V2025

செய்தி

வாக்களிக்கும்போது புர்கா, நிகாப்பை அகற்ற வேண்டும்!

எதிர்வரும் ஜனாதிபதித் தேர்தலில் முஸ்லிம் பெண்கள் வாக்களிக்க வருகை தரும்போது, புர்கா அல்லது நிகாப் அணியலாம் என தெரிவித்த தேர்தல்கள் பணிப்பாளர் நாயகம் சமன் ஸ்ரீ ரத்னாயக்க, வாக்களிப்பு நிலையத்துக்குள் நுழையும்போது அவற்றை அகற்ற வேண்டும் எனவும் குறிப்பிட்டார். 

புர்கா மற்றும் நிகாப் அணிவதை எங்களால் தடை செய்ய முடியாது, ஏனெனில் அது அவர்களின் கலாசாரத்துடன் இணைக்கப்பட்டுள்ளது. 

வாக்காளர்களிடமிருந்து நாங்கள் எதிர்பார்ப்பது அவர்களுக்கு ஒரு வாக்குச் சீட்டு வழங்கப்படுவதற்கு முன்பு அவர்களின் அடையாளத்தை சரிபார்க்க வேண்டும்.

வாக்களிக்கும்போது வாக்களார் ஒருவர் தனது அடையாளத்தை நிரூபிக்க வேண்டியது அவசியம். அவரது அடையாளம் அடையாள அட்டையில் முகத்துடன் இணையாக இருக்க வேண்டும். அதற்காக, அவர் முகத்தை மறைத்திருக்கும் நிகாப் மற்றும் புர்கா போன்றவற்றை அகற்ற வேண்டும்.

எனினும், மேற்படி நிபந்தனைகளை கருத்திற்கொள்ளாமல் ஒரு வாக்களார் தனது  நிகாப் மற்றும் புர்கா போன்றவற்றை அகற்றாது வாக்களிப்பதற்கு, வாக்களிப்பு நிலைய தலைமை அதிகாரி அனுமதி வழங்கக்கூடாது எனவும் சமன் சமன் ஸ்ரீ ரத்னாயக்க சுட்டிக்காட்டியுள்ளார்.

Comment (0) Hits: 55

'என்னை கொலை செய்யப்போவதாக மகிந்த எச்சரித்துள்ளார்'- சஜின்வாஸ்!(காணொளி)

ஜனாதிபதிவேட்பாளர் சஜித்பிரேமதாசவிற்கு தொடர்ந்தும் ஆதரவளித்தால் தன்னை கொலை செய்யப் போவதாக முன்னாள் ஜனாதிபதி மகிந்த ராஜபக்ச  தெரிவித்துள்ளார் என முன்னாள் அமைச்சர் சஜின்வாஸ் குணவர்த்தன பொலிசில் முறைப்பாடு செய்துள்ளார்.

இதனை செய்தியாளர் மாநாட்டில் அவர் உறுதி செய்துள்ளார்.

17 வருடங்களாக நான் மகிந்த ராஜபக்ச குடும்பத்திற்காக பணியாற்றினேன் என தெரிவித்துள்ள சஜின்வாஸ் குணவர்த்தனm ஆனால் அவர்கள் எனக்கு எதிராக வழக்கு தாக்கல் செய்த பின்னர், என்னை வெளியேற்றினார்கள் என குறிப்பிட்டுள்ளார்.

சட்டவிரோத பணப்பரிமாற்றம் , அரச சொத்துக்களை தவறாக பயன்படுத்தியமை குறித்த வழக்குகள் இன்னமும் நீதிமன்றத்தில் உள்ளன என  அவர் தெரிவித்துள்ளார்.

இந்த வழக்குகளை முன்னைய அரசாங்கமே தாக்கல் செய்தது என தெரிவித்துள்ளார்.

சஜித் பிரேமதாசவிற்கு ஆதரவாக பிரச்சாரத்தில் ஈடுபடவேண்டாம் என பொதுஜன பெரமுனவில் உள்ள எனது நண்பரான நாடாளுமன்ற உறுப்பினர் அடிக்கடி என்னை கேட்டுக்கொண்டுள்ளார் எனவும் அவர் குறிப்பிட்டுள்ளார்.

எனது மனைவிக்கும் இதுபோன்ற தொலைபேசி அழைப்புகள் வந்துள்ளன. இதனை தொடர்ந்து எனது குடும்பத்தின் பாதுகாப்பிற்காக நான் பொலிசில் முறைப்பாடு செய்ய தீர்மானித்தேன் எனவும் அவர் தெரிவித்துள்ளார்.

ஒருவரின் மரணத்தை தீர்மானிக்கும்  அதிகாரம்  அரசியல்வாதிக்கு இல்லை என சஜின்வாஸ் குணவர்த்தன தெரிவித்துள்ளார்.

 

Comment (0) Hits: 84

MCC ஒப்பந்தம்; மஹிந்தவுக்கு மங்கள சவால்!

தேர்தல் காலத்தில் ​​அமெரிக்க எதிர்ப்பு பயங்கரவாதத்தை தோற்றுவித்து மக்களை ஏமாற்றாமல் MCC உடன்படிக்கையினால் நாட்டிற்கு பாதகம் ஏற்படுமாயின் அது எத்தகைய பாதிப்பு என வெளிப்படுத்துமாறு எதிர்க்கட்சித் தலைவர் மஹிந்த ராஜபக்ஷவுக்கு நிதி அமைச்சர் மங்கள சமரவீர பகிரங்க சவால் விடுத்துள்ளார்.

 மில்­லே­னியம் சவால் ஒப்­பந்தம் குறித்து நிதி அமைச்சர் மங்­கள சம­ர­வீர வெளி­யிட்­டுள்ள விசேட அறிக்­கை­யி­லேயே மேற்­கண்­ட­வாறு தெரி­விக்­கப்­பட்­டுள்­ளது.

அதில் மேலும் குறிப்­பி­டப்­பட்­டுள்­ள­தாவது,

அமெரிக்காவுடன் மில்லேனியம் சவால் ஒத்துழைப்பு (MCC) ஒப்பந்தத்தில் கைச்சாத்திடுவதனால் நாட்டுக்குத் பாதகம் ஏற்படும் என குற்றம் சாட்டும் எதிர்க்கட்சித் தலைவர் மஹிந்த ராஜபக்ஷ, அதனால் நாட்டுக்கு ஏற்படும் கெடுதல் தொடர்பில் எந்தவிதமான கருத்துக்களையும் தெரிவிக்காமல், அமெரிக்க எதிர்ப்பு பயங்கரவாதத்தை தோற்றுவிக்க முயற்சிக்கின்றார். ஜனாதிபதி தேர்தல் இடம்பெறவுள்ள இவ்வாறான ஒரு சந்தர்ப்பத்தில், மக்களை  ஏமாற்றாமல், MCC ஒப்பந்தத்தின் மூலம் நாட்டிற்கோ அல்லது மக்களுக்கோ பாதகம் ஏற்படும் பட்சத்தில் அது தொடர்பில், பொதுமக்களுக்கு தெரியப்படுத்துமாறு எதிர்க்கட்சித் தலைவர் உள்ளிட்ட பொது முன்னணியின் தலைவர்களுக்கு நான் சவால் விடுக்கிறேன்.

இதற்கு முன்னரான தேர்தல் காலத்தின் போது, அமெரிக்க பீதியை உருவாக்கி சீகிரியா, சிங்கராஜ மற்றும் காலி கோட்டையை அமெரிக்காவிற்கு விற்கப்போவதாக, அப்போதைய எதிர்க்கட்சியினால் பொய் பிரச்சாரம் முன்னெடுக்கப்பட்டது. அந்த பிரச்சாரங்களில் எவ்விதமான உண்மைத் தன்மையும் இல்லை என்பதை மக்கள்  உணர்ந்திருப்பார்கள் என்று நம்புகிறேன்.

இந்த மில்லேனியம் ஒப்பந்தத்துக்கு கார்டினல் மல்கம் ரஞ்சித் ஆண்டகை எதிர்ப்பு தெரிவித்துள்ளதாக சமூக ஊடகங்களில் தற்போது பிரச்சாரங்கள் மேற்கொள்ளப்படுகின்றன. கார்டினல் மில்லேனியம் ஒப்பந்தத்திற்கு எதிரானவர் என்ற செய்தி, போலிப் பிரசாரம் என பேராயர் இல்லம் அறிவித்துள்ளது. ஜனாதிபதித் தேர்தலில் படுதோல்வி அடைவதை தடுப்பதற்காக மத வழிபாட்டுத் தலங்களைப் பயன்படுத்துவதன் மூலம், உண்மைகளை திரிபுபடுத்தி அரசியல் ஆதாயத்துக்காக, மிகவும் கீழ்த்தரமான நிலைக்கு மஹிந்த ராஜபக்ஷ மற்றும் கோத்தாபய ராஜபக்ஷ ஆகியோர் தள்ளப்பட்டுள்ளனர் என்பது இதன் மூலம் தெளிவாகின்றது.

ஜனாதிபதித் தேர்தல் நெருங்கிக்கொண்டிருக்கும் இந்த வேளையில், ஜனாதிபதித் தேர்தலில் தோல்வியைத் தழுவுவதை தாங்கிக்கொள்ள முடியாமல், இவ்வாறான அறிக்கைகளை வெளியிடுவது மிகவும் வருந்தத்தக்க விடயமாகும். அத்துடன், மக்களை ஏமாற்றி எப்படியாவது தமது வேட்பாளரின் வெற்றியை உறுதி செய்வதற்கு எதிர்க்கட்சி முயற்சிக்கிறது.

ஜனாதிபதித் தேர்தல் மூலம், நாட்டின் வரலாற்றில் முதல் முறையாக அமெரிக்க குடிமகனை ஜனாதிபதியாக்குவதற்கும் ஒரு அமெரிக்க பிரஜையை முதல் பெண்மணியாக்குவதற்கும் முயற்சிக்கும் திவாலான அரசியல்வாதிகளினாலேயே, நாட்டில் அமெரிக்க எதிர்ப்பு பீதியை உருவாக்குவதற்கான நடவடிக்கைகள் மேற்கொள்ளப்படுவது மிகவும் வேடிக்கையானதும் நகைப்புக்குரிய விடயமுமாகும்.

MCC ஒப்பந்தம் சம்பந்தமாக 2002 ஆம் ஆண்டு முதல் முறையாக கலந்துரையாடல்கள் மேற்கொள்ளப்பட்டன. இந்த ஒப்பந்தத்தில் கைச்சாத்திடுவதன் மூலம் 480 மில்லியன் அமெரிக்க டொலருக்கு சமமான, சுமார் 88,000 மில்லியன் ரூபா நிதி இலங்கைக்கு கிடைகின்றது.

இந்த மானியத்தைப் பெற்றுக்கொள்வதற்காக 2005ஆம் ஆண்டு  ஆட்சிக்கு வந்த மஹிந்த ராஜபக்ஷ அரசாங்கத்தினால் பாரிய முயற்சிகள் மேற்கொள்ளப்பட்டன. மஹிந்த ராஜபக்ஷவின் அரசாங்கத்தில் வெளிநாட்டு அலுவல்கள் அமைச்சர் என்ற வகையில், MCC மூலம் 480 மில்லியன் அமெரிக்க டொலர்களை பெற்றுக்கொள்வதற்கான பேச்சுவார்த்தைகளில், அப்போதைய அரசாங்கத்தின் தலைவரான மஹிந்த ராஜபக்ஷவின் வேண்டுகோளின் பேரிலேயே, நான் கலந்துகொண்டேன். எவ்வாறாயினும்,  அந்த அரசாங்கத்துக்கு எதிரான தேசிய மற்றும் சர்வதேச ரீதியிலான ஊழல், பயங்கரவாதம் மற்றும் மனித உரிமை மீறல்கள் ஆகிய குற்றச்சாட்டுகள் காரணமாக MCC மானியத்தை பெற்றுக்கொள்வதற்கு அரசாங்கம் மேற்கொண்ட முயற்சி வீணானது.

எதிர்க்கட்சித் தலைவர் மஹிந்த ராஜபக்ஷ MCC குறித்து மக்கள் மத்தியில் தேவையற்ற அச்சத்தை ஏற்படுத்தியுள்ளார். இதேவேளை, இதனால் நாட்டுக்கு ஏற்படும் பாதகமான விளைவுகள் குறித்து எதுவும் தெரிவிக்கவில்லை. நாட்டுக்கும் மக்களுக்கும் நன்மை பயக்கும் பொருளாதார நன்மைகள் கிடைக்கக் கூடிய இந்த ஒப்பந்தத்தின் ஊடாக, நாட்டுக்கு பாதகம் ஏற்படும் என்று அவர்கள் கூறுவார்களாயின், தேர்தல் காலத்தில் அமெரிக்க எதிர்ப்பு பயங்கரவாதத்தை தோற்றுவித்து மக்களை ஏமாற்றாமல், இது குறித்த விடயங்களை தெளிவுபடுத்துமாறு, எதிர்க்கட்சித் தலைவருக்கு நான் கோரிக்கை விடுக்கின்றேன்.

இந்த ஒப்பந்தத்தில் கையெழுத்திடுவது நாட்டின் இறையாண்மைக்கு தீங்கு விளைவிக்கும் என, பொது முன்னணியைச் சேர்ந்த விமல் வீரவன்ச மற்றும் உதய கம்மன்பில ஆகிய பாராளுமன்ற உறுப்பினர்கள் பாசாங்கு செய்கின்றனர். இதேவேளை, எதிர்க்கட்சித் தலைவர் மஹிந்த ராஜபக்ஷ இந்த ஒப்பந்தத்தை அமுல்படுத்துதற்கு முன்னர், பாராளுமன்றத்தில் சமர்ப்பிக்கப்பட வேண்டும் என்ற கோரிக்கையுடன் மாத்திரம் தனது குற்றச்சாட்டை மட்டுப்படுத்தியுள்ளதுடன், பொதுமக்கள் மத்தியில் பொய்யான அச்சத்தை தோற்றுவிக்கும் பொறுப்பு, எப்போதும் பொய்யை பரப்பும் இரு எம்.பி.க்களிடமும் ஒப்படைக்கப்பட்டுள்ளமை நிரூபணமாகியுள்ளது.

இந்த ஒப்பந்தத்தினால் நாட்டின் பொருளாதார வளர்ச்சிக்கு மிகவும் அத்தியாவசியமான போக்குவரத்து மற்றும் காணி குறித்த பிரச்சினைகள், இலங்கையினால் அடையாளங் காணப்பட்டு, பரிந்துரைக்கப்பட்டு ஒப்பந்தத்தில் சேர்க்கப்பட்டுள்ளன. இங்கு குறிப்பிடப்பட்டுள்ள காணிப் பிரச்சினைகளைத் தீர்ப்பதன் மூலம், சுமார் 50 இலட்சம் மக்கள் தமது காணிகளுக்குரிய உறுதிப்பத்திரங்களை பெற்றுக்கொள்ள முடிவதுடன், போக்குவரத்து தொடர்பான பிரச்சினைகளை தீர்ப்பதன் மூலம், சுமார் 70 மில்லியன் மக்கள் பயனடைவார்கள்.

இந்த ஒப்பந்தத்தின் முதல் கட்டத்தின் கீழ், நாட்டின் 07 மாவட்டங்களில் காணப்படும் தனியார் மற்றும் அரச காணிகளை இலகுவில் அடையாளம் காணக்கூடிய வகையில், காணிகள் குறித்த நிலவரைபடம் தயாரிக்கப்படுவதுடன் இதனால், அரச காணிகள் தொடர்பில் ஒரு தனி செயன்முறையை முன்னெடுக்க அரசாங்கத்திற்கு சந்தர்ப்பம் கிடைகின்றது.

இந்த ஒப்பந்தத்தின் படி, மின்னணு (Electric) காணி பதிவு அலுவலகம் நிறுவப்பட்டு, தற்போது காணி பதிவாளர் அலுவலகங்களில் இருக்கும் அனைத்து உறுதிப்பத்திரங்களும் மின்னணு முறையில் பாதுகாக்கப்பட்டு, அதற்கான சட்டப்பூர்வ அங்கீகாரம் வழங்கப்படும்.

பொதுமக்களுக்கு நன்மைபயக்கக் கூடிய இவ்வாறான திட்டங்களினால், நாட்டின் இறையாண்மைக்கு அச்சுறுத்தல் ஏற்படும் என்ற எதிர்க்கட்சியின் குற்றச்சாட்டை, அறிவார்ந்த மக்கள் ஒருபோதும் ஏற்றுக்கொள்ள மாட்டார்கள் என்று உறுதியாக நம்புகின்றேன்.

MCC ஒப்பந்தத்தை அமுல்படுத்துவதற்கான சட்டமொன்று  பாராளுமன்றத்தில் நிறைவேற்றப்பட்ட பின்னரே, இந்த ஒப்பந்தம் செல்லுபடியாகும் என அந்த ஒப்பந்தத்திலேயே உள்ளடக்கப்பட்டுள்ளது. இலங்கை சட்டவரைபின் படி, குறித்த ஒப்பந்தம் வர்த்தமானி செய்யப்படும்போது, ​​அதனால் பாதிக்கப்பட்ட அனைத்து தரப்பினருக்கும் அந்த சட்ட மசோதாவுக்கு எதிராக நீதிமன்றம் செல்வதற்கான வாய்ப்பு வழங்கப்படுள்ளது.

அமெரிக்காவுடனான மில்லேனியம் சேலஞ்ச் ஒத்துழைப்பு ஒப்பந்தத்தில் கைச்சாத்திட அமைச்சரவை அனுமதி  அளித்துள்ள இந்த சந்தர்ப்பத்தில், அது தொடர்பில் மக்கள் மத்தியில் அச்சத்தை தோற்றுவிக்கும் தேசபக்தர்கள் என அழைக்கப்படுபவர்கள், இதனால் நாட்டிற்கும் மக்களுக்கும் ஏதேனும் பாதகமான விளைவுகள் இருப்பின்,  உடனடியாக அம்பலப்படுத்த வேண்டும் என நான் வலியுறுத்துகிறேன்.

மில்லேனியம் செலேன்சஞ் ஒத்துழைப்பு ஒப்பந்தத்தின் வரைவின் நகல் இதனுடன் இணைக்கப்பட்டுள்ளது.

Comment (0) Hits: 68

சத்தியாக்கிரகத்தை ஆரம்பித்தார் ஜனாதிபதி வேட்பாளர் சிவாஜிலிங்கம்!

தமிழ் அரசியல் கைதிகளை விடுதலையை வலியுறுத்தி ஜனாதிபதி வேட்பாளர் எம்.கே.சிவாஜிலிங்கம், ஜனாதிபதி செயலகத்துக்கு முன்பாக சத்தியாக்கிரக போராட்டத்தை ஆரம்பித்துள்ளார்.

சிறைகளில் வாழும் தண்டனை பெற்ற அரசியல் கைதிகளுக்கு பொதுமன்னிப்பு மற்றும் கிழக்கில் காணி விடுவிப்பு மற்றும் காணாமல் போனரது உறவினர்களுக்கு மாதாந்தம் 50,000 ரூபா நிவாரணம் வழங்கப்பட வேண்டும் போன்ற கோரிக்கை களை  முன்வைத்தே  ஜனாதிபதி வேட்பாளர் எம்.கே.சிவாஜிலிங்கம், சத்தியாக்கிரக போராட்டத்தை ஆரம்பித்துள்ளார்.

இன்று காலை சுமார் ஒரு மணித்தியாலம் ஜனாதிபதி செயலகத்துக்கு முன்னாலும், அதனைத் தொடர்ந்து அலரி மாளிகைக்கு முன்னாலும் இவ்வாறு போராட்டத்தில் ஈடுபட்டார்.

இதன் போது தனது கோரிக்கைகளை அடங்கிய மகஜரையும் அவர் ஜனாதிபதி செயலகத்திலும் அலரி மாளிகையிலும் கையளித்ததாக அவரது பிரத்தியேக செயலாளர் தெரிவித்தார்.

Comment (0) Hits: 70

யாழ் படையினரால் 'பெரியகுளம்' குளம் புனரமைப்பு!

யாழ் குடாநாட்டில் சிவில் மற்றும் இராணுவத்தினரின் ஒற்றுமை மற்றும் நல்லிணக்கத்தை மேம்படுத்திகொள்ளும் நிமித்தம் யாழ் பாதுகாப்பு படைத் தளபதி மேஜர் ஜெனரல் ருவான் வனிகசூரிய வழிக்காட்டலுக்கமைய 10 ஆவது இலங்கை இராணுவ பொறியியலாளர் படையணி மற்றும் 5 ஆவது பொறியியலாளர் சேவை படையணியின் படையினரால் வடக்கு அரலி பிரதேசத்தில் உள்ள 'பெரியகுளம்' குளம் புனரமைக்கப்பட்டு பணிகள் நிறைவுசெய்யப்பட்டுள்ளன.

அதற்கமைய இந்த குளமானது பிரதம அதிதியான இராணுவத் தளபதி லெப்டினன்ட் ஜெனரல் சவேந்திர சில்வா தலைமையில் 4 ஆம் திகதி திங்கட்கிழமை திறந்து வைத்து விவசாய மக்களுக்கு வழங்கி வைக்கப்பட்டது. இந்த பெரிய புனரமைப்பு திட்டமானது சில வாரங்களுக்கு முன்பு 'யாழ் நண்பர்கள்' அமைப்பின் தலைவரும், வட்டுகோட்டை விவசாய சங்கத்தின் தலைவருமான கலாநிதி சிதம்பரன் மோகன் என்பவரால் யாழ் தளபதிக்கு விடுத்த வேண்டுக்கோளுக்கமைய நீண்ட காலமாக கவனிக்கப்படாமல் இருந்த இந்த பாழடைந்த குளம் படையினரால் புனரமைக்கப்பட்டது.

வடக்கு அரலி பகுதியில் சுமார் 800 ஏக்கர் விவசாய நிலங்களுக்கு இந்த குளத்தின் நீர் பயன்படுத்தப்பட்டு வருகின்றது. ஆனால் காலப்போக்கில் முழு குளத்திலும் நீர் வறண்டு போய் மழை நீரை தக்க வைத்துக் கொள்ள முடியாமல் போதுடன் ஆண்டு முழுவதும் விவசாய திட்டங்களுக்கு நீர் மிகவும் அவசியம் என்பதினால், படையினருக்கு விடுத்த வேண்டுகோளின் பேரில் தங்கள் மனிதவளத்தைப் பயன்படுத்தி விவசாய மேம்பாட்டுத் துறை உட்பட அனைத்து அந்தந்த மாவட்ட நிறுவனங்களுடனும் கலந்தாலோசித்து கனரக இயந்திரங்கள் மூலம் படையினரால் இந்த திட்டம் நிறைவு செய்யப்பட்டுள்ளது.

இராணுவ தளபதி லெப்டினன்ட் ஜெனரல் சவேந்திர சில்வாவினால் இந்த குளமானது திறந்துவைக்கப்பட்டதையடுத்து புதுப்பிக்கப்பட்ட இந்த பெரியகுளம் குளத்து நீருடன் இந்திய கங்கையில் இருந்து திட்டத்தின் கட்டடக் கலைஞர் கலாநிதி சிதம்பரன் மோகன் என்பவரால் கொண்டுவரப்பட்ட புனித நீரானது சேர்க்கப்பட்டது.

இராணுவ தளபதி லெப்டினன்ட் ஜெனரல் சவேந்திர சில்வாவினால் நினைவு பலகை திறந்துவைக்கப்பட்டு அடையாளபூர்வமாக ஆவணங்களும் வழங்கப்பட்டன. இதன் முழு புனரமைப்பு திட்டத்திற்கும் தேவையான நிதி விவசாய அபிவிருத்தி திணைக்கள மாவட்ட அதிகாரிகளினால் வழங்கப்பட்டுள்ளது. இந்த நிகழ்விற்கு அதிக முக்கியத்துவம் அளித்து, குளம் திறந்துவைக்கும் நிகழ்வில் நூற்றுக்கணக்கான மாணவர்கள் வருகை தந்ததுடன் இராணுவத் தளபதியுடன் இணைந்து குளத்தை சுற்றி ஆயிரக்கணக்கான மரக்கன்றுகளை நட்டனர்.

தேசத்தைக் கட்டியெழுப்பும் பணிக்கு படையினரால் முன்னுரிமை வழங்கப்பட்டுள்ளதுடன் வடக்கில் புனரமைக்கப்பட்டுவரும் இன்னும் சில குளங்களுக்கான முழுமையான ஒத்துழைப்பானது பாதுகாப்புப் படையினர்களால் வழங்கப்பட்டுவருகின்றன.

20191105 aralitank 07

20191105 aralitank 14

 

Comment (0) Hits: 53

பூஜித்,ஹேமசிறிக்கு விளக்கமறியல் நீடிப்பு!

கட்டாய விடுமுறை வழங்கப்பட்டுள்ள பொலிஸ் மா அதிபர் பூஜித் ஜயசுந்தர மற்றும் முன்னாள் பாதுகாப்புச் செயலாளர் ஹேமசிறி பெணான்டோ ஆகியோரின் விளக்கமறியல் மீண்டும் நீடிக்கப்பட்டுள்ளது.

எதிர்வரும் 19ஆம் திகதி வரை இவர்களது விளக்கமறியல் உத்தரவு நீடிக்கப்பட்டுள்ளது.

இது தொடர்பான வழக்கு இன்று (06) விசாரணைக்கு எடுத்துக் கொள்ளப்பட்டபோது, இவ்வுத்தரவை கொழும்பு மேலதிக நீதவான் பிரியந்த லியனகே வழங்கினர்.

உயிர்த்த ஞாயிறு தின தாக்குதல் சம்பத்தை தடுக்க தவறியமை தொடர்பில் தாக்கல் செய்யப்பட்டுள்ள வழக்கிற்கு அமைய, குறித்த இருவருக்கும் விளக்கமறியல் நீடிக்கப்பட்டுள்ளது.

Comment (0) Hits: 60

அநுரவுக்கு வாக்களிப்பவர்களுக்கு மற்றொரு வாய்ப்பு : இரண்டாவது விருப்பு வாக்கை கோட்டாவுக்கு எதிராக வழங்குங்கள்! (காணொளி)

தேசிய மக்கள் சக்தியின் வேட்பாளர் அநுர குமார திசாநாயக்காவுக்கு வாக்களிப்பதற்கு எதிர்பார்த்திருப்பவர்கள் எவருக்காவது, கோட்டாபய ராஜபக்ஷ வெற்றி பெற்றுவிடுவார் என்ற அச்சமிருந்தால் அநுர குமார திசாநாயக்காவுக்கு 1ம் இலக்கத்தை வழங்கி விட்டு, இரண்டாவது விருப்பு வாக்கினை கோட்டாபய ராஜபக்ஷவுக்கு எதிராக வேறு யாருக்காவது வழங்குமாறு மக்கள் விடுதலை முன்னியின் அரசியல் பீட உறுப்பினர் லால் காந்த கூறினார்.

கடந்த 02ம் திகதி எம்பிலிபிட்டியவில் இடம்பெற்ற தேசிய மக்கள் சக்தியின் தேர்தல் பிரசாரக் கூட்டத்தில் கலந்துகொண்டு உரையாற்றும் போதே, முன்னாள் பாராளுமன்ற உறுப்பினரான லால் காந்த இவ்வாறு கூறினார்.  இங்கு தொடர்ந்தும் உரையாற்றிய லால் காந்த மேலும் கூறியதாவது,

“எம்மிடம் அதிகமான பேச்சுக்கள் இல்லை. நாம் செய்யப் போவது என்ன? வாக்குச் சாவடிக்குச் சென்று வாக்குச் சீட்டைப் பெற்று 12வது இடத்திலிருக்கும் எமது அநுர குமார திசாநாயக்காவின் சின்னத்திற்கு வாக்களிப்பதேயாகும்.

ஆனால், எமக்கு மூன்று விருப்பு வாக்குகள் இருக்கின்றன. அநுர குமார திசாநாயக்காவுக்கு வாக்களிப்பவர்கள் ஏனைய அனைத்தையும் புறந்தள்ளவிட்டு எமது சின்னத்திற்கு மாத்திரம் புள்ளடியிட வேண்டியதுதான்.  ஆனால் நாம் சந்திக்கும் சிலர் உங்களுக்குத்தான் வாக்களிக்க வேண்டும். ஆனால் உங்களுக்கு வாக்களிக்கும் போது கோட்டா வென்று விடுவாறோ? எனக் கூறுகின்றனர்.

அவ்வாறானவர்களுக்கு நாம் கூற விரும்புவது ஒன்றுதான். அநுர குமார திசாநாயக்காவுக்கு ஒன்றை வழங்கிவிட்டு ஏனைய இரண்டு விருப்புக்களையும் கோட்டாவுக்கு எதிராக வேறு யாருக்கு வழங்கினாலும் அது எமக்குப் பிரச்சினையில்லை. கோட்டாவைத் தோற்கடிக்க வேண்டுமாயின், நீங்கள் விரும்பும் வேட்பாளருக்கு இரண்டாம் விருப்பு வாக்கினை வழங்கலாம்” என்றார்.

Comment (0) Hits: 61

அஜந்த சொய்ஷா ஜனாதிபதி தேர்தலிலிருந்து விலகினார்! சஜித்துக்கு ஆதரவு வழங்கவும் முடிவு!

நடைபெறவுள்ள ஜனாதிபதி தேர்தலில் வேட்பாளராகப் போட்டியிடும் முன்னாள் பராளுமன்ற உறுப்பினரான அஜந்த சொய்ஷா  போட்டியிலிருந்து விலகி ஜனாதிபதி வேட்பாளர் சஜித் பிரேமதாசாவுக்கு ஆதரவை வழங்க தீர்மானித்துள்ளார்.  அவர் சஜித் பிரேமதாசாவைச் சந்தித்து தனது ஆதரவை வழங்குவதாகத் தெரிவித்துள்ளார்.

சஜித் பிரேமதாசாவின் கொள்கைப் பிரகடணத்தில் உள்ளடங்கியுள்ள விடயங்கள் தொடா்பில் ஏற்பட்ட நம்பிக்கையின் அடிப்படையில் இந்தத் தீர்மானத்தை மேற்கொண்டதாக அவர் தெரிவித்துள்ளார்.

ஜனாதிபதித் தேர்தலில் போட்டியிடும் மேலும் சில வேட்பாளர்கள் போட்டியிலிருந்து விலகி சஜித் பிரேமதாசாவுக்கு ஆதரவை வழங்க முன்வந்துள்ளமை குறிப்பிடத்தக்கது.

Comment (0) Hits: 68

தேர்தலில் சிறந்த தீர்வு கிடைத்தவுடன் தயாசிறியை முதலில் விரட்டியடிப்போம் - குமார வெல்கம!

நடைபெறவுள்ள ஜனாதிபதித் தேர்தலில் சிறந்த தீர்வு கிடைக்கப் பெற்றால் தயாசிறியையே முதலில் விரட்டியடிப்போம் என ஸ்ரீலங்கா சுதந்திரக் கட்சியின் சிரேஷ்ட உறுப்பினர் குமார வெல்கம தெரிவித்தார்.

முன்னாள் ஜனாதிபதி சந்திரிகா குமாரதுங்க தலைமையில் கொழும்பு - சுகததாச உள்ளக அரங்கில் இன்று நடைபெற்ற சுதந்திர கட்சியை பாதுகாக்கும் அமைப்பினால் ஏற்பாடு செய்யப்பட்டிருந்த சம்மேளனத்தில் கலந்து கொண்டு உரையாற்றும் போதே அவர் இவ்வாறு தெரிவித்தார். 

சந்திரிகா குமாரதுங்கவுக்கு பின்னர் நானே ஸ்ரீலங்கா சுதந்திர பற்றி பேசுவதற்கு தகுதியுள்ள சிரேஷ்ட உறுப்பினராவேன். சிறிமாவோ பண்டாரநாயக்க எனக்கு அகவத்தை தொகுதியை வழங்கி 38 வருடங்களை நிறைவடைந்துள்ளன. 

மிக நீண்ட காலம் நான் சுதந்திர கட்சியின் அமைப்பளராக இருந்திருக்கிறேன். முன்னாள் பிரதமர் எஸ்.டபில்யு.ஆர்.டி.பண்டாரநாயக்க 1951 ஆம் ஆண்டு சுதந்திர கட்சியை கட்டியெழுப்பினார். 

டீ.எஸ்.சேனாநாயக்க உயிழந்ததன் பின்னர் கட்சியின் சிரேஷ்ட உறுப்பினராக செயற்பட்ட பண்டாரநாயக்கவுக்கு எந்த பதவியும் வழங்கப்படவில்லை என்பதாலேயே அவர் ஐ.தே.கவிலிருந்து பிரிந்து சு.கவை ஸ்தாபித்தார். 

கட்சி உருவாக்கப்பட்டு முதலாவது தேர்தலில் 8 ஆசனங்கள் கிடைக்கப்பெற்றன. 1957 ஆம் ஆண்டு மீண்டும் பாரிய வெற்றி கிடைக்கப்பெற்றது. மிகக் குறுகிய காலத்தில் அவர் பல நன்மைகளை செய்திருக்கிறார். 1959 ஆம் ஆண்டு அவர் கொல்லப்பட்டதன் பின்னர் சிறிமாவோ பண்டாரநாயக்கவே கட்சியை முன்னோக்கி கொண்டு சென்றார். 

நான் இன்று அரசியலில் வெற்றி பெற்றிருப்பதற்கும் அவரே காரணமாவார். நான் மாத்திமரல்ல. மஹிந்த ராஸபக்ஷ மற்றும் ஜனாதிபதி மைத்திரிபால சிறிசேன ஆகியோரையும் அவரே உருவாக்கினார். 

சிரேஷ்ட தலைவியாக எமக்கு முறையான அரசியலைக் கற்றுக்கொடுத்தார். தனது குடியுரிமை நீக்கப்பட்ட போதிலும் கட்சியை வெற்றிப் பாதையில் கொண்டு சென்றார். எனவே சுதந்திர கட்சியை பாதுகாக்க வேண்டிய பொறுப்பு எமக்கு இருக்கிறது. 

ஆனால் தற்போது அவ்வாறல்ல. வெவ்வேறு கட்சிகளிலிருந்து சுதந்திர கட்சியில் இணைந்தவர்கள் தற்போது கட்சியின் வரலாறு பற்றி பேசுகிறார்கள். அதற்கு நாம் ஒருபோதும் இடமளிக்கப் போவதில்லை. நாமே சுதந்திர கட்சியை பாதுகாப்போம். 

அத்துடன் இந்த சம்மேளனத்தில் கலந்து கொண்ட உறுப்பினர்களின் பதவிகள் அல்லது உறுப்புரிமை நீக்கப்படும் என்று யாரும் அச்சமடையத் தேவையில்லை. சந்திரிகா குமாரதுங்கவுடன் நானும் இணைந்து முன்னின்று அனைவரையும் பாதுகாப்போம்.அச்சமின்றி அனைவரும் எம்முடன் ஒன்றிணையுங்கள். இதுவே எமக்கு கிடைக்கப் பெற்றுள்ள இறுதி வாய்ப்பாகும். 

ஒழுக்காற்று நடவடிக்கை எடுப்பதாகக் கூறும் கட்சி செயலாளருக்கு எதுவும் செய்ய முடியாது. இவ்வாறானவர்கள் எத்தனை கட்சிகளுக்கு தாவியிருக்கிறார்கள் ? அவர்களால் சந்திரிகா குமாரதுங்கவுக்கு எதிராக நடவடிக்கை எடுக்க முடியுமா ? தந்தையும் தாயும் கட்டியெழுப்பிய இந்த கட்சியிலிருந்து சந்திரிகா குமாரதுங்க நீக்கப்படுவார் என்று தயாசிறி ஜயசேகர கூறுகிறார். ' இந்த தேர்தலில் சிறந்த தீர்வு எமக்கு கிடைக்கப் பெற்றால் காதைப் பிடித்து நாமே உங்களை கட்சியிலிருந்து அப்புறுப்படுத்துவோம் ' என்பதை தயாசிறிக்கு தெரிவித்துக் கொள்வதாகவும் அவர் இதன்போது கூறினார்.

Comment (0) Hits: 70

ஜனாதிபதித் தேர்தல்; நிலைப்பாட்டை அறிவித்தது சித்தார்த்தன் தலைமையிலான புளொட்!

புதிய ஜனநாயக முன்னணியின்  ஜனாதிபதி வேட்பாளர் சஜித் பிரமதாசவை ஆதரிக்க தமிழீழ மக்கள் விடுதலை கழகம்( புளொட்) தீர்மானம் எடுத்துள்ளதுடன் தமிழீழ விடுதலை இயக்கத்தின் (ரெலோ ) தீர்மானம் நாளை அறிவிக்கப்படும்.

தமிழரசு கட்சி தனித்து தீர்மானத்தை அறிவிக்காது கூட்டமைப்பாக இணைந்து தீர்மானத்தை அறிவித்திருந்தால் ஆரோக்கியமாக இருந்திருக்கும் என்கிறார் தர்மலிங்கம் சித்தார்த்தன். 

இம்முறை ஜனாதிபதி தேர்தலில் சஜித் பிரேமதாசவை ஆதரிக்க தமிழ் தேசிய கூட்டமைப்பின் பிரதான கட்சியான இலங்கை தமிழரசு கட்சி தீர்மானம் எடுத்துள்ள நிலையில், ஏனைய இரண்டு பங்காளிக் கட்சிகளான ரெலோ, புளொட் கட்சிகளின் நிலைப்பாடுகள் இன்னமும் அறிவிக்கப்படாது உள்ள நிலையில் அவர்களின் நிலைப்பாடுகள் குறித்து வினவியபோதே அவர்கள் இதனை கூறினார்கள்.

இது குறித்தி  தமிழீழ விடுதலை இயக்கத்தின் (ரெலோ )தலைவர் செல்வம் அடைக்கலநாதன் கூறுகையில், 

நாம் கட்சியாக இன்னமும் தீர்மானம் ஒன்றினை எடுக்கவில்லை. நாளைய தினம் எமது கட்சியின் உறுப்பினர்கள் கூடி எமது நிலைப்பாடுகள் குறித்து ஆராயவுள்ளோம். 

இலங்கை தமிழரசு கட்சியின் தீர்மானம் குறித்து நாம் சிந்திக்க வேண்டும். அதேபோல் வெறுமனே ஒரு வேட்பாளரை வீழ்த்த இன்னொரு வேட்பாளருக்கு அர்த்தமற்ற ஆதரவை வழங்கவும் முடியாது. நாம் ஒரு ஜனாதிபதி வேட்பாளரை ஆதரிக்க வேண்டும் என்றால் எமது மக்கள் சார் விடயங்களில்  முக்கியத்துவம் கொடுக்க வேண்டும். 

அவ்வாறு இல்லாது ஒரு வேட்பாளரை வெற்றிபெற செய்ய எமது மக்களை ஏமாற்ற முடியாது. சில தீர்மானங்களில் நாம் உறுதியாக உள்ளோம். எமது நிலைப்பாடுகள் குறித்து நாம் தமிழ் தேசிய கூட்டமைப்பின் தலைவர் சம்பந்தனுடன் பேசுவோம். எம்முடன் பேசவும் அவர் தயாராக உள்ளார். நாளைய தினம் நாம் எமது தீர்மானத்தை அறிவிப்போம் என்றார்.

எனினும் தமிழீழ விடுதலை இயக்கத்தின் (ரெலோ ) உறுப்பினர்கள் இடையில் தொடர்ந்தும் இரு வேறுபட்ட நிலைப்பாடுகள் கானப்படுகின்றதாக அறிய முடிகின்றது. தாம் எந்தவொரு வேட்பாளரையும் ஆதரிக்காது மக்களின் விருப்பில் வாக்களிக்க வேண்டும்  என்பதை அறிவிப்போம் என்ற கருத்தும் கட்சிக்குள் நிலவுகின்றது. 

தமிழீழ மக்கள் விடுதலை கழகத்தின் (புளொட்) தலைவர் சித்தார்த்தன் இது குறித்து கூறுகையில், "நாம் ஏற்கனவே ஒரு தீர்மானத்தை எடுத்து அதில் உறுதியாக உள்ளோம். இது ஒரு மாதத்துக்கும் முன்னமே எடுக்கப்பட்ட தீர்மானம். அதாவது நாம் இரண்டு பிரதான வேட்பாளர்களில் ஒருவரை  ஆதரிப்பது, அதில் சஜித் பிரேமதாசவை ஆதரிப்பதே சரியான தெரிவு என்பதை நாம் கூறிவிட்டோம். இப்போதும் நாம் அந்த தீர்மானத்தில் உறுதியாக உள்ளோம்.

எமது நோக்கம் என்னவெனில் தமிழ் தேசிய கூட்டமைப்பாக அனைத்து கட்சிகளும் ஒன்றிணைந்து ஒரு வேட்பாளருடன் நிற்க வேண்டும் என்பதே. அதில் எமது தலைமைகள் தனித்தனி தீர்மானம் எடுக்க வேண்டியதில்லை. கூட்டமைப்பாக ஒரு தீர்மானத்தை வெளிப்படுத்தியிருந்தால் இன்னமும் ஆரோக்கியமானதாக இருந்திருக்கும். எவ்வாறு இருப்பினும் இப்போதும் நாம் ஒற்றுமையாக தமிழ் மக்களின் நலன்களை கவனத்தில் கொள்ள வேண்டும் என்பதே எமது உறுதியான நிலைப்பாடு. 

ஆதரவு விடயத்தில் பிரதமர் என்னை தொலைபேசியில் அழைத்து பேசினார்.எமது ஆதரவு குறித்து வினவினார். நாம் ஏற்கனவே எடுத்த தீர்மானம் குறித்து அவருக்கு கூறினேன். செல்வம் அடைக்கலநாதன் எம்.பியின் நிலைப்பாடு குறித்து அவருடன் பேசுவதாக கூறினார்.

எவ்வாறு இருப்பினும் எமது முழுமையான ஆதரவை சஜித் பிரேமதாசவின் வெற்றுக்காக வழங்க வேண்டும், அவ்வாறு உங்களின் ஆதரவு எமக்கு கிடைக்கும் என தான் நம்புவதாக என்னிடம் கூறினார்" என்றார்.

Comment (0) Hits: 58

தமிழ் சிறைக் கைதிகள் தொடர்பில் சஜித் மற்றும் கோட்டாபய ஆகியோரின் கொள்கைகள் இதோ!

கோட்டாபக ராஜபக்ஷ மற்றும் சஜித் பிரேமதாச ஆகிய ஜனாதிபதி வேட்பாளர்களின் வரலாறு மற்றும் அவர்கள் முன்வைத்துள்ள கொள்கைப் பிரகடணம் என்பவற்றை ஒப்பிட்டுப் பார்த்த பின்னரே தமது கட்சி ஜனாதிபதி தேர்தல் தொடர்பில் தீர்மானத்தைவெளியிட்டதாக இலங்கை தமிழரசுக் கட்சி தெரிவித்துள்ளது.

தமிழ் தேசிய கூட்டமைப்பின் பிரதான தரப்பான இலங்கை தமிழரசுக் கட்சி ஜனாதிபதி வேட்பாளர் சஜித் பிரேதமதாசாவுக்கு ஆதரவை வழங்குவதாக நேற்று ஞாயிற்றுக் கிழமை அறிவித்தது. இது தொடா்பில் பீபீசி சிங்கள சேவைக்கு அக்கடசியின் பேச்சாளரான பாராளுமன்ற உறுப்பினர் எம்.ஏ.சுமேந்திரன் கருத்து தெரிவித்த போது, சஜித் பிரேமதாசாவுக்கு தாம் ஆதரவளிப்பதற்காக எவ்வித நிபந்தனைகளையும் முன்வைக்கவில்லை எனத் தெரிவித்துள்ளார்.

“நாம் இந்த இரண்டு வேட்பாளர்களின் வரலாற்றினை ஆராய்ந்து பார்த்தோம். ஜனநாயகத்திற்கு யார் மதிப்பளிக்கின்றார்கள்?, சட்டத்தின் ஆட்சிக்கு யார் மதிப்பளிக்கின்றார்கள்? என்பவற்றை ஆராய்ந்து பார்த்தோம். எனினும் எமது ஆதரவை வழங்குவதற்கு நாம் எவ்வித நிபந்தனைகளையும் முன்வைக்கவில்லை” என அவர் தெரிவித்துள்ளார்.

இலங்கை தமிழரசுக் கட்சி, டெலோ மற்றும் ப்ளொட் அமைப்பு ஆகியன இணைந்தே தமிழ் தேசிய கூட்டமைப்பு உருவாக்கப்பட்டுள்ளது. இதன் தலைவராக பாராளுமன்ற உறுப்பினர் ஆர். சம்பந்தன் செயற்படுகின்றார்.

இதே வேளை ப்ளொட் அமைப்பும் ஜனாதிபதி தேர்தலில் சஜித் பிரேமதாசாவிற்கு ஆதரவை வழங்க முன்வந்துள்ளதாக அதன் தலைவர் பாராளுமன்ற உறுப்பினர் தர்மலிங்கம் சித்தார்தன் பீபீசி சிங்கள சேவைக்குத் இன்று திங்கட்கிழமை தெரிவித்துள்ளார்.

Comment (0) Hits: 60

ஜனாதிபதி தேர்தல் : சுகாதார துவாய் விளம்பரத்தை தடை கோரிக்கை!

ஜனாதிபதி தேர்தல் வாக்கெடுப்பு முடியும் வரையில் பெண்களுக்கான சுகாதார துவாய் விளம்பரத்தை ஒளிபரப்புவதை உடனடியாகத் தடை செய்யுமாறு மொட்டுக் கட்சியின் சட்டத்தரணிகள் சிலர் தேர்தல்கள் ஆணைக்குழுவிடம் கோரிக்கை விடுத்துள்ளதாகத் தெரிய வருகின்றது.

இவ்வாறான விளம்பரங்களை ஒளிபரப்புவதன் ஊடாக ஜனாதிபதி வேட்பாளர் கோட்டாபய ராஜபக்ஷவுக்கு பெரும் பாதிப்பு ஏற்படுவதாகவும் அச்சட்டத்தரணிகள் சுட்டிக் காட்டியுள்ளதாகவும் தெரிவிக்கப்படுகின்றது. அண்மையில் ITN தொலைக்காட்சி ஊடாக ஒளிபரப்பான “பேட் மேன்” திரைப்படம் ஒளிபரப்பப்படுவதைத் தடுப்பதற்கும் இத்தரப்பினர் கடும் முயற்சிகளை மேற்கொண்டிருந்தனர்.

Comment (0) Hits: 85

"தேசிய கொடியை ஏற்றிய சம்பந்தன் சஜித்துடன். ஈழக் கொடியை ஏற்றிய வரதராஜா, கோட்டாவுடன்" - மங்கள! (காணொளி)

இலங்கையின் அரசியலமைப்பை ஏற்றுக் கொண்டுள்ள, இலங்கையின் தேசிய கொடியை மதிக்கும் தமிழ் தேசிய கூட்டமைப்பின் ஆர். சம்பந்தன் போன்றோர் சஜித் பிரேமதாசாவுக்கு ஆதரவை வழங்கும் போது, கோட்டாபயவுக்கு ஆதரவை வழங்குவது 1990ம் ஆண்டில் திருகோணமலை நகரில் தனியான ஈழ நாட்டைப் பிரகடணப்படுத்தி, இலங்கை வரலாற்றில் முதல் தடவையாகவும், ஒரே தடவையும் ஈழக் கொடியை பகிரங்கமாகவே ஏற்றிய வரதராஜா பெருமாள் போன்றோரே என நிதி அமைச்சர் மங்கள சமரவீர தெரிவித்துள்ளார்.

மாத்தரை நகரில் ஞாயிற்றுக்கிழமை (03) இடம்பெற்ற தோ்தல் பிரசாரக் கூட்டம் ஒன்றில் கலந்துகொண்டு உரையாற்றும் போதே அவர் இதனைத் தெரிவித்தார்.

தமிழ் தேசிய கூட்டமைப்பின் சம்பந்தன் போன்றோர் ஐக்கிய தேசிய கட்சியுடன் இணைந்து பணியாற்றுவது ஒன்றும் புதிய விடயமல்ல என்றும், அவர் 2013ம் ஆண்டு யாழ்ப்பாணத்தில் இடம்பெற்ற ஐக்கிய தேசிய கட்சியின் மே தினக் கூட்ட மேடையில் ஏறி இலங்கை தேசியக் கொடியை ஏற்றிய, இலங்கை தேசிய கொடியை மக்களிடத்தில் பிரபலப்படுத்திய ஒரு அரசியல்வாதி என்றும் நிதி அமைச்சர் மங்கள சமரவீர தெரிவித்தார்.  அங்கு தொடர்ந்தும் உரையாற்றிய நிதி அமைச்சர் மேலும் கூறியதாவது,

“இது ஒன்றும் புதிய விடயமல்ல. தமழ் தேசிய கூட்டமைப்பு தொடர்ந்தும் எம்மோடு இணைந்தே பணியாற்றுகின்றது. எம்மோடு பாரியளவிலானோர் தற்போது இணைந்து கொண்டிருக்கின்றார்கள். தற்போது தெரண டீவியும்  நிவ்ஸ் அலார்ட் ஒன்றை போட்டுள்ளதை நான் கண்டேன்.  இது நாம் நினைத்த விடயங்களேயாகும். அவர்கள் இப்போது டீஎன்ஏ கட்சியும் சஜித் பிரேமதாசாவுக்கு உத்தியோகபூர்வமாக ஆதரவை வழங்குவதாகக் கூறியுள்ளதாக கூறுகின்றனர்.  இனி அவர் இதோ புலிகளும் சஜித்துடன் சேர்ந்துவிட்டார்கள் எனக் கூறுவார்கள்” என்றார்.

Comment (0) Hits: 77

கோத்தாபயவின் பண்டுவஸ்நுவர கூட்டத்தில் தயாசிரி இல்லை!

மொட்டுக் கட்சியின் ஜனாதிபதி வேட்பாளர் கோத்தாபய ராஜபக்ஷவுக்கு ஆதரவு தெரிவித்து குருநாகல் மாவட்டத்தின் பண்டுவஸ்நுவர தொகுதியில் நடைபெற்ற தேர்தல் பிரசாரக் கூட்டத்தில், அந்தத் தொகுதியின் ஸ்ரீ.ல.சு.கட்சியின் அமைப்பாளர் தயசிறி ஜயசேகர கலந்துகொள்ளவில்லை.

மொட்டுக் கட்சியினரின் மேடையில் ஏறும் ஸ்ரீ.ல.சு.கட்சியின் பாராளுமன்ற உறுப்பினர்களை இலக்கு வைத்து, மொட்டுவின் பிரதேச அரசியல்வாதிகள் திட்டமிட்ட வகையில் தொடர்ச்சியாக “ஹூ” கோஷம் போடுவதே இதற்குக் காரணமாகும். 

இதேவேளை, சுதந்திரக் கட்சியின் பொதுச் செயலாளர் தயசிறி ஜயசேகரவினால், நவம்பர் 8 ஆம் திகதி ஹெட்டிபொயில் கோத்தாபய ராஜபக்ஷ பங்கேற்கும் ஸ்ரீ.ல.சு.கட்சியின் தேர்தல் பிரசாரக் கூட்டமொன்றை நடாத்துவதற்கு ஏற்பாடு செயப்பட்டுள்ளது..

மாவட்டத்தின் அனைத்து ஸ்ரீ.ல.சு.க அமைப்பாளர்களுக்கும் இந்தக் கூட்டத்தில் பங்கேற்குமாறு அழைப்பு விடுக்கப்பட்டுள்ளது.

 தயாசிரி ஹெட்டிபொலவில் வசித்து வருகின்றமை குறிப்பிடத்தக்கது.

 
Comment (0) Hits: 71

தேர்தல்கள் ஆணைக்குழு தவறை திருத்திக் கொண்டது : ITN எதிரான தடை நீ்க்கிக் கொள்ளப்பட்டது!

ஜனாதிபதி தோ்தலில் வாக்கெடுப்பு நடாத்தப்பட்டு முடிவுகள் அறிவிக்கும் வரையில், சுயாதீனத் தொலைக்காட்சி சேவை (ITN) யின் ஊடாக ஒளிபரப்பப்படும் அரசியல் பின்புலத்தைக் கொண்ட அனைத்து நிகழ்ச்சிகளுக்கும் தடைகளை ஏற்படுத்தி சனிக்கிழமை (02) வெளியிட்ட உத்தரவை நீக்கிக் கொள்வதற்கு தேர்தல்கள் ஆணைக்குழு இன்று தீர்மானித்துள்ளது.

குறித்த உத்தரவு தொடர்பில், பல்வேறு தரப்பினராலும் தெரிவிக்கப்பட்ட கருத்துக்களைக் கவனத்திற் கொண்டதன் பின்னர், விஷேடமாக ஒரு தொலைக்காட்சி அலைவரிசை்கு மாத்திரம் இவ்வாறான உத்தரவை வழங்கியதன் காரணமாக,  வேறான கவனிப்பு மேற்கொள்ளப்படுவதாகத் தெரிவிக்கப்பட்ட கருத்துக்களைக் கவத்திற்கொண்டதன் பின்னர், ஜனாதிபதி தேர்தல் முடிவடையும் வரையில் சுயாதீன தொலைக்காட்சி சேவையின் ஊடாக அரசியல் நேர்காணல்கள்  போன்றவற்றை இடைநிறுத்துமாறு விடுக்கப்பட்ட உத்தரவு நீக்கிக் கொள்ளப்பட்டதாக தேர்தல்கள் ஆணைக்குழு சுயாதீன தொலைக்காட்சி சேவையின் தலைவருக்கு (03) அறிவித்துள்ளது.

Comment (0) Hits: 74

கொழும்பு சங்கிரி-லா நட்சத்திர விடுதியில் கோட்டாபயவின் தேர்தல் பணிகள்! உண்மையா?

கொழும்பு சங்கிரி-லா நட்சத்திர விடுதியில் கோட்டாபய ராஜபக்சவின் தேர்தல் பணிகள் முன்னெடுக்கப்பட்டு வருவதாக தெரியவந்துள்ளதாக நிலவரம் என்ற இணையத்தளம் செய்தி வெளியிட்டுள்ளது.

கோட்டாபாய ராஜபக்சவின் வியத்மக கருத்தரங்கு, தேர்தல் பிரசார விளக்கமளிப்பு கூட்டங்கள் உள்ளிட்ட பல நிகழ்வுகள் நடந்து வருகின்றன. இதற்கான ஏற்பாடுகளை சங்கிரி-லா பணிப்பாளர் சபை உறுப்பினர் சஜாத் மன்சூர் முன்னெடுத்து வாருகிறார்

குறிப்பாக கொழும்பு சங்கிரி-லா நட்சத்திர விடுதியின் 45ஆவது மாடியில் அதிக சொகுசு சூட்ஸ்சில் (Specialty Suites) ஒதுக்கப்பட்டுள்ளதாக சங்கிரி-லா நட்சத்திர விடுதியின் அதிகாரியொருவர் மூலம் தெரியவந்தது.

இதனைத் தவிர, பிரபல முஸ்லிம் வர்த்தகர்களிடம் சுமார் 600 மில்லியன் ரூபா பணம் வசூலிக்கப்பட்டுள்ளதாக தெரியவருகிறது. மெலிபன் டெக்ஸ்ட் டைல், பிரண்டிக்ஸ் உள்ளிட்ட பிரபல எட்டு வர்த்தகர்கள் இந்த பெருமளவு பணத்தை வசூலித்துள்ளனர்.

இதனைத்தவிர, மேல் மாகாண ஆளுநர் முசாமில் சிங்கள, முஸ்லிம் வர்த்தகர்களை அழைத்து பேசி, பணம் வசூலிப்பில் ஈடுபட்டுள்ளார்.

கோட்டாபய ராஜபக்சவின் தேர்தல் பணிகள் இவ்வாறு முன்னெடுக்கப்படும் நிலையில், சஜித் பிரேமதாசவின் தேர்தல் பணிகளை முன்னெடுத்து வரும் அமைச்சர் மங்கள சமரவீரவிற்கும், சஜாத் மன்சூர் நெருக்கமாக செயற்பட்டுள்ளார்.

இதற்காக சஜித் பிரேமசதாக சட்டத்தரணிகள் 1500 பேரை அண்மையில் சந்தித்தபோது, அவர்களுக்கு இரவு நேர விருந்துபசாரத்தையும் சதாத் மன்சூர் வழங்கியுள்ளார்.

சங்கிரி-லா ஓட்டலில் மொட்டுக் கட்சித் தேர்தல் பணிகளை சஜாத் மன்சூர் முன்னெடுத்தாலும், மங்கள சமரவீரவிற்கும் அவர் நெருக்கமாக இருந்துள்ளார் என்று தெரியவந்துள்ளது.

இதேவேளை, ராஜபக்ச தரப்பினரின் வடிகாட்டல்களில், சஜித் பிரேமதாசவிற்கு எதிரான சேறுபூசும் தேர்தல் பிரசாரமொன்றை பிரண்டிக்ஸ் உரிமையாளர் அஷ்ரப் ஓமர், முன்னெடுத்து வருவதாக தெரியவந்துள்ளது. கொழும்பில் உள்ள மற்றுமொரு நட்சத்திர ஓட்டலில் மிக இரகசியமாக இந்தப் பணி முன்னெடுக்கப்பட்டு வருகிறது.

இந்த இடம் மற்றும் பணிகள் குறித்த தகவல்களை எமதுசெய்தியாளர்கள் சேகரித்து வரும் நிலையில், இதுகுறித்த மேலதிக தகவல்களை நிலவரம் வெளியிட எதிர்பார்த்துள்ளதாக அந்த செய்தியில் குறிப்பிடப்பட்டுள்ளது.

பின்குறிப்பு : ஐக்கிய தேசியக் கட்சி, சொத்துக்களை வெளிநாடுகளுக்கு விற்க முயற்சிப்பதாக குற்றஞ்சாட்டி வருகிறது. எனினும், இராணுவ தலைமையகத்தை சீனாவிற்கு தாரைவார்த்த ராஜபக்ச தரப்பினர், தற்போது அதனை தேர்தல் அலுவலகமாக பயன்படுத்தி வருகின்றனர். அத்துடன், ஐக்கிய தேசியக் கட்சி சொத்துக்களை வெளிநாடுகளுக்கு விற்க முயற்சிப்பதாக சிங்கள மக்கள் மத்தியில் பொய்ப் பிரசாரத்தையும் ராஜபக்ச தரப்பினர் முன்னெடுத்து வருகின்றனர்.

Comment (0) Hits: 68

'அபி ஸ்ரீலங்கா' சந்திரிகாவின் மாநாடு இன்று!

ஸ்ரீலங்கா சுதந்திரக் கட்சியின் முன்னாள் தலைவியும் முன்னாள் ஜனாதிபதியுமான சந்திரிகா பண்டாரநாயக்க குமாரதுங்கவவின் தலைமையில், ஸ்ரீலங்கா சுதந்திர கட்சியை பாதுகாக்கும் "அபி ஸ்ரீலங்கா" அமைப்பின் மாநாடு, இன்று (05) கொழும்பு, சுகததாச உள்ளரங்கில் நடைபெறவுள்ளது.

இந்த மாநாட்டில் பங்கேற்குமாறு, கட்சி அமைப்பாளர்களுக்கு பாராளுமன்ற உறுப்பினர் குமார வெல்கம அழைப்பு விடுத்திருந்தார். இதில் பெருமளவிலான ஸ்ரீலங்கா சுதந்திரக் கட்சியின் கீழ் மட்ட பிரதிநிதிகள், ஆதரவாளர்கள் பங்கேற்பார்கள் என்று எதிர்பார்க்கப்படுகிறது.

பொதுஜன பெரமுனவின் வேட்பாளர் கோத்தாபய ராஜபக்சவுக்கு ஆதரவளிக்க சுதந்திரக் கட்சி முடிவு செய்துள்ள நிலையில், அந்த முடிவினால் அதிருப்தியடைந்துள்ள, கட்சித் தலைவர்கள், பிரதிநிதிகள் இந்த மாநாட்டைக் கூட்டியுள்ளனர். இதில்,சஜித் பிரேமதாசவுக்கு ஆதரவளிக்கும் தீர்மானம் நிறைவேற்றப்படலாம் என்று கூறப்படுகிறது.

இந்த மாநாடு, ஸ்ரீலங்கா சுதந்திரக் கட்சியின் மூத்த தலைவர்கள் மத்தியில் பதற்றத்தை ஏற்படுத்தியுள்ளது. இதனால், கட்சி உறுப்பினர்கள், பிரதிநிதிகளை இந்த மாநாட்டில் பங்கேற்காமல் தடுக்கும் வகையில், எச்சரிக்கைகளை விடுத்துள்ளனர். சஜித் பிரேமதாசவுக்கு ஆதரவளிக்கும் நோக்கிலேயே இந்த மாநாடு கூட்டப்பட்டுள்ளது என்றும், இதில் பங்கேற்கும் சுதந்திரக் கட்சியின் உறுப்பினர்கள், பிரதிநிதிகளுக்கு எதிராக கடுமையான ஒழுக்காற்று நடவடிக்கை எடுக்கப்படும் என்றும் கட்சியின் பொதுச்செயலர் தயாசிறி ஜயசேகர எச்சரிக்கை விடுத்துள்ளார்.

பொதுஜன பெரமுன வேட்பாளருக்கு ஆதரவளிக்க ஒருமனதாகவே கட்சி முடிவெடுத்தது என்றும், அதுபற்றி கட்சி அமைப்பாளர்களுக்கு அறிவிக்கப்பட்டுள்ள நிலையில், இந்த மாநாட்டில் பங்கேற்பது கட்சியின் ஒழுக்கத்தை மீறுகின்ற செயல் எனவும் அவர் தெரிவித்துள்ளார். 'அபி ஸ்ரீலங்கா' என்ற பெயரில் சந்திரிகா ஆரம்பித்துள்ள அமைப்பு ஏற்கனவே, சஜித் பிரேமதாசவுக்கு ஆதரவளிக்கும், ஜனநாயக தேசிய முன்னணியுடன் புரிந்துணர்வு உடன்பாட்டில் கையெழுத்திட்டுள்ளமை குறிப்பிடத்தக்கது.

Comment (0) Hits: 62

ரவிக்கும் டேய்சி ஆச்சி உத்வேகம் தருகிறாள்! - லங்காதீப பத்திரிகையின் செய்தி பொய்யானதா?

நிதி மோசடிப் பிரிவின் (FCID) முன்னாள் பணிப்பாளர் ரவி வித்தியாலங்காரவின் மனைவி பெசிலிகா வித்யாலங்கார மற்றும் மகன் அசேல ஜயம்பதி ராஜசுந்தர வித்யாலங்கார  ஆகியோரை நிதி மோசடிப் பிரிவுக்கு அழைப்பதை ஜனாதிபதி தேர்தலின் பின்னர் மேற்கொள்ளுமாறு தேர்தல்கள் ஆணைக்குழு பதில் பொலிஸ் மா அதிபருக்கு அறிவித்துள்ளதாக வெளியான செய்தி பொய்யானது என்றும் தேர்தல்கள் ஆணைக்குழுவிலிருந்து இதுவரையில் அப்படியான கோரிக்கை எதுவும் கிடைக்கவில்லை என பொலிஸ் தலைமையகத்தின் சிரேஷ்ட அதிகாரி ஒருவர் கூறினார்.

ரவி வித்யாலங்காரவின் மகனால் தேர்தல்கள் ஆணைக்குழுவில் செய்த முறைப்பாட்டிற்கு உடனடியாக செயற்பட்டுள்ள தேர்தல்கள் ஆணைக்குழு நிதி மோசடிப் பிரிவின் செயற்பாடுகளுக்கு அழுத்தங்களைச் செய்துள்ளதாக வெளியாகும் செய்திகள் தொடர்பில் வினவிய போதே அவ்வதிகாரி இதனைத் தெரிவித்தார்.

PHOTO 2019 11 02 14 10 44

நிதி மோசடிப் பிரிவின் முன்னாள் பணிப்பாளரும் ஓய்வு பெற்ற சிரேஷ்ட பிரதி பொலிஸ் மாஅதிபருமான ரவி வித்யாலங்காரவின் மகன் தேர்தல்கள் ஆணைக்குழுவில் முறைப்பாடு செய்து, தனக்கும் தனது தாய்க்கும் இம்மாதம் 04 மற்றும் 05ம் திகதிகளில் நிதி மோசடிப் பிரிவில் ஆஜராகி வாக்குமூலம் வழங்குமாறு அறிவித்துள்ளதாகவும், தானும், தனது தாயும் இத்தினங்களில் நிதி மோசடிப் பிரிவுக்குச் சென்று வாக்கு மூலம் வழங்குவது தொடர்பில் ஊடகங்களில் பெரும் பிரசாரங்கள் செய்யப்பட்டுள்ளதாகவும், இதன் மூலம் ஜனாதிபதி தேர்தல் வேட்பாளர் ஒருவருக்கு பெரும் சாதகமான நிலை ஏற்படும் என்றும் அறிவித்துள்ளதாக ஊடகச் செய்தியில் குறிப்பிடப்பட்டுள்ளது.

0a12a68bcbf4fc8bad8bd33b06ec38ae L

அவ்வாறு முறைப்பாடு செய்துள்ள அசேல வித்யாலங்கார, தனக்கும், தாய்க்கும் நிதி மோசடிப் பிரிவில் ஆஜராவதை ஜனாதிபதி தேர்தல் முடிந்த பின்னர் மேற்கொள்ளுமாறு கோரிக்கை விடத்துள்ளதாகவும் அந்தச் செய்தியில் மேலும் குறிப்பிடப்பட்டுள்ளது.

தேர்தல்கள் ஆணைக்குழுவிற்கு அவ்வாறான அதிகாரங்கள் இல்லை!


பொலிஸ் நிதி மோசடிப் பிரவின் முன்னாள் பணிப்பாளர் ரவி வித்யாலங்காரவின் மனைவி மற்றும் மகன் ஆகியோரை நிதி மோசடிப் பிரிவுக்கு அழைத்து வாக்கு மூலம் பெறுவதை ஜனாதிபதி தேர்தலின் பின்னர் மேற்கொள்ளுமாறு தேர்தல்கள் ஆணைக்குழு பதில் பொலிஸ் மா அதிபருக்கு அறிவித்துள்ளதா? என அறிந்து கொள்வதற்கு தேர்தல்கள் ஆணைக்குழுவின் தலைவர் மஹிந்த தேசப்பிரியவை தொலைபேசியில் தொடர்பு கொள்வதற்கு நாம் எடுத்த முயற்சிகள் பயனிக்கவில்லை.  எவ்வாறாயினும் எமது கேள்விக்கு பதில் வழங்கிய மேலே குறிப்பிட்ட சிரேஷ்ட பொலிஸ் அதிகாரி மேலும் கூறும் போது, பொலிஸ் நிதி மோசடிப் பிரிவு மூலம் மேற்கொள்ளப்படும் விசாரணைகளுக்கு அழுத்தங்களைச் செய்து  தண்டனைச் சட்டத்தை இடைநிறுத்துவதற்கு தேர்தல்கள் ஆணைக்குழுவிற்கு அதிகாரங்கள் இல்லை எனத் தெரிவித்தார்.

Comment (0) Hits: 72

பக்கம் 10 / 70