் உள்ளிட்ட வரலாற்று நூல்களில் கூறப்பட்டுள்ளது. இலங்கைத் தீவில் கரையொதுங்கிய விஜயனும் அவனது எழுநூறு தோழர்களும் பாண்டிய நாட்டிலிருந்து தமிழ்ப் பெண்களை வரவழைத்து திருமணம் செய்து கொண்டதாகவும், விஜயன் பாண்டிய இளவரசி​ெயாருவரைத் திருமணம் செய்து கொண்டதாகவும் இலங்கையின் பண்டைய வரலாறு கூறுகின்றது. இதன் மூலம் 2500 ஆண்டுகளுக்கும் முன்பிருந்தே தென்னிந்திய தமிழ் அரசான பாண்டிய நாட்டுக்கும் இலங்கைக்குமிருந்த தொடர்பும், உறவும் தெளிவாக விளங்குகின்றன.

இந்நாட்டின் சிங்கள இனத்தவர்கள் விஜயன் வழிவந்தவர்கள் என்று கூறப்படுவது போன்று தாய்வழி முன்னோர்கள் பாண்டியத் தமிழ் வம்சாவளியினர் என்பது தெளிவாக உறுதிப்படுத்தப்படுகிறது. பண்டைய சிங்கள, தமிழ் உறவு மறுக்க முடியாத உண்மையென்பதை நம் நாட்டின் வரலாற்றுப் பதிவுகள் தெளிவாக வெளிப்படுத்தி நிற்கின்றன.

காலி மாவட்டத்தில் காணப்படும் இந்துக் கோயில்களில் பெரும்பாலானவை அம்மன் கோயில்களாகும். முருகன், விநாயகர், சிவன் கோயில்களுமுள்ளன. இந்து சமய அலுவல்கள் திணைக்களத்தில் மொத்தமாக 32 இந்துக் கோயில்கள் பதிவு செய்யப்பட்டுள்ளமையும் அறிக்கையிடப்பட்டுள்ளது.

காலி நகர் அருள்மிகு மீனாட்சி சுந்தரேஸ்வரர் ஆலயத்தின் வாயில் தூண்களில் பாண்டிய அரசின் சின்னமான மீன் சின்னம் கருங்கல்லில் பொறிக்கப்பட்டுள்ளமை சிறப்புடன் குறிப்பிடக் கூடிய ஒன்றாகும். இராமாயண காலத்தில் இராம_ இராவண யுத்தத்தின் போது அனுமான் சஞ்சீவி மலையை வான்மார்க்கமாகக் கொண்டு வந்த போது அதிலொரு பகுதி காலியின் ஒரு பிரதேசத்தில் விழுந்ததாக நூல்களில் கூறப்படுகின்றது. உணவட்டுன்ன என்ற அந்த இடத்தில் அரிய மருத்துவ மூலிகைகள் இன்னும் காணப்படுகின்றமை குறிப்பிடத்தக்கது. அத்துடன் அனுமானுக்கான கோயிலும் உள்ளது.

இம்மாவட்டத்திலுள்ள தமிழ் மக்களில் பெரும்பான்மையினர் தேயிலை, கறுவாத் தோட்டங்களிலேயே வாழ்கின்றனர். குறிப்பிடக் கூடிய எண்ணிக்கையினர் நகர்ப்புறப் பகுதியிலும் வாழ்கின்றனர். காலி நகர் சூழ் பிரதேச செயலகப் பிரிவு சிங்களத்துடன் தமிழ் மொழிக்கும் சமத்துவ நிர்வாக உரிமையுள்ள பகுதியாகப் பிரகடனப்படுத்தப்பட்டுள்ளது. இம்மாவட்டத்தில் தமிழர்கள் எதுவித அரசியல் பிரதிநிதித்துவங்களும் அற்றவர்களாகவுள்ளனர். இம்மாவட்டத்திலுள்ள நான்கு தமிழ்ப் பாடசாலைகளும் எல்பிட்டிய மற்றும் உடுமக ஆகிய இரு கல்வி வலயங்களில் உள்ளடக்கப்பட்டுள்ளன. இப்பாடசாலைகள் நான்கும் தென்மாகாண சபையின் நிர்வாகத்திற்குட்பட்டவையாக இயங்குகின்றன.

எல்பிட்டிய கல்வி வலயம்:

எத்கந்துர பிரதேசத்திலுள்ள திலித்துற தமிழ் கனிஷ்ட வித்தியாலயமும், இகல்கந்தவிலுள்ள இகல்கந்த தமிழ் கனிஷ்ட வித்தியாலயமும் இக்கல்வி வலயத்திலுள்ள இரு தமிழ்ப் பாடசாலைகளாகும். முதலாவது பாடசாலை சாதாரண தரம் வரை வகுப்புகளைக் கொண்ட பாடசாலையாகும். மற்றைய பாடசாலை ஆரம்பப் பாடசாலையாகும்.

உடுகம கல்வி வலயம்:

இக்கல்வி வலயத்திலுள்ள இரு பாடசாலைகளான தல்கஸ்வல தமிழ் கனிஷ்ட வித்தியாலயமும், நாக்கியதெனிய தலங்கஹ சரஸ்வதி தமிழ் கனிஷ்ட வித்தியாலயமும் சாதாரண தர வகுப்பு வரையுள்ள பாடசாலைகாளாகும். சரஸ்வதி தமிழ்ப் பாடசாலையே இப்பாடசாலைகளில் அதிக அளவு மாணவ, மாணவிகளைக் கொண்ட பாடசாலையாகும்.

இம்மாவட்டத்திலுள்ள தமிழ்ப் பாடசாலைகளின் நிலைமை பின்தங்கியுள்ளது. அத்துடன் தமிழ்ப் பிள்ளைகள் கற்பதற்கு போதிய தமிழ்ப் பாடசாலைகளும் இல்லை. அதனால் பெருமளவு தோட்டப்புறத் தமிழ்ப் பிள்ளைகள் சிங்கள மொழிப் பாடசாலைகளில் இணைந்து அம்மொழியிலேயே கற்கின்றனர். கனிசமான பிள்ளைகள் முஸ்லிம் பாடசாலைகளில் கற்று வருகின்றனர்.

சிங்களப் பாடசாலைகளில் கற்கும் தமிழ்ப் பிள்ளைகள் பௌத்த சமயத்தையும் அதேபோல் முஸ்லிம் பாடசாலைகளில் கற்போர் இஸ்லாம் பாடத்தையும் கற்க வேண்டிய நிலைமைதான் உள்ளது. தமிழ் அரசியல்வாதிகளின் செயற்பாடுகளோ, அவதானமோ காலி மாவட்ட தமிழ் மக்களை எட்டியும் பார்க்காத நிலையில் அவர்கள் மொழிமாற்றம், இன மாற்றம், மதமாற்றம் என்று பல மாற்றங்களுக்கு உட்பட்டுவருவது தவிர்க்க முடியாததாயுள்ளது.

இப்பகுதியிலுள்ள பல தேயிலைத் தோட்டங்களில் தண்ணீர்ப் பிரச்சினையும் அதிகமாகக் காணப்படுகின்றது. பொருளாதார ரீதியில் தோட்டத் தொழிலாளர்கள் பாதிக்கபபட்டு வேலைகளை இழப்பதால் வேலை தேடி அங்குமிங்கும் அலையும் நிலையும் காணப்படுகின்றது.

முன்பு சந்தாவுக்காகத் தொழிற்சங்கம் நடத்தப்பட்டது. இன்று அரசியல் செய்வதற்குப் போதிய வாக்காளர் இன்மையால் காலி மாவட்டத் தமிழர்கள் தமிழ் அரசியல்வாதிகளாலும், தமிழ் தொழிற்சங்கவாதிகளாலும் அநாதரவாக விடப்பட்டுள்ளனர் என்பதே உண்மை நிலை.

Comment (0) Hits: 25

கொழும்பு மேயர் ரோசி சேனாநாயக்கவின் பதவி பறிபோகிறது!

கொழும்பு மாநகர மேயர் ரோசி சேனாநாயக்கவை பதவியில் இருந்து நீக்கவுள்ளதாக தகவல்கள் வெளியாகியுள்ளன.

அவர் மீது சுமத்தப்படும் தொடர் குற்றச்சாட்டுக்கள் காரணமாக இந்த முடிவு எடுக்கப்பட்டுள்ளது.

விசேடமாக இலஞ்சம் மற்றும் ஊழல் விசாரணை ஆணைக்குழுவில் அவருக்கு எதிராக குற்றச்சாட்டுகள் பதிவு செய்யப்பட்டுள்ள  நிலையில், அவரது பயனற்ற நிர்வாகத்தின் காரணமாக நகரசபை  நிர்வாகம் மோசமடைந்துவிட்டதாக மற்ற அதிகாரிகள் மற்றும் ஊழியர்கள் மீது குற்றம் சாட்டப்பட்டுள்ளது.

நகரசபையில் கிட்டத்தட்ட அனைவரும் அவரது நடவடிக்கைகளை நிராகரித்திருப்பது குறிப்பிடத்தக்கது.

இருப்பினும், அவரை  நீக்குவதன் மூலம் ஐக்கிய தேசிய கட்சியினால் வெளியிடப்படும் எதிர்ப்பை தடை செய்வதற்காக அவரது  வெற்றிடத்தை  நிரப்ப UNP உறுப்பினர் ஒருவருக்கே வழங்க அரசாங்கம் முடிவு செய்துள்ளதாக தெரிவிக்கப்படுகிறது.

Comment (0) Hits: 50

WEB ஊடகவியலாளர்களை CIDக்கு அழைப்பதை கண்டிக்கிறோம்!

வெப் செய்தி தளங்களில் வேலைசெய்யும் ஊடகவியலாளர்களை குற்றப்புலனாய்வு திணைக்களத்திற்கு அழைக்கப்பட்டுள்ளமையை கடுமையாக கண்டிப்பதாக இலங்கை உழைக்கும் ஊடகவியலாளர் சங்கம் ஊடக அறிவித்தல் ஒன்றை வெளியிட்டு தெரிவித்துள்ளது.

இதுபோன்ற சம்பவம் குறித்து தகவலறிய கிடைத்துள்ளதுடன், இதன்போது வெப் ஊடகவியலாளரிடம் வாக்குமூலம் பெறுவதற்காக CIDக்கு அழைக்கப்பட்டு மாலை 4 மணி வரை வைத்திருந்ததாக தெரிவிக்கப்படுகிறது.

எந்தவொரு குறிப்பிட்ட காரணமும் இல்லாமல் ஊடகவியலாளர்களை இந்த முறையில் வாக்குமூலம்  பெற்றுக்கொள்வதற்காக இவ்வாறு அழைக்கப்படுவது பத்திரிகை மற்றும் ஊடக சுதந்திரத்தின் மீதான விளைவு இது என்று குறித்த சங்கம் சுட்டிக்காட்டுகிறது.

இதுவரை காலம் நடைமுறைப்படுத்தப்பட்ட பொலிஸ் ஊடகப் பிரிவின் கீழ் உள்ள பாதுகாப்பு அமைச்சின் ஊடக மையம் சமர்ப்பிக்கப்பட்டதை இலங்கை உழைக்கும் ஊடகவியலாளர் சங்கம்  கண்டிக்கிறது.

image a6f2852af1

Comment (0) Hits: 26

ஊடகவியலாளர் துஷாரா விசாரணையின் பின் விடுவிப்பு!

வொய்ஸ் ரியூப் எனப்­படும்  யூ ரியூப் அலை­வ­ரி­சையின், செம்மைப்படுத்­து­ன­ரான துஷாரா விதா­னகே சி.ஐ.டி. விசா­ர­ணை­களின் பின்னர் விடு­விக்­கப்­பட்­டுள்ளார்.   நேற்று காலை 8.30  மணிக்கு சி.ஐ.டி.யின் கணனிக் குற்றங்கள் தொடர்­பி­லான விசா­ரணைப் பிரிவில் ஆஜ­ரான அவ­ரிடம், அங்கு பல மணி நேரம் சிறப்பு விசாரணைகள் இடம்­பெற்ற நிலையில், வாக்குமூலம் ஒன்று பதிவு செய்­யப்­பட்­டுள்­ளது. அதன் பின்­ன­ரே அவர் விடு­விக்­கப்­பட்­டுள்ளார்.  

துஷாரா விதா­ன­கே­வுக்கு எதி­ராக சிங்­கள அமைப்­பொன்று செய்த முறைப்­பாட்டை மையப்­ப­டுத்தி இந்த விசாரணைகள் இடம்­பெற்­ற­தா­கவும் அவர் அவ­ரது த லீடர் வலைத்தளத்தில்  பதி­விட்ட விடயம் ஒன்­றினை மையப்ப­டுத்தி இந்த விசா­ர­ணைகள் இடம்­பெற்­ற­தா­கவும் அறிய முடி­கின்­றது.  நேற்று முன்தினம்   நண்­பகல் துஷாரா விதா­னகே விசா­ர­ணை­க­ளுக்கு அழைக்­கப்­பட்ட நிலையில்,  அன்று  அவர் விசா­ர­ணைக்கு செல்லவில்லை. நேற்று கலை 8.30 மணிக்கு  சி.ஐ.டி.யில் ஆஜ­ரா­கி­யி­ருந்தார்.  கடந்த அர­சாங்­கத்தின் நிதி அமைச்சின் கீழ் செயற்­ப­டுத்­தப்­பட்ட 'என்­டர்­பி­ரைஸஸ் ஸ்ரீலங்கா', 'கம்பெர­லிய' ஆகிய திட்டங்களின் பிரசார பொறுப்பாளராக துஷாரா விதானகே செயற்பட்டுள்ளதாக அறிய முடிகின்றது.

Comment (0) Hits: 36

பக்கம் 1 / 70