V2025

செய்தி

வட மாகாண ஆளுநராக முரளிதரன்! இந்தியாவின் அழுத்தமே காரணம்?

வட மாகாண ஆளுநராக இலங்கை கிரிக்கெட் அணியின் முன்னாள் நட்சத்திர வீரர் முத்தையா முரளிதரன் நியமிக்கப்படவுள்ளதாக ஜனாதிபதிக்கு நெருக்கமான தகவல்கள் தெரிவிக்கின்றன.

இந்தியாவுக்கான உத்தியோகபூர்வ விஜயத்தை மேற்கொள்ள முன்னர் முரளிதரனுக்கான நியமனம் வழங்கப்படவுள்ளது.

இது குறித்து முத்தையா முரளிதரனுடன் ஜனாதிபதி கோட்டாபய ராஜபக்ஷ பேச்சுவார்த்தை நடத்தியதாகவும், அதற்கு அவர் இணக்கம் வெளியிட்டுள்ளதாகவும் தெரிவிக்கப்படுகிறது.

வட மாகாண ஆளுநராக முரளிதனை நியமிக்குமாறு இந்திய அழுத்தம் கொடுத்ததாக தெரிவிக்கப்படுகிறது. இதன் காரணமாக இந்திய விஜயத்திற்கு முன்னர் முரளிதரனுக்கு நியமனம் வழங்கப்படவுள்ளது.

 இதேவேளை கிழக்கு மாகாண ஆளுநராக பேராசிரியர் திஸ்ஸ விதாரண நியமிக்கப்படவுள்ளதாக தெரிவிக்கப்படுகிறது.
Comment (0) Hits: 68

புலம்பெயர்ந்த தமிழர்களுக்கு ஜனாதிபதி கோட்டாபய விடுத்துள்ள அழைப்பு!

நாட்டை கட்டியெழுப்ப தமிழ் புலம்பெயர்ந்தோர் தம்முடன் இணைந்து செயற்படவேண்டும். இதன்மூலம் தமிழ் புலம்பெயர்தோர் அவர்களின் சமூகத்துக்கு உதவிகளை மேற்கொள்ளமுடியும் என்று ஜனாதிபதி கோட்டாபய ராஜபக்ச தெரிவித்துள்ளார்.

வெளிநாட்டு செய்திசேவை ஒன்றுக்கு அளித்த செவ்வியிலேயே அவர் இதனைக் குறிப்பிட்டுள்ளார்.

சமாதானம் கருதி தமிழ் புலம்பெயர்ந்தோர் விமர்சனங்களை மறந்து தம்முடன் இணைந்து நாட்டுக்கு சேவையாற்ற முன்வரவேண்டும் என்று அவர் கோரியுள்ளார்.

இலங்கையில் பிறந்த எவரும் இலங்கையர்களே. எனவே அவர்களுக்கும் சமவுரிமை உள்ளது என்று கோட்டாபய இதன்போது குறிப்பிட்டுள்ளார்.

Comment (0) Hits: 38

இந்திரஜித் குமாரசுவாமி இராஜினாமா!

 
மத்திய வங்கியின் ஆளுநர் இந்திரஜித் குமாரசுவாமி தனது இராஜினாமா கடிதத்தை கையளித்துள்ளார்.

அவர் தனது இராஜினாமா கடிதத்தை நவம்பர் 2 ஆம் திகதி ஒப்படைத்து இருப்பினும் டிசம்பர் மாதம் அவர் பதவியில் இருந்து விலகுவதாக தெரிவிக்கப்படுகின்றது.
Comment (0) Hits: 50

CID நிஷாந்தா சில்வா பாதுகாப்பு கருதி நாட்டை விட்டு வெளியேறியுள்ளார்!

பிரதான பொலிஸ் பரிசோதகர் நிஷாந்த சில்வா நாட்டை விட்டு வெளியேறிச் சென்றுள்ளார்.

கட்டுநாயக்க விமான நிலையத்தில் இருந்து நேற்று பிற்பகல் சுவிற்சர்லாந்து நோக்கி அவர் பயணமாகியுள்ளதாக தெரியவருகின்றது.

நிஷாந்த சில்வா அவரது மனைவி மற்றும் மூன்று பிள்ளைகளுடன் இந்த பயணத்தை மேற்கொண்டுள்ளார்.

பொலிஸ் பரிசோதகர் நிஷாந்தா சில்வா கடந்த காலங்களில் இலங்கையில் பெரும் சர்ச்சையை ஏற்படுத்திய பல சம்பவங்கள் குறித்த விசாரணைக்கு பொறுப்பான அதிகாரி ஆவார்.  இவர் புலனாய்வு பிரிவின் அதிகாரிகள், பாதுகாப்பு பிரிவின் அதிகாரிகள், அரசாங்க அதிகாரிகள் மற்றும் பல்வேறு தரப்பட்ட அரசியல்வாதிகளுக்கு எதிராக விசாரணைகளை மேற்கொண்டவர் என்பது குறிப்பிடத்தக்கது.

Comment (0) Hits: 47

அரசியலில் இருந்து விலகும் மங்கள? (காணொளி)

முன்னாள் அமைச்சர் மங்கள சமரவீர இனிவரும் காலங்களில் கட்சி அரசியலில் இருந்து விலகி இலங்கையில் உள்ள சகல இன மக்களின் நல்லிணக்கத்திற்காக புதிய அரசியல் பயணத்தை ஆரம்பிக்க தீர்மானித்துள்ளதாக செய்திகள் வெளியாகி இருந்தன.

கடந்த ஜனாதிபதித் தேர்தலில் சஜித் பிரேமதாசவின் தேர்தல் பிரசார பணிகளில் முக்கிய பங்கு வகித்த மங்கள சமரவீர தேர்தல் தோல்வியின் பின் தாம் வகித்த பதவிகளில் இருந்து விலகினர். ஐக்கிய தேசியக் கட்சியின் நாடாளுமன்ற உறுப்பினர்களின் கூட்டத்திலும் அவர் கலந்துகொள்ளவில்லை.

தேர்தல் தோல்விக்கு பொறுப்புக் கூற வேண்டியவர்களின் பட்டியலில் மங்கள சமரவீரவின் பெயரும் இடம்பெற்றிருந்தது.

இது தொடர்பாக கருத்து வெளியிட்டிருந்த மங்கள சமரவீர,

"உண்மையில் சஜித் மற்றவர்களின் பாவத்தை சுமக்க நேரிட்டது. சஜித் போட்டியிடவில்லை என்றால் இதனைவிட படுதோல்வி ஏற்பட்டிருக்கும்.

ஜனாதிபதித் தேர்தலில் போட்டியிட்டதன் மூலம் சஜித் பிரேமதாச தேசிய தலைவர் என்பது உறுதியாகியுள்ளது. இது நாங்கள் பெற்ற மிகப் பெரிய வெற்றி. தற்போது எமக்கு எதிர்பார்பொன்று உள்ளது" எனக் கூறியிருந்தார். 

 

Comment (0) Hits: 50

இவ்வருடத்துக்கான இடைக்கால கணக்கறிக்கை சமர்ப்பிக்கபடும்!

இவ்வருடத்திற்கான கணக்கறிக்கை சமர்ப்பிக்கப்படும் என்று பாராளுமன்ற உறுப்பினர் வாசுதேவ நாணயக்கார தெரிவித்துள்ளார்.

இவ்வருட செலவினங்களுக்கு இந்த கணக்கறிக்கை சமர்க்கப்படுகிறது. பொதுத் தேர்தல் நடைபெறவிருப்பதனால் இந்த நடவடிக்கை மேற்கொள்ளப்பட்டிருப்பதாகவும் அவர் தெரிவித்தார்.

நாட்டின் அபிவிருத்திக்கு தேவையான நிதியை பெற்றுக் கொள்ளும் பொருட்டு அரசாங்கம் புதிய சட்டம் ஒன்றை நிறைவேற்றுவதற்கு எதிர்பார்த்திருப்பதாகவும் அவர் கூறினார்.

நிரந்தர வருமானமற்ற பொதுமக்களுக்கும், சிறிய மற்றும் நடுத்தர வகுப்பினரை ஊக்குவிப்பதற்கும், அரசாங்கத்தின் பங்களிப்புடன் முதலீட்டுக்கான சந்தர்ப்பத்தை மேம்படுத்துவதற்கும் அரசாங்கம் எதிர்பார்த்துள்ளது.

இதேபோன்று வீழ்ச்சி கண்டுள்ள பொருளாதாரத்தை மீண்டும் கட்டியெழுப்புவதற்காக நிதிக் கொள்கையை தயாரிப்பதற்கும் வரிச் சுமையை குறைப்பதற்கும், தற்போதைய அரசாங்கத்தின் திட்டங்களை நடைமுறைப்படுத்துவதற்கும் அரசாங்கம் எதிர்பார்த்துள்ளது என்றும் தெரிவித்துள்ளார்.

எதிர்வரும் பொதுத் தேர்தலில் இந்த நிலையை மாற்றுவதற்காக அரசாங்கம் சரியான தகவல்களை முன்னெடுக்க வேண்டுமென்றும் திரு.வாசுதேவ நாணயக்கார தெரிவித்துள்ளார். தனிப்பட்ட நபர் மற்றும் உருவப்படங்களுக்கு பதிலாக அரசாங்கத்தின் இலச்சினையை காட்சிப்படுத்துவதற்காக புதிய ஜனாதிபதி மேற்கொண்டமை முன்மாதிரியான விசேட எடுத்துக்காட்டாகும்.

அரசாங்கத் தொழில் வாய்ப்புக்களில் குறைந்த வருமானத்தை கொண்ட குடும்பங்களுக்கு முக்கியத்துவம் வழங்கப்படவுள்ளது. அரசாங்கத்தின் கொள்கைப் பிரகடனத்திலும் இந்த விடயம் குறிப்பிடப்பட்டுள்ளது.  அரசாங்கம் தேசிய மற்றும் உள்ளூர் வளங்களை எந்த வகையிலும் வெளிநாடுகளுக்கு வழங்காது என்றும் அவர் குறிப்பிட்டார்.

அதிக வட்டிக்கு நுண்கடன்களைப் பெற்றுக் கொண்டுள்ளவர்கள், அந்த கடனைச் செலுத்துவதற்கு பெரும் சிரமங்களை அனுபவித்து வருகின்றனர். இவர்களுக்கு வசதிகள் செய்யப்படும். இதற்குத் தேவையான ஆலோசனைகள் இலங்கை மத்திய வங்கியிடம் இருந்து பெற்றுக் கொள்ளப்படும் என்றும் பாராளுமன்ற உறுப்பினர் வாசுதேவ நாணயக்கார மேலும் தெரித்துள்ளார்.

Comment (0) Hits: 51

'அனைத்து மக்களுக்காகவும் அர்ப்பணிப்புடன் சேவையாற்றும் வாய்ப்பு' - டக்ளஸ் தேவானந்தா!

நாட்டில் உள்ள அனைத்து மக்களுக்காகவும் அர்ப்பணிப்புடன் சேவையாற்றும் வாய்ப்பு தமக்கு கிடைத்திருப்பதாக அமைச்சர் டக்ளஸ் தேவானந்தா தெரிவித்துள்ளார்.

புதிய ஜனாதிபதி மற்றும் பிரதமர் ஆகியோர் தம்மீது வைத்துள்ள நம்பிக்கை வீண்போகாமல் சேவையாற்றப் போவதாகவும் அவர் குறிப்பிட்டுள்ளார். தம்மீது நம்பிக்கை வைத்து கடற்றொழில் நீரியல் வள அமைச்சின் கடமைகளை புதிய ஜனாதிபதியும் பிரதமரும் ஒப்படைத்தமைக்காக மக்களின் சார்பில் நன்றி தெரிவிப்பதாகவும் அவர் தெரிவித்துள்ளார்.

கடற்றொழில் நீரியல் வள அமைச்சின் கடமைகளை நேற்று பொறுப்பேற்றதன் பின்னர் அமைச்சர் ஊடகங்களுக்கு இவ்வாறு கருத்து தெரிவித்தார்.

Comment (0) Hits: 58

முஸ்லிம் கர்ப்பிணிப்பெண்ணுக்கு நேர்ந்த கதி!

சிட்னியின் உணவுவிடுதியொன்றில்  முஸ்லீம் கர்ப்பிணிப்பெண்ணை இனரீதியில் நபர்ஒருவர் மோசமாக தாக்கிய சம்பவம் பெரும் அதிர்ச்சியை ஏற்படுத்தியுள்ளது.

38 வார கர்ப்பிணியான 31 ரசா எலஸ்மெர் என்ற முஸ்லீம பெண் பரமெட்டா கபேயில் தனது நண்பிகளுடன் காணப்பட்டவேளை 43 வயது நபர் ஒருவர்அவரை தாக்கினார் என காவல்துறையினர் தெரிவித்துள்ளனர்.

ருசாஎலெஸ்மருடனும்  அவரது நண்பிகளுடனும் உரையாடிய பின்னர் அந்த நபர் தாக்குதலில் ஈடுபடுவதை சிசிரிவி காட்சிகள் காண்பித்துள்ளன.

அந்த நபர் எலஸ்மெரின் முகத்தில் ஓங்கிகுத்துவதையும் அவர் நிலை தடுமாறி கீழே விழுவதையும் அதன் பின்னர்அந்த நபர் காலால் உதைப்பதையும் சிசிரிவி காட்சிகள் காண்பித்துள்ளன.

இதனை தொடர்ந்து அங்கு காணப்பட்டவர்கள் அவரை அகற்றுகின்றனர்.

இந்த தாக்குதல் இனரீதியிலானதா என்பது குறித்து விசாரணைகளை மேற்கொண்டு வருவதாக தெரிவி;த்துள்ள காவல்துறையினர் இருவரும் அறிமுகமாகாதவர்கள் எனவும் குறிப்பிட்டுள்ளனர்.

குறிப்பிட்ட நபர் முஸ்லீம்கள் குறித்து கருத்து தெரிவித்த பி;ன்னரே தாக்கினார் என தகவல்கள் வெளியாகியுள்ளன.

இது தூண்டப்படாத எப்போவது இடம்பெறும் சம்பவம் என காவல்துறையினர் தெரிவித்துள்ளனர்.

இதேவேளை மருத்துவமனையிலிருந்து வீடு திரும்பிய பின்னர் எலெஸ்மர் முகநூல் பதிவொன்றில் மனிதாபிமானமின்மை அதிகரித்துள்ளமையே தன் மீதானதாக்குதலிற்கு காரணம் என தெரிவித்துள்ளார்.

முஸ்லீம் சமூகத்தினர் இவ்வாறான சம்பவங்களை எதிர்கொள்வது வழமையாகிவிட்டது நான் சிட்னியில் பிறந்து வளர்ந்தவள் நான் ஒரு முஸ்லீம் என அவர் தெரிவித்துள்ளார்.

நான் வார்த்தைகள் மூலம்துஸ்பிரயோகங்களை அனுபவித்துள்ளேன் ஆனால் தாக்கப்படுவேன்என  நினைத்ததில்லை என அவர் குறிப்பிட்டுள்ளார்.

Comment (0) Hits: 63

ரணிலுக்கான விசேட பாதுகாப்பு நீக்கம்! தீவிர பாதுகாப்பில் சஜித்!

முன்னாள் பிரதமர் ரணில் விக்ரமசிங்கவுக்கு வழங்கப்பட்டுள்ள விசேட அதிரடி படையினரின் பாதுகாப்பு நீக்கப்பட்டுள்ளது.

அத்துடன் முன்னாள் அமைச்சர்களான மலிக் சமரவிக்ரம மற்றும் திலக் மாரபனவுக்கு வழங்கப்பட்ட விசேட அதிரடிப்படைய பாதுகாப்பும் நீக்கப்பட்டுள்ளதாக குறிப்பிடப்படுகின்றது.

எனினும் முன்னாள் அமைச்சர் சஜித் பிரேமதாஸவுக்கு வழங்கப்பட்ட விசேட அதிரடிப்படை பாதுகாப்பு தொடர்ந்து வழங்கப்பட்டு வருகிறது.

ஜனாதிபதி வேட்பாளராக சஜித் பிரேமதாஸ போட்டியிட்டதன் காரணமாக அவரின் பாதுகாப்பு இன்னமும் நீக்கப்படவில்லை என தெரிவிக்கப்படுகின்றது.

Comment (0) Hits: 62

தேர்தல் நிறைவடைந்த ஒரு வாரத்திற்குள் பதிவான வன்முறை சம்பவங்கள்!

தேர்தல் வன்முறைகளைக் கண்காணிப்பதற்கான நிலையம் கடந்த 16 ஆம் திகதி ஜனாதிபதித் தேர்தல் நடைபெற்றதிலிருந்து ஒரு வாரத்திற்குள் நாட்டின் பல்வேறு பிரதேசங்களிலும் பதிவாகிய வன்முறைகளை பட்டியல்படுத்தியுள்ளது.

அதற்கமைய ஸ்ரீலங்கா பொதுஜன பெரமுன சார்பில் 35 வன்முறை சம்பவங்கள் பதிவாகியுள்ள அதே வேளை, தேசிய மக்கள் சக்தி சார்பில் எவ்வித வன்முறைகளும் பதிவாகவில்லை என்றும் தெரிவிக்கப்பட்டுள்ளது. 

அதற்கமைய 17 தேர்தல் மாவட்டங்களிலும் 45 வன்முறை சம்பவங்கள் பதிவாகியுள்ளன. களுத்துறை மாவட்டத்திலேயே அதிகளவான வன்முறைகள் பதிவாகியுள்ளன. இம்மாவட்டத்தில் 9 வன்முறை சம்பவங்கள் பதிவாகியுள்ளன. பதுளை மற்றும் குருணாகல் ஆகிய மாவட்டங்களில் 12 வன்முறை சம்பவங்கள் பதிவாகியுள்ளன. 

மேலும் புத்தளம், கேகாலை மற்றும் திகாமடுல்ல ஆகிய பிரதேசங்களில் தலா நான்கு வன்முறைகள் வீதம் 12 சம்பவங்கள் பதிவாகியுள்ளன.

கம்பஹா மாவட்டத்தில் 5 வன்முறைகள் பதிவாகியுள்ளன. திருகோணமலை மாவட்டத்தில் மூன்று வன்முறை சம்பவங்களும், மொனராகலை , மாத்தளை மற்றும் காலி ஆகிய மாவட்டங்களில் 6 வன்முறை சம்பவங்களும் பதிவாகியுள்ளன. 

எனினும் கொழும்பு , யாழ்ப்பாணம், மாத்தறை, நுரவரெலியா மற்றும் இரத்தினபுரி ஆகிய மாவட்டங்களில் எவ்வித வன்முறை சம்பவங்களும் பதிவாகவில்லை என்பது குறிப்பிடத்தக்கதாகும். 

தேர்தல் வன்முறைகளைக் கண்காணிப்பதற்கான நிலையம் பதிவாகிய வன்முறைகளை வகைப்படுத்தி பட்டியிலிட்டுள்ளது. அதற்கமைய குறித்த 17  மாவட்டங்களிலும் 23 தாக்குதல் சம்பவங்களும், 10 அச்சுறுத்தல்களும், சொத்துக்களுக்கு சேதம் விளைவித்தமை தொடர்பில் 4 சம்பவங்களும், தேர்தல் குற்றங்கள் ஐந்தும், இரு சட்ட விரோத தேர்தல் பிரசாரங்களும் ஏனைய வன்முறை சம்பவம் ஒன்றும் பதிவாகியதாக குறிப்பிடப்பட்டுள்ளது. 

பதிவாகியுள்ள 45 வன்முறை சம்பவங்களில் 35 வன்முறைகள் ஸ்ரீலங்கா பொதுஜன பெரமுன கட்சி தொடர்பிலேயே பதிவாகியிருக்கின்றது. 

புதிய ஜனநாயக முன்னணி சார்பில் 4 சம்பவங்களும், ஏனைய கட்சிகள் சார்பில் 6 சம்பவங்களும் பதிவாகியிருக்கின்றன. தேசிய மக்கள் சக்தி சார்பில் இவ்வாறான வன்முறை சம்பவங்கள் எவையும் பதிவாகவில்லை என்பதும் குறிப்பிடத்தக்கதாகும்.

Comment (0) Hits: 59

தொழிலாளர்களை மறந்த தொழிற்சங்கங்கள்!

தொழிற்சங்கமானது குறித்த தொழில் சார்ந்தவர்களை அங்கத்தவராகக்  கொண்டதாகும். அத்தொழிற்றுறையில் ஏற்படும் பிரச்சினைகள், சிக்கல்களை தொழில்  வழங்கும் முதலாளிமார் தரப்புடன் பேச்சுவார்த்தை நடத்தி சுமுகமாகத் தீர்வை  எட்டுவதற்கானது என்பதே எதிர்பார்ப்பு. அதுமட்டுமல்ல, குறித்த தொழிற்றுறை  சார்ந்த தமது அங்கத்தவரின் நலன் பேணும் நோக்கைக் கொண்டதாகவும் இருக்கும்  என்பதும் எதிர்பார்ப்பாகும்.  

நமது நாட்டில் ஒரு தொழிலுக்குப் பல சங்கங்கள் செயற்பட்டு  வருகின்றன. ஏழு பேரைக் கொண்டு ஒரு தொழிற்சங்கத்தை ஆரம்பிக்கலாம் என்ற  தொழிற்சங்க சட்டவிதிமுறையைப் பயன்படுத்தி நாட்டிலே பல நூறு தொழிற்சங்கங்கள்  ஆரம்பிக்கப்பட்டு அவை தொழிற்றிணைக்களத்தில் பதிவும் செய்யப்பட்டுள்ளன.  தொழிற்றிணைக்களத்தில் பதிவு செய்யப்பட்டுள்ள தொழிற்சங்கங்களின் எண்ணிக்கை  ஆயிரத்திற்கும் அதிகமாகும்.  

தொழிற்சங்கங்கள் இவ்வாறு பெருகக் காரணமென்ன? அவை  தொழிற்சங்கத்தை உருவாக்கிய   கொள்கைக்கமைய செயற்படுகின்றனவா என்பதை ஆராய வேண்டும். உண்மைகள்  வெளிப்படுத்தப்பட வேண்டும்.  

முதலிலே ஒரு தொழிலுக்குப் பல தொழிற்சங்கங்கள்  உருவாக்கப்படுவதன் நோக்கமென்ன என்பதையும், அடுத்து அவற்றின் தற்போதைய செயற்பாடு  என்ன நிலையிலுள்ளது என்பதையும் ஆராய்வோம். அதன் மூலம் பல உண்மைகள்  வெளிவருகின்றன.  

தொழிற்சங்கமானது குறித்த ஒரு தொழிற்றுறை சார்ந்தவர்களை  மட்டும் உள்ளடக்கியதாகவும் அத்துறையிலுள்ள தொழிலாளர்களின் பிரச்சினைகள், சிக்கல்கள்,  தேவைகள் மற்றும் நலன்களைப் பேணுவதாகவும் அமைய வேண்டும். குறித்த நோக்கங்களுக்கு  அப்பால் செயற்பட வேண்டிய அவசியமில்லை. இவ்வாறுள்ள நிலையில் ஏன் பல  தொழிற்சங்கள் உருவாக்கப்படுகின்றன? யாரால் உருவாக்கப்படுகின்றன? இவ்வாறு  உருவாக்குவதால் பயனடைவோர் யார் என்பதையும் கவனத்தில் கொள்ள வேண்டும்.  

தொழிற் சங்கங்களில் பதவி வகிப்போர் பலருக்கு அத்தொழிற்சங்கங்கள் சார்ந்த  தொழிற் சட்டவிதிகள் தெரியாமலுள்ளமையும் குறிப்பிட்டுக் கூற வேண்டிய ஒன்றாகும்.  தொழிற்சங்கங்கள் அரச சேவைகளுக்கான தொழிற்சங்கள், தனியார் துறைத்  தொழிற்சங்கங்கள் என வகைப்படுத்தக் கூடியதாயுள்ளன. பெருந்தோட்டத்துறை  சார்ந்த தொழிற்சங்கங்களைத் தனியார்துறை  தொழிற்சங்கங்களாக  அடையாளப்படுத்தலாம்.  

தற்போதுள்ள நிலையில் நாட்டில் பதிவு செய்யப்பட்டுள்ள  பெரும்பாலான தொழிற்சங்கங்கள் தமது தொழிற்சங்க உறுப்பினர்களின் நலனையும் விட  ஏதோ ஒரு அரசியல் கட்சியின், அரசியல்வாதியின் சார்பாக அவர்களின் செல்வாக்கை  உயர்த்த, அவர்களின் நலனைப் பேணுவதற்காகவே இயங்குகின்றன என்பது  வெளிப்படையானது.

அந்த வகையிலே நாம் மலையகப் பெருந்தோட்டத் தொழிலாளர்களைப்  பிரதிநிதித்துவப்படுத்துவதாகக் கூறிக் கொள்ளும் தொழிற்சங்கங்களையும் அவற்றின்  செயற்பாடுகள் தொடர்பாகவும் கவனம் செலுத்துவோம். 

நாட்டிலேயே குறைந்த சம்பளத்தில் அதிலும் வேலை செய்யும்  நாட்களுக்கு மட்டுமேயான சம்பளத்தில் தொழில் செய்பவர்கள் மலையகப்  பெருந்தோட்டத் தொழிலாளர்கள் ஆவர். அவர்கள் மத்தியிலே சிறிதும், பெரிதுமாக  நூற்றுக்கு கிட்டிய தொழிற்சங்கங்கள் காணப்படுகின்றன. அவை அனைத்துமே ஏதாவது  ஒரு அரசியல் கட்சியைச் சார்ந்ததாக உள்ளன.

அதுமட்டுமல்ல, ஒரு அரசியல்  கட்சியைச் சார்ந்தவர்களால் பிரதேச ரீதியாகவும் தொழிற்சங்கங்கள்  நடத்தப்படுகின்றன. பெரும்பாலும் தமிழ்த் தொழிலாளர்களையே கொண்ட  பெருந்தோட்டத்துறை சார்ந்த தொழிற்சங்கங்களில் பொறுப்பான பதவிகளில் தமிழர்  அல்லாதோர் அதிலும் பெருந்தோட்டத்துறையுடன் சம்பந்தமில்லாதவர்களே உள்ளனர்.  பெருந்தோட்டத் தொழில்சார் சட்டங்கள் பற்றிய அறிவு அற்றவர்களாகப்  பெருந்தோட்டத்துறைத் தொழிலாளரைப் பிரதிநிதித்துவப்படுத்தும் தொழிற்சங்கத்  தலைவர்கள், பிரதிநிதிகள் அவர்களைப் பின்புலத்திலிருந்து வழிநடத்தும்  அரசியல்வாதிகளுள்ளனர்.  

தொழிலாளரின் சம்பளம், சுகாதாரத் தேவைகள், போக்குவரத்து,  குடியிருப்பு, அவர்களின் கல்வி போன்றவற்றிலும் அக்கறை செலுத்த வேண்டிய  தொழிற்சங்கத் தலைமைகள் ஆண்டுதோறும் அரசியல்வாதிகள் மற்றும் அரசியல்  கட்சிகள் நடத்தும் மேதின அதாவது தொழிலாளர் தின விழாவுக்கு ஆட்சேர்த்து  அழைத்து வரும் வேலையை மட்டும் கச்சிதமாகச் செய்து வருகின்றன.

தேர்தல்  காலங்களில் தமது தொழிற்சங்கத்தின் பின்புலத்திலுள்ள அரசியல் கட்சிக்கோ,  அரசியல்வாதிகளுக்கோ வாக்களிக்க தொழிலாளரை அதாவது தமது சங்க உறுப்பினர்களைத்  தூண்டும் செயற்பாடுகளை மேற்கொண்டும் வருகின்றன.  

உண்மையைக் கூறுவதனால் இன்று நமது நாட்டிலே அதுவும் மலையகப்  பெருந்தோட்டத்துறைகள் தொழிற்சங்கங்கள் தொழிற்சங்கச் செயற்பாடுகளை விடவும்  அரசியல் செயற்பாடுகளிலேயே அதிக கவனம் செலுத்தி இயங்கி வருகின்றன.  

தொழிற்சங்கங்களால் அறவிடப்படும் சந்தா தொழிலாளர் நலனுக்கும்,  தேவைகளுக்கும் பயன்படுத்தப்படுவதை விட அவை சார்ந்த அரசியல் கட்சிகளின்  அரசியல்வாதிகளின் தேவைக்காகவும், நலனுக்காகவுமே பெருமளவில்  பயன்படுத்தப்பட்டு வருகின்றன. அதன்படி தொழிலாளர்களும் தொழிற்சங்க  சந்தாப்பணத்துக்கும் அரசியல் தேவைகளுக்குமே பயன்படுத்தப்பட்டு வருகின்றனர்.  

மலையகத் தோட்டத்துறையுடன் எதுவித தொடர்புமற்ற, அத்தொழிலாளரது நலன் பற்றி சற்றும் சிந்திக்காத பலர்  பெருந்தோட்டத்துறையில் தொழிற்சங்கம் அனைத்து மாதாந்தம் சந்தா அறவிட்டும்  வருவதை அவதானிக்கலாம். மலையகத்தில் தொழிற்சங்கங்களுக்கும், அரசியல்  கட்சிகளுக்கும் வித்தியாசம் காண முடியாதுள்ளது. ஏட்டிக்குப் போட்டியான காரியங்களும்  நடைபெறுகின்றன. மலையகத்தில் பன்னிரண்டு மாவட்டங்களில் பரந்து வாழும்  பெருந்தோட்டத்துறை மக்களின் நலனுக்கு இத்தனை தொழிற்சங்கங்கள் வேண்டுமா?  நிலவும் பிரச்சினைகளை இவற்றால் தீர்க்க முடியுமா? இவையெல்லாம் சிந்திக்க வேண்டிய விடயங்கள். 

த. மனோகரன்...
(ஓய்வுபெற்ற கைத்தொழில் நீதிமன்றப் பதிவாளர்)

Comment (0) Hits: 53

சிங்­கள பெளத்த அரசு; சிறு­பான்மை மக்­களை பாதிக்கும் - ஜே.வி.பி!

சிங்­கள பெளத்த அர­சாங்கம் ஒன்­றினை அமைக்கும் நோக்­கத்தில் ராஜபக்ஷக்கள் செயற்­பட்டால் தமிழ் முஸ்லிம்  மக்­க­ளுக்கே அதிக தாக்­கத்தை செலுத்தும். ஜனா­தி­பதி கோத்­தாபய தான் சிங்­கள பெளத்த வாக்­கு­களில் வெற்றி பெற்­றவன் என்ற அடை­யா­ளத்தை காட்டி சிறு­பான்மை மக்­களை அச்சப்படுத்தியுள்ளார். இந்த அர­சாங்­கத்தின் நோக்­கங்கள் தவ­றா­னவை  என்­பதை மக்கள் இன்­னமும் உண­ர­வில்லை என்று மக்கள் விடு­தலை முன்­னணி தெரி­வித்­துள்­ளது. 

பொதுத் தேர்­தலில் பல­மான எதிர்க்­கட்­சி­யாக உரு­வா­கவே முயற்­சிக்­கின்றோம் எனவும் ஜே.வி.பியின்  பொதுச் செய­லாளர் ரில்வின் சில்வா  குறிப்­பிட்டார்.

ஜனா­தி­பதி தேர்­தலின் பின்­ன­ராக அர­சாங்கம் தற்­போது முன்­னெ­டுத்து வரு­கின்ற நகர்­வுகள் குறித்தும் பொதுத் தேர்­தலில் மக்கள் விடு­தலை முன்­னணி எவ்­வாறு செயற்­படும் என்ற கார­ணிகள் குறித்தும் கருத்து தெரி­விக்கும் போதே அவர் இதனைக் குறிப்­பிட்டார். 

அவர் மேலும்  குறிப்­பி­டு­கையில், 

ஜனா­தி­பதித் தேர்­தலில் தேசிய மக்கள் சக்திக்கு எதிர்­பார்த்த அள­விற்கு மக்­களின்  ஆத­ரவு கிடைக்­க­வில்லை. இதற்கு சில கார­ணிகள் உள்­ளன. பிர­தான இரண்டு வேட்­பா­ளர்கள் குறித்து அதிக கவனம் செலுத்­தப்­ப­டு­கின்ற நிலையில், மூன்றாம் நப­ருக்கு மக்கள் ஆத­ரவு கிடைப்­பது கடி­ன­மான ஒன்­றாகும். அதேபோல் ஊட­கங்­களும் பிரதான இரு வேட்­பா­ளர்கள் குறித்து மட்­டுமே கவனம் செலுத்­தின. எவ்­வாறு இருப்­பினும் தேர்­தலில் மக்கள் ஒரு ஆணையை கொடுத்­துள்­ளனர். அதற்கு அனை­வரும் கட்­டுப்­பட்­டாக வேண்டும்.

அடுத்த மூன்று மாதங்­களில் பொதுத் தேர்தல் ஒன்று இடம்­பெறும். இதில் ராஜபக்ஷ அர­சாங்கம் சகல விதத்­திலும் அதி­கா­ரத்தை பயன்­ப­டுத்தி, ஐக்­கிய தேசிய கட்­சியின் அரை­வாசி பேரை­யா­வது விலை­கொ­டுத்து வாங்கி, தமது அர­சாங்­கத்தை அமைக்க முயற்­சிப்­பார்கள். ஆகவே பல­மான எதிர்க்­கட்சி யார்? என்­பதே கேள்­வி­யாக அமையும். ஐக்­கிய தேசிய கட்­சி­யினால் பல­மான எதிர்­கட்­சி­யாக செயற்­பட முடி­யுமா? என்ற கேள்வி எழும். ஆகவே தேசிய மக்கள் சக்தி, பொதுத் தேர்­தலில் மக்­களின் ஆத­ரவை பெற்ற கட்­சி­யாக அடை­யா­ள­ப­டுத்த சகல நட­வ­டிக்­கை­க­ளையும் நாம் முன்­னெ­டுப்போம். 

மூன்று மாத­கால இடை­கால அர­சாங்­கத்தில் அமைச்­சர்­க­ளாக நிய­மிக்­கப்­பட்­ட­வர்கள் யார்? என்று பார்த்தால் இந்த அர­சாங்கம் எப்­ப­டிப்­பட்­டது என்­பதை தெரிந்­து­கொள்ள முடியும். கடந்த காலங்­களில் ஊழல் வாதிகள், பாரா­ளு­மன்­றத்தில் அரா­ஜ­க­மாக செயற்­பட்­ட­வர்கள், பல குற்­றச்­சாட்­டுக்கள் உள்­ள­வர்கள், வழக்­குகள் உள்ளவர்களை ஜனா­தி­பதி அமைச்­சர்­க­ளாக நிய­மித்­துள்ளார். இவர்­களை கொண்டு ஊழ­லில்லா அர­சாங்கம் ஒன்று உரு­வாக்­கப்­ப­டுமா என்ற கேள்வி எழு­கின்­றது. 

மறு­புறம் இன­வாத மத­வாத அமைப்­புக்கள் அனைத்­துமே இன்று அமை­தி­யா­கி­யுள்­ளன. ஆகவே இவர்கள் அனைவரும் யாரு­டைய தேவைக்­காக செயற்­பட்­டனர் என்­பதும் தெளி­வா­கி­யுள்­ளது. எனவே மக்கள் இப்போதாவது உண்­மை­களை உணர வேண்­டிய கட்­டாயம் உள்­ளது. ஆனால், மக்கள் இன்றும் அவற்றை அறிந்துகொள்ள தயா­ரில்­லாத நிலையிலேயே உள்­ளனர். 

ஜனா­தி­பதி தனது பத­விப்­பி­ர­மாண நிகழ்வின் போதே, தான் சிங்­கள பெளத்த வாக்­கு­களில் வெற்றி பெற்­றவன் என்ற அடை­யா­ளத்தை, காட்டி சிறு­பான்மை மக்­களை அச்­சப்­ப­டுத்­தி­யுள்ளார். இவர்­களின் அர­சாங்­கத்­தையும்  பெளத்த சிங்­க­ள­வாத அர­சாங்­க­மாக அமைக்­கவே முயற்­சி­களை எடுப்­பார்கள் என்­பதில் எந்த சந்தேகமும் இல்லை. 

ஆகவே, தமிழ் - முஸ்லிம் மக்களை புறக்கணித்த அரசாங்கம் உருவாகினால் அதில் அதிக பாதிப்பு சிறுபான்மை மக்களையே சென்றடையும். அதற்கான வாய்ப்புக்கள் இருப்பதாக நாம் கருதுகின்றோம். எனவே எதிர்க்கட்சியாக நாம் பலமடையவே சகல மக்களையும் சந்தித்து, எமக்கான ஆதரவை கேட்போம்  என்றார். 

Comment (0) Hits: 57

அரச நிறுவனங்களில் புதிய நியமனங்களுக்கு தடை - நிதியமைச்சு உத்தரவு!

அரச நிறுவனங்களில் புதிய நியமனங்கள் எவையும் வழங்கப்படக்கூடாது என்று நிதியமைச்சு உத்தரவிட்டுள்ளது.

அமைச்சுக்களின் செயலர்களுக்கு இந்த உத்தரவு பிறப்பிக்கப்பட்டுள்ளது.

ஜனாதிபதி தேர்தல் காலத்தில் மேற்கொள்ளப்பட்டதாக கூறப்படும் நியமனங்கள் தொடர்பில் இறுதி முடிவுகள் எடுக்கப்படும் வரை இந்த உத்தரவு அமுலில் இருக்கும் என்று நிதியமைச்சு தெரிவித்துள்ளது.

ஏற்கனவே ஜனாதிபதி தேர்தல் காலத்தில் வழங்கப்பட்ட நியமனங்கள் ரத்துச்செய்யப்படவேண்டும் என்று தேர்தல்கள் ஆணையகம் உத்தரவிட்டிருந்தமையும் இங்கு குறிப்பிடத்தக்கது.

Comment (0) Hits: 60

'ஷாணி அபேசேகரவின் இடமாற்றம் அரசியல் உள்நோக்கம் கொண்டது' - சுமந்திரன்!

குற்றப் புலனாய்வுத் திணைக்களத்தின் பணிப்பாளர் சிரேஷ்ட பொலிஸ் அதிகாரி ஷானி அபேசேகரவின் இடமாற்றம் அரசியல் உள்நோக்கம் கொண்டது என தெரிவிக்கப்பட்டுள்ளது.

தமிழ்த் தேசியக் கூட்டமைப்பின் உத்தியோகபூர்வ பேச்சாளரும் நாடாளுமன்ற உறுப்பினருமான எம்.ஏ.சுமந்திரன்  தனது உத்தியோகபூர்வ டுவிட்டர் பக்கத்தில் அவர் இதனை கூறியுள்ளார்.

கடந்த ஆட்சிக்காலத்தில் ஊடகவியலாளர்களான லசந்த விக்ரமதுங்க, பிரகீத் எக்னலிகொட, கீத் நோயர் உட்பட ஊடகவியலாளர்கள் படுகொலை, கடத்தல், காணாமல் போகச்செய்தல் போன்ற வழக்கு விசாரணைகளை துரிதமாக அணுகிவந்தவராக குற்றப் புலனாய்வுப் பிரிவின் பணிப்பாளரான ஷானி அபேசேகர காணப்படுகின்றார்.

இந்நிலையில், அண்மையில் ஆட்சி மாற்றம் ஏற்பட்டதை அடுத்து, குற்றப் புலனாய்வுத் திணைக்களத்தின் பணிப்பாளர் சிரேஷ்ட பொலிஸ் அதிகாரி ஷானி அபேசேகர இடமாற்றம் செய்யப்பட்டார்.

இது குறித்து எம்.ஏ.சுமந்திரன் தனது டுவிட்டவர் பக்கத்தில் கூறியுள்ளதாவது, “மனித உரிமை மீறல்கள் தொடர்பான பல விசாரணைகள் ஷானி அபேசேகரவினால் முன்னெடுக்கப்பட்டு வந்தது.

குற்றப் புலனாய்வுத் திணைக்களத்திலிருந்து, அதன் பணிப்பாளரான ஷானி அபேசேகர இடமாற்றம் செய்யப்பட்டுள்ள நிலையில், பிரதான எதிர்த்தரப்பான ஐக்கிய தேசியக் கட்சி எங்கு சென்றுள்ளது” எனவும் அவர் கேள்வி எழுப்பியுள்ளார்.

Comment (0) Hits: 52

சீமெந்தின் விலை 100 ரூபாவினால் அதிகரிப்பு!

சீமெந்து இறக்குமதி சங்கத்தின் மூலம் சீமெந்தின் விலையில் ஏற்பட்ட மாற்றம் காரணமாக 995.00 ரூபாவாக காணப்பட்ட சீமெந்தின் விலை 100 ரூபாவினால் அதிகரிக்கபப்ட்டு இன்று முதல் 1095.00 ரூபாவாக உயர்த்தப்பட்டுள்ளதாக நுகர்வோர் உரிமைகள் பாதுகாப்புக்கான தேசிய  தலைவர் ரஞ்சித் விதானகே தெரிவித்தார்.

2003 9ம் இலக்க நுகர்வோர் சட்டத்தின் கீழ் விலை நுகர்வோர் அதிகார சபையின் மூலம் சீமெந்திற்கான விலை அமுலாக்கப்பட்டுள்ளது. நூகர்வோர் விவகாரங்களின் செலவுகளை கருத்தில் கொண்டு  இந்த விலை சூத்திரம் அமைக்கப்பட்டுள்ளது என அவர் மேலும் தெரிவித்தார்.

Comment (0) Hits: 64

நாட்டில் சமூக உறவுக்கான வழி பிறக்குமா?

அடுத்­து­வரும் ஐந்து ஆண்­டு­க­ளுக்கு இலங்கை ஜன­நா­யகக் குடி­ய­ர­சான நமது நாட்டை ஆளும் உரிமை தேர்­தலின் மூலம் நந்­த­சேன கோத்­தாபய ராஜபக்ஷவிடம் தேர்தல் மூலம் நாட்டு மக்­களால் ஒப்படைக்கப்பட்டுள்­ளது.

அடுத்து பாரா­ளு­மன்­றத்­திற்­கான பொதுத் தேர்­தலும், மாகாணசபைகளுக்­கா­ன தேர்­த­லுக்­கான எதிர்­பார்ப்பும் உள்­ளது.

இவ்­வா­றுள்ள நிலையில் நடை­பெற்று முடிந்த ஜனா­தி­பதித் தேர்­தலின் பெறு­பே­றுகள் தெரி­வா­கி­யுள்ள ஜனா­தி­ப­தியின் எதிர்­காலத் திட்­டங்கள் எவ்­வாறு அமையும் என்ற எதிர்­பார்ப்பை நாட்டு மக்­க­ளிடம் குறிப்­பாக சிறு­பான்மை மக்­க­ளிடம் மட்­டு­மல்ல உலக அரங்­கிலும் ஏற்­ப­டுத்­தி­யுள்­ளது என்­பதை நோக்க முடி­கின்­றது.

நாட்டின் பொரு­ளா­தார அபி­வி­ருத்தி, தேசிய பாது­காப்பு, தொழிலற்றோர் பிரச்­சினை எனப் பல்­வேறு பிரச்­சினை களுக்குத் தீர்­வு­காண வேண்­டி­யுள்­ளது என்று கூறப்­பட்­டாலும், அதற்கும் அப்பால் நாட்டின் சகல இன, மத மொழி மக்­க­ளுக்கு மத்­தி­யிலே புரிந்­து­ணர்வும், நல்­லு­றவும் ஏற்­ப­டுத்தும் பாரிய பொறுப்பும் அவ­ருக்­குள்­ளது.

யார் விரும்­பி­னாலும், விரும்­பா­விட்­டாலும் நாடும், நாட்டு மக்­களும் எதிர்­நோக்­கி­யுள்ள முதன்மைப் பிரச்­சினை அது­வா­க­வே­யுள்­ளது.

பெரும்­பான்மை வெற்­றியின் மூலம் நாட்டில் இனப்­பி­ரச்­சினை இல்­லை­யென்­றாகி விடாது. இந்த நாட்டில் மக்­களின் பெரும்­பான்மை வாக்­கு­களால் வெற்­றி­யீட்­டிய அர­சாங்­கங்­களே இனப்­பி­ரச்­சி­னைக்கு அடித்­த­ள­மிட்­டன என்ற உண்­மையை மறைக்க முடியாது.

பல்­லின, பல­மொழி, பல இன மக்­களைக் கொண்ட இலங்­கையில் பல்­லினத் தன்­மைக்கு மதிப்­ப­ளிக்­காது, பேணாது பெரும்­பான்மை என்ற மாயையில் சிக்கி பல சீர­ழி­வு­க­ளுக்கு அடி­கோ­லிய வர­லாற்­றுக்கு முற்­றுப்­புள்ளி வைக்­காத வரை நாட்டின் பெரு­மைக்கும், இறை­யாண்­மைக்கும் பாதிப்­புகள் ஏற்­படும் என்ற யதார்த்த நிலை­மையைத் தடுக்க முடி­யாது. தேர்­தல்­காலப் பரப்­பு­ரைகள் எவ்­வா­றி­ருந்த போதிலும் தான் நாட்டின் அனைத்து மக்­களின் ஜனா­தி­பதி என்­ப­தையும் அனை­வ­ருக்கும் சேவை­யாற்­று­வதன் பொறுப்பை தான் தெரிந்து வைத்­தி­ருப்­ப­தா­கவும் புதிய ஜனா­தி­பதி கூறி­யி­ருப்­பது யதார்த்­த­மானால் நாடு நிச்சயம் பெரு­மை­ய­டையும்.

கடந்த கால நிகழ்­வு­க­ளையும், செயற்­பா­டு­க­ளையும் சரி­யாக, முறை­யாக எடை­போட்டு விட்ட தவ­றுகள் மேலும் தொட­ராது தடுக்கும் வழியை அவர் காண்பார் என்று நம்­புவோம். பெரும்­பான்மை ஆத­ர­வுடன் ஆட்­சி­ய­மைத்த டீ.எஸ்.சேனா­நா­யக்­கவின் அர­சாங்­கத்தால் இந்­நாட்டின் குடி­மக்­க­ளா­யி­ருந்த இந்­திய வம்­சா­வளித் தமிழ் மக்­களின் குடி­யு­ரிமை, வாக்­கு­ரிமை என்­பன பறிக்­கப்­பட்டு அவர்கள் நாடற்­ற­வர்­க­ளாக்­கப்­பட்­டனர். அதேபோல் பெரும்­பான்மை ஆத­ர­வுடன் ஆட்­சி­ய­மைத்த எஸ்.டபிள்யூ.ஆர்.டீ. பண்­டா­ர­நா­யக்­கவின் அர­சாங்­கத்தால் தனிச்­சிங்­களச் சட்டம் கொண்டு வரப்­பட்டு இந்­நாட்டின் பாரம்­ப­ரிய தமிழ்­மொழி புறக்­க­ணிக்­கப்­பட்­டது.

அதேபோல் பெரும்­பான்மை ஆத­ர­வுடன் ஆட்­சி­ய­மைத்த ஜே.ஆர்.ஜய­வர்­த­னவின் ஆட்சிக் காலத்தில் பல தமி­ழ­ருக்­கெ­தி­ரான இனக்­க­ல­வ­ரங்கள் கட்­ட­விழ்க்­கப்­பட்­டன.

அதைத்­தொ­டர்ந்து பெரும்­பான்­மை­யி­னரின் ஆத­ர­வுடன் ஆட்­சி­ய­மைத்த அனைத்து அர­சாங்­கங்­க­ளாலும் சிறு­பான்­மை­யினர் பாதிப்­பு­க­ளையே எதிர்­கொண்­டனர் என்­பது வர­லாறு. அவ்­வா­றுள்ள நிலையில் சிறு­பான்­மை­யி­னத்­த­வ­ருக்குப் பாதிப்பு ஏற்­ப­டாத வகை­யிலும் ஏற்­க­னவே ஏற்­பட்ட பாதிப்­பு­க­ளி­லி­ருந்து அவர்கள் விடு­ப­டக்­கூ­டி­ய­தா­கவும் புதிய ஆட்சி அமைந்தால் அது வர­வேற்­கப்­படும். உலக அரங்கில் நாட்டின் கௌரவம் காக்­கப்­படும்.

நடந்து முடிந்த ஜனா­தி­பதித் தேர்­தலில் தமிழர் தாயகப் பிர­தே­சங்­க­ளான வடக்கு, கிழக்கு மாகா­ணங்­க­ளிலும், அதேபோல் தமி­ழர்கள் அறுதிப் பெரும்­பான்­மை­யி­ன­ராக வாழும் நுவ­ரெ­லியா மாவட்­டத்­திலும் தனித்­து­வ­மான பெறு­பே­றுகள் கிடைத்­துள்­ளன. அது மக்­களின் தீர்ப்பு. அது ஜன­நா­ய­கத்தின் பாற்­பட்­டது. மாறான கருத்­துள்­ள­வர்கள் ஏன், எதற்­காக மாற்­றுக்­க­ருத்துக் கொண்­டுள்­ளார்கள் என்­பதை ஆய்வு செய்து முடி­வுகள் எடுத்து அம்­மக்­க­ளையும் தம்பால் ஈர்த்துக் கொள்­வதே பண்­பட்ட ஜன­நா­யக வழி­முறை.

சிறு­பான்மை மக்கள் மட்­டு­மல்ல பெரும்­பான்மை மக்­களில் கணி­ச­மானோர் மாற்றுக் கருத்­துள்­ள­வர்­க­ளாகத் தமது வாக்­கு­களைப் பிர­யோ­கித்­துள்­ளனர் என்­பதை எவரும் கவ­னத்தில் கொள்­ளாது  சிறு­பான்­மை­யி­னத்­தவர் மட்­டுமே எதி­ராகச் செயற்­பட்­டனர் என்று கூறு­வது பொறுப்­பற்ற, ஏற்­றுக்­கொள்ள முடி­யாத கூற்­றாகும்.

1980 களின் முற்­ப­கு­தியில் ஜே.ஆர்.ஜய­வர்­த­னவின் ஆட்சிக் காலத்தில் அன்­றைய பாரா­ளு­மன்­றத்தின் ஆட்­சிக்­கா­லத்தை அதற்­கு­ரிய காலம் முடி­வ­டைந்த பின் மேலும் ஆறு ஆண்­டு­க­ளுக்கு நீடிப்­ப­தற்­காக கருத்­துக்­க­ணிப்பு வாக்­கெ­டுப்­பொன்று நடத்­தப்­பட்­டது. உரிய காலத்தில் பொதுத் தேர்தல் நடத்­தப்­பட வேண்­டு­மென்று முழு வட­மா­கா­ணமும் கிழக்கு மாகா­ணத்தில் திரு­கோ­ண­மலை மற்றும் மட்­டக்­க­ளப்பு மாவட்­டமும் வாக்­க­ளித்­தது. அதா­வது தமிழ் மக்கள் ஏகோ­பித்து வாக்­க­ளித்­தனர். ஆனால் நாட்டின் ஏனைய பிர­தே­சத்­த­வர்கள் பாரா­ளு­மன்ற ஆட்சி நீடிப்­புக்கே வாக்­க­ளித்­தனர்.

தென்­னி­லங்­கையில் பாரா­ளு­மன்ற கால நீடிப்­புக்கு எதி­ராகப் போரா­டிய பெரும்­பான்­மை­யி­னரைக் கொண்ட சிங்­க­ள­வர்­களைத் தலை­மை­யாகக் கொண்ட அர­சி­யல்­வா­தி­களால் ஜன­நா­ய­கத்­திற்கு மாறா­ன­தென்ற ஆட்சி நீடிப்பை, அதற்­கெ­தி­ரான தீர்­மா­னத்தை தமது மக்­களை அணி திரட்டி நிறை­வேற்ற முடி­யாது போனது. முன்னாள் பிர­த­மரும் அன்­றைய ஸ்ரீலங்கா சுதந்­திரக் கட்­சியின் தலை­வி­யு­மான ஸ்ரீமாவோ பண்­டா­ர­நா­யக்க அம்­மையார் வடக்கு, கிழக்கு மாகாண தமி­ழர்­களின் ஜன­நா­யகப் பற்­று­று­தியைப் பாராட்­டினார் என்­பதும் வர­லாறு. மன­ச்சாட்­சியின் படி ஜன­நா­யக முறையில் தமது கருத்தை அன்று வெளி­யிட்ட தமிழ் மக்­க­ளது முடிவைத் தாங்க மாட்­டாத அன்­றைய ஆட்­சியில் இனக்­க­ல­வ­ரங்கள் கட்­ட­விழ்த்து விடப்­பட்­ட­மையும் வர­லாற்­றி­லுள்­ளது.

இவை­யெல்லாம் இலங்­கைக்­கே­யு­ரிய தனித்­து­வ­மான அர­சியல் வர­லாற்றுப் பாடங்கள். கடந்து வந்த பாதையைத் திரும்­பிப்­பார்த்து அதில் விடப்­பட்ட குறைகள், தவ­று­களைத் திருத்திச் செயற்­ப­டு­வது எதிர்­கா­லத்­திற்கு நல்­லது. அவ்­வா­றின்றேல் நாட்டின் மீட்சி, இனங்­க­ளுக்­கி­டை­யே­யான நல்­லு­றவு என்­பன பகற்­ க­ன­வா­கவே முடியும்.

நடை­பெற்று முடிந்த தேர்­தலில் தமிழ் மக்­களைப் பிர­தி­நி­தித்­துவம் செய்யும் அர­சி­யல்­வா­திகள், தலை­வர்கள் என்போர் இரு தரப்­பி­ன­ருக்கும் பிரிந்து நின்று ஆத­ரவு வழங்­கினர். ஒரு தரப்பு ஆத­ரவு வழங்­கி­யவர் வெற்றி பெற்று நாட்டின் ஜனா­தி­ப­தி­யா­கி­யுள்ளார்.

தமிழ் தேசிய கூட்­ட­மைப்பு மற்றும் தமிழ் முற்­போக்குக் கூட்­டணி என்­ப­னவும் வேறு சில தமிழர் அமைப்­பு­களும் சஜித் பிரே­ம­தா­ச­வுக்கு ஆத­ரவு வழங்­கின. இரா.சம்­பந்தன், மனோ கணேசன் ஆகியோர் குறிப்­பி­டத்­தக்­க­வர்கள். இவர்கள் ஆத­ரவு வழங்­கிய தரப்பின் வேட்­பாளர் தோல்­வி­ய­டைந்தார்.

மறு­புறம் இலங்கைத் தொழி­லாளர் காங்­கிரஸ், ஈழ மக்கள் ஜன­நா­யக கட்­சியின் தலை­வர்­க­ளான டக்ளஸ் தேவா­னந்தா, ஆறு­முகன் தொண்­டமான் உள்­ளிட்­ட­வர்­க­ளுடன் சில தமிழ்த் தரப்­பினர் ஆத­ரவு வழங்­கி­யவர் ஜனா­தி­ப­தி­யா­கி­யுள்ளார். தமிழர் தரப்பின் அதி­க­ரித்த ஆத­ரவு கிட்டவில்­லை­யென்­பதால் தமிழ் மக்கள் எது­வித புறக்­க­ணிப்­புக்குள் உள்­ளா­காமல் தடுப்­பதும், பாது­காப்­பதும் புதிய ஜனா­தி­ப­தியின் வெற்­றிக்கு உழைத்த தமிழ்த் தலை­வர்­களின் பொறுப்­பாகும்.

அவர்கள் தமக்­கு­ரிய கட­மையில், பொறுப்பில் பின்­னிற்கக் கூடாது, மாட்­டார்கள் என்று நம்­பலாம். தமிழ் மற்றும் முஸ்லிம் மக்கள் நிம்­ம­தி­யாக வாழும் வாழ்­வையே எதிர்­பார்க்­கின்­றனர். நிம்­ம­தி­யாக வீட்டில் தூங்­கி­யெழும் நிலைக்குப் பங்கம் ஏற்­ப­டக்­கூ­டாது. இன, மொழி, மத ரீதியில் நாட்டில் எப்­பா­கத்­திலும் வேற்­றுமை பாராட்­டவோ, பாதிக்­கவோ கூடாது.

அர­சி­ய­ல­மைப்பில் தமிழ்­மொ­ழிக்கு வழங்­கப்­பட்­டுள்ள தேசிய மற்றும் ஆட்சி மொழிக்­கான உரிமை நடை­மு­றைப்­ப­டுத்­தப்­பட வேண்டும். அர­சி­ய­ல­மைப்பில் தமிழ்­மொ­ழிக்கு மேற்­படி உரி­மைகள் வழங்கப்பட்­டி­ருந்த போதிலும் அது நடைமுறைப்படுத்தப்படாதுள்ள இன்றைய நிலை நீக்கப்படவேண்டும்.

கல்வி, தொழில் உட்பட அடிப்படைத் தேவைகள் நிறைவேற்றப்பட வேண்டும். புதிய ஜனாதிபதியைத் தேர்ந்தெடுக்க முன்வந்து செயற்பட்ட, அவருக்கு தேர்தலில் ஒத்துழைப்பு வழங்கிய தமிழ்த் தலைவர்கள் தமக்குரிய மேற்படி பொறுப்புகளை நிறை வேற்ற முன்வர வேண்டும்.

இந்நாட்டின் சிறுபான்மையினத்தவரான தமிழர்களும் இந்நாட்டின் உரிமையுள்ள குடிமக்கள் என்று உறுதியாக நம்பப்படு மானால் அவர்களுக்கு பெரும்பான்மை மக்கள் அனுபவிக்கும் சகல உரிமைகளும் அனுபவிக்க வழி செய்ய வேண்டும். அப்போது இனங்களுக்கிடையே பிளவுகள், பிரச்சினைகளுக்கு நிரந்தர முடிவு கட்டலாம். தமிழ் மக்களும் சிங்கள மக்களும் சகோதரத்துவத்துடன் வாழ வழி கிட்டும். வரலாற்றில் புதிய திருப்பமொன்று ஏற்படத்தான் போகின்றது. அது எவ்வாறமையும் என்பதை நாடாளும், நாடாளத் துடிக்கும் அரசியல்வாதிகளே தீர்மானிக்க வேண்டும்.

த.மனோகரன்

Comment (0) Hits: 53

'பௌத்த பிக்குகள் கௌரவத்தை கேட்டு வாங்கக் கூடாது' - மங்கள!

பௌத்த பிக்குகள் கௌரவத்தை கேட்டு வாங்காது, என நாடாளுமன்ற உறுப்பினர் மங்கள சமரவீர தெரிவித்துள்ளார்.

தனது டுவிட்டர் பக்கத்தில் இட்டுள்ள பதிவிலேயே அவர் இதனை கூறியுள்ளார்.

"பௌத்த பிக்குகள் கௌரவத்தை கேட்டு வாங்காது, சித்தார்த்த கௌதம புத்தரின் உண்மையான தொண்டர்களாக அந்த கௌரவத்தை சம்பாதிக்க வேண்டும் " என அப்பதிவில் குறிப்பிடப்பட்டுள்ளது.

கடந்த காலத்தில் பௌத்த பிக்குகளுக்கு எதிராக கருத்துக்களை வெளியிட்டு வந்தார் என நாடாளுமன்ற உறுப்பினர் மங்கள சமரவீர மீது குற்றம் சுமத்தப்பட்டுள்ளது.

அத்துடன், அவர் பௌத்த பிக்குகளை காவிதாரிகள் என கூறியிருந்தார். இலங்கை பௌத்தர்களுக்கு மட்டுமே சொந்தமான நாடு அல்ல எனவும் அவர் குறிப்பிட்டிருந்தார்.

இதவேளை, இனிவரும் காலத்தில் கட்சி அரசியலில் இருந்து விலகி, முழு இலங்கை மக்களுக்கும் இடையில் நல்லிணக்கத்தை ஏற்படுத்தும் நோக்கில், புதிய அரசியல் பயணத்தை ஆரம்பிக்க மங்கள சமரவீர தீர்மானித்துள்ளமை குறிப்பிடத்தக்கது.

 
Comment (0) Hits: 67

வீதி பெயர் பலகைகளில் தமிழ் மொழி புறக்கணிப்பு!

பாணந்துறை வீதிகளின் பெயர் பலகைகளில் தமிழ் மொழி புறக்கணிக்கப்பட்டுள்ளதாக சமூக ஊடகங்களில் குற்றச்சாட்டுக்கள் முன்வைக்கப்பட்டுள்ளன.

மேல் மாகாணத்தில் அமைந்துள்ள பாணந்துறை நகரசபைக்கு உட்பட்ட பகுதிகளில் காணப்படும் வீதிகளுக்கான பெயர் பலகைகளில் இவ்வாறு தமிழ் மொழி புறக்கணிக்கப்பட்டுள்ளதாகத் தெரிவிக்கப்படுகிறது.

திட்டமிட்ட அடிப்படையில் தமிழ் மொழி உதாசீனம் செய்யப்பட்டு தனிச் சிங்கள மொழியில் வீதிகளின் பெயர்கள் காட்சிப்படுத்தப்பட்டுள்ளதாகக் குற்றம் சுமத்தப்பட்டுள்ளது.

இவ்வாறு தனிச் சிங்கள மொழியில் வீதிகளின் பெயர்ப் பலகைகள் காட்சிப்படுத்தப்படுவது சிறுபான்மை சமூகத்தைச் சேர்ந்த மக்களுக்கு அசௌகரியத்தை ஏற்படுத்தும் என சுட்டிக்காட்டப்பட்டுள்ளது.

இந்த குற்றச்சாட்டு குறித்த சில படங்களும் சமூக ஊடகங்களில் உலவி வருகின்றமை குறிப்பிடத்தக்கது.

Comment (0) Hits: 62

பக்கம் 3 / 70