V2025

செய்தி

'தேர்தல் கருத்துக்கணிப்பு குறித்த அரச புலனாய்வு சேவை தகவல் பொய்' - பொலிஸ் தலைமையகம் அறிவிப்பு!

அரச புலனாய்வு சேவை பிரிவினால் வெளியிடப்பட்டுள்ளதாக சமூக வலைத்தளங்களில் பரவும் அறிக்கையை நிராகரிப்பதாக பொலிஸ் தலைமையகம் அறிவித்துள்ளது.

கடந்த 05 ஆம் திகதி அரச புலனாய்வு திணைக்களத்தினால், ஜனாதிபதிக்கு வழங்கப்பட்ட அரச புலனாய்வு அறிக்கை என்ற பேரிலேயே, இந்த அறிக்கை சமூக வலைத்தளங்கள் வாயிலாக பரப்பப்பட்டுள்ளது.    

இந்த அறிக்கை உண்மைக்கு புறம்பானது என பொலிஸ் ஊடகப் பேச்சாளர் ருவன் குணசேகர தெரிவித்துள்ளார்.

இது குறித்து தொடர்ந்து கருத்து தெரிவித்த அவர்,

"ஜனாதிபதி தேர்தலின் வெற்றியாளர் யார்? என்பது தொடர்பில் புலனாய்வு பிரிவு கருத்துக் கணிப்பு மேற்கொண்டதாக போலியான தகவல்கள் வெளியாகி உள்ளன.

அரசாங்க புலனாய்வு திணைக்களம், இலங்கை பொலிஸ் திணைக்களம் இவ்வாறான கருத்துக் கணிப்புக்களை மேற்கொள்வதில்லை" எனவும் சுட்டிக்காட்டியுள்ளார்.

ஜனாதிபதி தேர்தல் சுதந்திரமாகவும் சுமுகமான முறையிலும் நடைபெற வேண்டும் என்பதனால் பாதுகாப்பான சூழல் ஒன்றை உருவாக்குவதற்கு பொலிஸார் முழுமையான அவதானத்தை செலுத்தியுள்ளனர்.

இவ்வாறான போலி கடிதம் தயாரித்து, சமூக வலைத்தளத்தில் வெளியிடும் நபர்கள் தொடர்பில் ஆராய்ந்து, சட்ட ரீதியான நடவடிக்கை மேற்கொள்ள நடவடிக்கை எடுத்துள்ளதாக பொலிஸ் ஊடக பேச்சாளர் ருவண் குணசேகர மேலும் தெரிவித்துள்ளார்.

Comment (0) Hits: 66

'கோதுமை மாவின் விலை அதிகரிக்கப்படவில்லை. திட்டமிட்டு பொய் பிரசாரம்' - ரிஷாட்!

கோதுமை மாவின் விலை அதிகரிக்கப்படவோ அல்லது ஏதேனும் மாற்றங்களுக்கு உட்படுத்தப்படவோ இல்லை என கைத்தொழில், வர்த்தக அமைச்சர் ரிஷாட் பதியுதீன் தெரிவித்துள்ளார்.

எமது நாடு மிகவும் முக்கியமானதும், நெருக்கடியானதுமான தேர்தலொன்றுக்குத் தயாராகிக்கொண்டிருக்கும் தருணத்தில், கோதுமை மாவின் விலையை அதிகரிப்பதென்பது திட்டமிடப்பட்ட சதி என்பதுடன், அது அரசாங்கத்திற்குப் பாதிப்பை ஏற்படுத்தும் நோக்கத்தில் செய்யப்படுவதுமாகும் என அவர் மேலும் சுட்டிக்காட்டியுள்ளார்.

நுகர்வோர் விவகார  அதிகார சபையின் அனுமதியின்றி கோதுமை மாவின் விலை அதிகரிக்கப்பட்டிருப்பதாக செய்திகள் வெளியானதைத் தொடர்ந்தே, அமைச்சர் மேற்கண்டவாறு தெரிவித்துள்ளார். 

தொடர்ந்து கருத்து தெரிவித்த அவர்,

"உரிய அமைச்சு மற்றும் அதிகாரசபைகளின் அனுமதியின்றி, சட்டவிரோதமான முறையில் இவ்வாறான விலை அதிகரிப்பில் கோதுமை மா வழங்குனர்கள் எவரேனும் தொடர்புபட்டிருப்பின், அவர்களுக்கு எதிராக சட்ட நடவடிக்கை எடுக்கப்படும்" என்றார். 

சட்டவிரோதமாக விலையதிகரிப்பைச் செய்வதனூடாக நுகர்வோருக்கு அசௌகரியத்தை ஏற்படுத்துவோர் தொடர்பில் கண்காணிக்குமாறு, அவர் கடந்த 11 ஆம் திகதி நுகர்வோர் அலுவல்கள் அதிகாரசபைக்கு அறிவுறுத்தியிருக்கிறார்.

இதேவேளை, இத்தகைய சட்டவிரோத செயற்பாடுகளின் ஈடுபடுவோருக்கு 2003 ஆம் ஆண்டு 60 ஆம் பிரிவின் 9 ஆம் இலக்கச் சட்டத்தின் கீழ், ஒருவருட  சிறைத்தண்டனை விதிக்கப்பட முடியும் என்பதுடன், 5000 - 50,000 ரூபா தண்டப்பணம் அறவிடப்பட முடியும் என்பது குறிப்பிடத்தக்கது.

Comment (0) Hits: 64

'கோதுமை மாவின் விலையை அதிகரிக்க முடியாது' - மங்கள எச்சரிக்கை! (காணொளி)

கோதுமை மாவின் விலையை அதிகரிக்க எந்த நிறுவனத்திற்கும் அனுமதி வழங்கப்படவில்லை என  நுகர்வோர் விவகார அதிகார சபை தெரிவித்துள்ளது.

அத்தோடு, அனுமதியின்றி கோதுமை மாவின் விலையைஅதிகரித்தால் சட்ட நடவடிக்கை எடுக்கப்படும் எனவும் அச்சபை வலியுறுத்தியுள்ளது.

இதேவேளை, அமைச்சரவையினால் நியமிக்கப்பட்ட வாழ்க்கை செலவுக் குழு மற்றும் நுகர்வோர் விவகார அதிகார சபையின் அனுமதி இல்லாமல் கோதுமை மாவின் விலையை அதிகரிக்க முடியாது என நிதியமைச்சர் மங்கள சமரவீர தெரிவித்த்துள்ளார்.

அவ்வாறு ஒருசில ஊடக நிறுவனங்கள் வழமை போன்று, மேற்கொண்டுள்ள பொய்  பிரசாரங்களில் எவ்வித உண்மையும் இல்லையெனவும் அமைச்சர் சுட்டிக்காட்டியுள்ளார்.

தனது டுவிட்டர் பக்கத்தில் இட்டுள்ள பதிவிலேயே அவர் இதனை கூறியுள்ளார்.

Man

இது சட்டவிரோத நடவடிக்கை. கோதுமை மாவின் விலை 8.50 ரூபாவால் அதிகரிக்கப்பட்டுள்ளதாக சமூக வலைத்தளங்களில் பொய்ப் பிரச்சாரம் மேற்கொள்ளப்பட்டுள்ளதாக தெரிவித்த அவர், இந்த விடயம் தொடர்பில், தேர்தல்கள் ஆணைக்குழுவில் முறைப்பாடு செய்துள்ளதாகவும் கூறினார். 

 

Comment (0) Hits: 62

'வாக்களிப்பதற்காக நாடு திரும்பிய இலங்கையர்களின் விபரம்' - உண்மை,பொய் இதோ! (காணொளி)

ஜனாதிபதி தேர்தலில் போட்டியிடும் வேட்பாளர் ஒருவருக்கு வாக்களிப்பதற்காக வெளிநாடுகளில் தொழில் புரியும் நான்கு இலட்சத்திற்கும் மேற்பட்ட இலங்கையர்களும், இரட்டை குடியுரிமை பெற்ற ஆயிரக்கணக்கானவர்களும் இலங்கை வந்துள்ளதாக கூறி, சம்பந்தப்பட்ட வேட்பாளரின் ஆதரவாளர்கள் சமூக வலைத்தளங்களில் பெரிய பிரச்சாரத்தை முன்னெடுத்துள்ளனர்.

தேர்தல் சட்டங்களை மீறி இந்த பிரச்சாரங்கள் முன்னெடுக்கப்படுவதாக குற்றம் சுமத்தப்பட்டுள்ளது.

இதுகுறித்து தேசிய ரூபவாஹினி தொலைக்காட்சி எழுப்பிய கேள்விக்கு பதிலளித்த குடிவரவு மற்றும் குடியகல்வு திணைக்களத்தின் சிரேஷ்ட அதிகாரி ஒருவர் பின்வருமாறு பதிலளித்துள்ளார்.

"2010 நவம்பர் முதலாம் திகதி முதல் 11ஆம் திகதி இலங்கையின் இரட்டை குடியுரிமை பெற்றவர்களில் 809 பேரே இலங்கைக்கு வந்துள்ளதாக குடிவரவு மற்றும் குடியகல்வு திணைக்களத்தின் புள்ளிவிபரங்கள் தெரிவிகின்றன.

2018ஆம் ஆண்டு இதே காலப்பகுதியில் இலங்கையின் இரட்டை குடியுரிமை பெற்ற 723 பேரே இலங்கை வந்திருந்தனர்.

அதேவேளை, 2019ஆம் ஆண்டு நவம்பர் முதலாம் திகதி முதல் 11ஆம் திகதி வரை வெளிநாடுகளில் தொழில் புரிவோரில் 39,553 இலங்கையர்களே நாடு திரும்பியுள்ளனர். கடந்த ஆண்டு இதே காலப்பகுதியில் 38,325 பேர் நாடு திரும்பியிருந்தனர்" எனவும் அந்த அதிகாரி கூறியுள்ளார்.

Comment (0) Hits: 70

ஊடக நிறுவனம் ஒன்றின் மீது தாக்குதல் - விமலை விசாரிக்க வேண்டும்!

ஸ்ரீலங்கா பொதுஜன பெரமுன வேட்பாளர் கோட்டாபய ராஜபக்ஷவுக்கு எதிரான ஊடக நிறுவனம் ஒன்றின் மீது தாக்குதலை மேற்கொண்டு அதன் பொறுப்பை தமது அணிமீது  சுமத்துவதற்கான முயற்சியில் எதிர்தரப்பு ஈடுபட்டுள்ளதாக பாராளுமன்ற உறுப்பினர் விமல் விரவங்ச கூறியுள்ளார்.  

பொதுஜன பெரமுன ஏற்பாடு செய்திருந்த ஊடகவியலாளர் சந்திப்பின் போது அவர் இதனைத் தெரிவித்துள்ளார்.

ஸ்ரீலங்கா பொதுஜன பெரமுன இந்நாட்களில், சில நேரங்களில் ஒரு நாளைக்கு பல தடவைகள் ஊடகவியலாளர் சந்திப்புக்களை நடாத்தி நாட்டிற்கு கூறுவது அந்த கட்சியின் ஜனாதிபதி வேட்பாளர் கோட்டாபய ராஜபக்ஸவுக்கு எதிராக பல்வேறு பிரசார மற்றும் ஏனைய சதிகளையும் எதிர்தரப்பினர் செயற்படுத்தி வருகின்றார்கள் என்றேயாகும்.

உயிர்த்த ஞாயிறு தாக்குதலுக்கு கோட்டாபய பொறுப்புக் கூற வேண்டும் எனத் தெரிவிக்கும் வீடியோ ஒன்று தயாரிக்கப்படுவதாகவும், அது வெளியிடுவதற்கு தயாராக உள்ளதாகவும் பொதுஜன பெரமுனவின் பிரதிநிதிகள் இதற்கு முன்னர் எதிர்த்தரப்பினரின் செயற்பாடுகள் தொடர்பில் எதிர்வுகூறல்களைத் தெரிவித்து கூறியிருந்தனர்.

இந்த எதிர்வு கூறல்கள் தொடர்பில் சரியான உறுதியான தகவல்கள் இருக்குமாயின் ஊடகவியலாளர் சந்திப்பினை நடாத்துவதை விட மொட்டு கட்சியினர் பொலிஸ் நிலையத்திலும், தேர்தல் ஆணைக்குழுவிடத்திலும் அல்லது தேர்தல் கண்காணிப்பு குழுவிடத்தில் முறைப்பாடு செய்திருக்கலாம்.

விமல் வீரவங்சவின் இந்தக் குற்றச்சாட்டு எனில் சேறுபூசும் வீடியோவை விட கடுமையான குற்றச்சாட்டாகும். தாக்குதல் மேற்கொள்ளப்படப் போகின்றது எனக் கூறுவது ஊடக நிறுவனம் ஒன்றின் மீதாகும். ஊடக நிறுவனத்திற்கோ அல்லது வேறு எந்த இடத்திற்கும் தாக்குதலை மேற்கொள்வது படு மோசமான செயற்பாடாகும்.

இந்தக் குற்றத்தைப் பற்றி விமல் வீரவங்சவுக்குத் தெரிந்த தகவல்களை உடனடியாக பொலிஸாருக்கு வழங்க வேண்டும். பொலிஸாரும் உடனடியாக இது தொடர்பில் அவரிடம் விசாரிக்க வேண்டும். அவ்வாறானதொரு குற்றம் இடம்பெற உள்ளதாயின் அதனைத் தடுப்பதற்கு நடவடிக்கை மேற்கொள்ள வேண்டும்.

விமல் வீரவங்க தெரிவித்திருப்பது தாக்குதல் எனக் கூறி நாட்டில் தீயை மூட்டுவதாயின் அது தொடர்பிலும் பொலிஸார் அவருக்கு எதிராக நடவடிக்கை மேற்கொள்ள வேண்டும்.

Comment (0) Hits: 75

தேர்தல் சட்டங்களை மீறியது ஊடகங்களும், சமயத் தலைவர்களுமாகும்!

இலங்கை தேர்தல் வரலாற்றில் இம்முறை நடைபெறும் ஜனாதிபதி தேர்தல் சிறப்புமிக்கதாக அமைவது தேர்தல் கால வன்முறைகள் மிகக் குறைந்த மட்டத்தில்  இடம்பெற்றிருப்பதன் காரணத்தினாலாகும்.

பெப்ரல் அமைப்பு 2019ம் ஆண்டு செப்டெம்பர் 27ம் திகதியிலிருந்து நவம்பர் 13ம் திகதி மாலை 4.30 மணி வரையிலான தேர்தல் பிரசார காலம் தொடர்பில் வெளியிட்டுள்ள அறிக்கைக்கு அமைய எவ்வித கொலைச் சம்பவங்களும் இடம்பெறவில்லை.

இதற்கு மேலாக கடுமையான வன்முறைச் சம்பவங்களுடன் தொடர்புடைய சட்டங்களை மீறியமை தொடர்பான 68 சம்பவங்கள் மாத்திரமே இடம்பெற்றுள்ளது. அவற்றுள் கடுமையான தாக்குதல் சம்பவங்கள் இடம்பெற்றிருப்பது 15 மாத்திரமேயாகும்.

அந்த அறிக்கை கீழே தரப்பட்டுள்ளது.

Paffral1

இதற்கு முன்னர் இடம்பெற்ற ஜனாதிபதி தேர்தல்களோடு ஒப்பிடும் போது இம்முறை தேர்தல் கால வன்முறைச் சம்பவங்கள் குறிப்பிடக் கூடிய வகையில் குறைந்துள்ளதை அவதானிக்க முடிவதாக பெப்ரல் அமைப்பின் நிறைவேற்றுப் பணிப்பாளர் ரோஹன ஹெட்டியாராச்சி பீபீசி சிங்கள சேவையிடம் கூறியுள்ளார்.

Comment (0) Hits: 62

'பேப்பர் ஒன்றைக் காட்டினார்கள்,நாம் அதை பற்றி ஆராயவில்லை” - தேர்தல்கள் ஆணைக்குழுவின தலைவர்!

தனது பிரஜா உரிமை தொடர்பான சான்றிதழ் எனக் கூறி கோத்தாபய ராஜபக்ஷ தேர்தல்கள் திணைக்களத்தில் பேப்பர் ஒன்றைக் காட்டியது உண்மையே என்றாலும், அதில் அடங்கியிருந்த விடயங்களின் உண்மைத்தன்மை தொடர்பில் ஆணைக்குழு அக்கரை காட்டவில்லை என தோ்தல்கள் திணைக்களத்தின் தலைவர் மஹிந்த தேசப்பிரிய கூறினார்.

கோத்தாபய ராஜபக்ஷவின் அமெரிக்க குடியுரிமை விலக்கிக் கொள்ளப்பட்ட சான்றிதழ் தேர்தல்கள் திணைக்களத்திற்கு காட்டப்பட்டுள்ளது என்றும், அதனை தேர்தல்கள் திணைக்களம் ஏற்றுக் கொண்டுள்ளது என்றும் ஜனாதிபதி சட்டத்தரணி அலி சப்ரி சில தினங்களுக்கு முன்னர் ஊடக சந்திப்பொன்றில் கூறிய கருத்து தொடர்பில் கேட்ட போதே தேர்தல்கள் ஆணைக்குழுவின் தலைவர் இதனைத் தெரிவித்தார்.

கடந்த ஆகஸ்ட் மாதத்தில் கோத்தாபய ராஜபக்ஷ, சட்டத்தரணி அலி சப்ரி மற்றும் மற்றொரு சட்டத்தரணியும் தேர்தல்கள் ஆணைக்குழுவிற்கு வருகை தந்திருந்ததாகவும், அதன் போது குடியுரிமை தொடர்பில் கோத்தாபய ராஜபக்ஷ கூறியதாகவும், அவர் ஒரு பேப்பரைக் காட்டிய போதிலும் அதனை ஏற்றுக் கொள்வது அல்லது பெற்றுக் கொள்வதை ஆணைக்குழுவினால் மேற்கொள்ளப்படவில்லை என்றும், அந்தப் பேப்பர் தொடர்பில் ஆர்வத்தைக் காட்டவில்லை என்றும் தேர்தல்கள் ஆணைக்குழுவின் தலைவர் இதன் போது கூறினார்.

Comment (0) Hits: 61

இன்றிலும் மோசமான நாளையிலிருந்து எம்மைக் காத்துக் கொள்ளல்!

ஜனவரி 9, 2015 காலையில் மனதில் வார்த்தைகளால் வெளிப்படுத்த முடியாத ஒரு உணர்வு. ஒரு வித அமைதி. சூழ்ந்திருந்த இருள் மேகங்கள் ஒரேயிரவோடு விலகியது போன்ற தோற்றம்.

மூன்றாம் முறையும் ஜனாதிபதியாகிவிட வேண்டும் என்று போட்டியிட்ட மகிந்த ராஜபக்ச தோற்கடிக்கப்பட்டிருந்தார். இரவு பூராகவும் நான் வானொலிப் பெட்டியில் தேர்தல் முடிவுகளைக் கேட்டுக் கொண்டிருந்தேன். பாரிய சுமையொன்றை இறக்கி வைத்ததைப் போன்ற நிம்மதியை நான் அன்றை காலை உணர்ந்தேன்.

ஒரு நாடாக நாம் கொடியதோர் தசாப்தத்தைத் தாண்டி விட்டதாக நான் நம்பினேன். சமத்துவமும், சமாதானமும், நியாயயும் நிறைந்த சமூகமொன்றை நாம் கட்டியெழுப்புவோம். கடந்த ஆட்சியில் பொதுமக்கள், ஊடகவியலாளர், முரண் சிந்தனை கொண்டோருக்கு எதிராகக் குற்றமிழைத்தவர்கள் கூண்டில் நிறுத்தப்படுவார்கள். ஊழலும், மோசடியும் முடிவுறும் என்றெல்லாம் நம்பினேன். ஆசைப்பட்டேன். சிறுபான்மையினரின் உரிமைப் பிரச்சினைகளைத் தீர்க்கக் கூடிய புதிய அரசியலமைப்பொன்றை உருவாக்குவோம் என்றும் உறுதி கொண்டிருந்தேன்.

ஐந்தாண்டுகள் கடந்தோடியாயிற்று. மீண்டும் ஒரு ஜனாதிபதித் தேர்தலை நாம் சந்திக்கின்றோம். நாம் சாதிக்க நினைத்த பலவற்றை நாம் சாதிக்கவில்லை. அதிலும் கொடுமைஇ நாம் ஜனநாயகத்திற்கென்றும், சிறுபான்மை உரிமைக்கென்றும் வென்றெடுத்தவற்றையும், எமக்குக் கடைசி ஐந்தாண்டுகளாக இருந்த ஜனநாயக இடைவெளியையும் ஒன்றாகத் தொலைத்து விடக் கூடிய பாரிய ஆபத்தொன்றின் விளிம்பில் நாம் நிற்கின்றோம். இதனால் எமக்கிடையே இந்த நல்லாட்சி அரசின் மீது கடுமையான எதிர் விமர்சனங்கள் தோன்றியிருக்கின்றன.

இச் சலிப்பும், விசனமும் அரசியலைக் குறித்த எம் நம்பிக்கையில் இருந்து பிறக்கிறது. அரசியலை நாம் முடிவின்றிய சமூக மேம்பாட்டிற்கான   கருவியாகப் பார்ப்பதுண்டு. சரியான அரசியலின் கீழ் இன்றைப் பார்க்கிலும் மேம்பட்ட நாளையை உருவாக்கிவிட முடியும் என்பது எம் நம்பிக்கை.

கடந்த ஐந்து வருடங்களில் நான் கற்ற பாடம் அரசியலைக் குறித்த எம் இந்த விளக்கம் பிழையானது என்பதே.
உதாரணமாக, சோவியத் யூனியனின் வீழ்ச்சியின் பின்னர் உலகளாவிய ரீதியில் ஜனநாயக நாடுகளைத் தோற்றுவிப்பதற்கும், திறந்த பொருளாதார முறையை பரவலாக்குவதற்கும் தீவிர முயற்சி எடுக்கப்பட்டது. இருபத்தைந்து ஆண்டுகளுக்குப் பின்பு இன்று தீவிர இனவாத வலதுசாரிப் போக்குடையஇ மூடிய பொருளாதாரக் கொள்கையைக் கொண்ட, சர்வாதிகார ஆட்சிகள் உலகெங்கும் தலை தூக்கத் தொடங்கியிருக்கிறன. 1970-களில் தமிழ பேசும் மக்களாகிய நாம் எமது இருப்பும், உரிமைகளும் மீறப்படுகிறது என்ற அறச் சீற்றத்தின் விளைவாக, அன்றிருந்த நிலையிலும் பார்க்க மேம்பட்ட எதிர்காலமொன்றை எமக்கென உருவாக்கிக் கொள்ள, ஆயுதம் ஏந்திப் போராடினோம். ஆனால், கவலைக்கிடமாக 2006-2009 வரையான காலப் பகுதியில் நாம் எப்போதும் சந்திக்காத இன்னல்களைச் சந்தித்தோம். கொத்துக் கொத்தாய் உயிர்களை இழந்தோம். நாம் முன்னிருந்த நிலையிலும் மோசமான நிலையில் இருப்பதாக நாம் இப்போது எமக்குள்ளே சொல்லிக் கொள்வதுண்டு. சிங்களவர்கள் எல்லோரும் 2009 ஆம் ஆண்டோடு இலங்கை மண்ணில் தீவிரவாதம் ஒழிக்கப்பட்டு விட்டதாய் நினைத்துக் கொண்டிருந்தார்கள். ஆனால் இந்த வருடம் ஏப்ரல் மாதம் தீவிரவாதிகள் 300 உயிர்களைக் காவு கொண்டார்கள்.

ஆக, இன்றிலும் பார்க்க மோசமான நாளையொன்று உருவாகலாம். இதுவே நிதர்சனம். அரசியல் என்பது முடிவின்றிய, நேர்கோட்டுச் சமூக மாற்றத்திற்கான கருவியல்ல. மாறாக, அரசியல் மீண்டும் மீண்டும், மீள் சுழற்சி முறையில் அரங்கேறும் கொடூரங்களையும், தீயனவையும் எதிர்க்கும் ஆயுதமாகும்.

அரசியலை நாம் இந்த விளக்கத்தின் அடிப்படையில் நின்று நோக்கும் போது, அது நாம் அடைந்திருக்கும் முற்போக்கான மாற்றங்களை தீவிரமாகக் கண் விழித்துக் காக்கவென முன்னெச்சரிக்கிறது. நாம் அசட்டையாகத் தூங்கிவிட்டால் இன்றிருக்கும் எம் சிறு சுதந்திரங்கள், சந்தோஷங்கள் கூட எம்மிடமிருந்து பிடுங்கியெடுக்கப்படலாம். மேலும், அரசியலை நாம் மேற்சொன்னவாறு நோக்கும் போது, இத் தேர்தலில் 'தீயது குறைந்த பிசாசுகளில்' ஒன்றைத் தெரிய வேண்டிய இக் கட்டான நிலையைக் குறித்து நாம் அதிகம் விசனப்பட்டுக் கொள்ள மாட்டோம்.  இப்படிப்பட்ட தெரிவுகள் எம்முன் இருப்பதில் அதிசயம் எதுவுமில்லை.

இருந்தாலும், கடந்த ஜனாதிபதித் தேர்தலில் மைத்திரிபால சிறிசேனவிற்கு வாக்களித்தவர்களில் பலருக்கு இந்த அரசின் மீது கடும் விசனமிருப்பது விளங்கிக்கொள்ளக் கூடியதே. முஸ்லிம் மக்களில் பலருக்கு அம்பாறை, திகனஇ மினுவாங்கொடை போன்ற இடங்களில் முஸ்லிம்களுக்கு எதிராகத் கட்டவிழ்க்கப்பட்ட வன்முறைகளை இந்த அரசாங்கம் சரியாகத் தடுக்கவில்லை என்ற தீவிர ஆதங்கம் இருக்கிறது. தமிழரிடம், இந்த அரசாங்கம் புதிய அரசியலமைப்பு உருவாக்கம், அரசியல் கைதிகள் விடுவிப்புப் போன்ற விடயங்களில் காட்டிய அசமந்தப்போக்கின் மேல் குறையிருக்கின்றது. இதனால், இம் முறை எம்மில் சிலர் ஜேவிபியின் அனுரகுமாரவிற்கும், ஹிஸ்புல்லாவிற்கும், சிவாஜிலிங்கத்திற்கு வாக்களிப்பதாகவும்; சிலர் வாக்களிக்காமல் புறக்கணிப்புச் செய்து மைத்திரி-ரணில் அரசிற்கு எதிர்ப்பைக் காட்டி விட வேண்டும் என்றும் கங்கணம் கட்டிக் கொண்டிருக்கிறோம்.

இம் மாதிரியான முடிவுகள் சிறுபான்மைகள் செய்து கொள்ளும் கூட்டுத் தற்கொலையாகவே முடியும்.
முதலாவதாக, எமக்கு முன்னிருக்கும் தெரிவின் தாற்பரியத்தைப் புரிந்து கொள்ள வேண்டும். அது குறைபாடுள்ள ஜனநாயகத்திற்கும், கர்ணாககொடூரமான கொடுங்கோன்மைக்கும் இடையிலான தெரிவு. ஓரளவில் நடமுறையிலிருக்கும் பிரஜாவுரிமைக்கும், அடிமைத்தனத்துக்கும் இடையிலான தெரிவு. கோத்தாபாய ராஜபக்ச ஒழுக்கபூர்வமான சமூகத்தைக் கட்டியெழுப்பப் போவதாகச் சொல்கிறார். எந்தவொரு பொது விவாவத்திலும் ஈடுபட அவர் தயாராக இல்லை. சுயாதீனமான பத்திரிகையாளர்களை எதிர்கொள்வதை அவர் தவிர்த்திருக்கிறார். முற்றிலும் மோசமான வரலாற்றைக் கொண்ட இராணுவ அதிகாரிகளால் அவர் சூழப்பட்டிருக்கிறார். தேசிய பாதுகாப்பை முற்றாக மையப்படுத்தியே அவரது பிரச்சாரம் முன்னெடுக்கப்படுகிறது. தமிழரை முஸ்லிம்களிடமிருந்து காப்பதாகவும்; முஸ்லிம்கள் தனக்கு வாக்களிக்கும் அவர்களை பட்சத்தில் சிங்களக் கும்பல்களிடமிருந்து காப்பதாகவும்; கிறிஸ்தவர்களை இஸ்லாமிய தீவிரவாதிகளிடமிருந்து காப்பதாகவும் அவரும் அவருடன் சேர்ந்துள்ள தமிழ் முஸ்லிம் தீவிரவாத அரசியல்வாதிகளும் மாற்றிமாற்றிச் சொல்லிவருகின்றனர். சிங்களர் மத்தியிலோ அனைத்து சிறுபான்மை இனங்களது வால்களையும் ஒட்ட நறுக்கிஇ அவர்களுக்குரிய மூலையோரத்தில் இருத்தப்போவதாக கோத்தபாய நேரடியாகவும், மறைமுகமாகவும் பிரச்சாரம் செய்துவருகிறார்.
கிழக்கில் வியாழேந்திரன்இ பிள்ளையான்இ கருணா முதலானோர் தீவிர முஸ்லிம் எதிர்ப்புப் பிரச்சாரத்தை முன்னெடுக்கிறார்கள். இரண்டு நாளுக்கு முன்னர் நான் காத்தான்குடி நகரூடாகப் பயணித்தேன். கோத்தபாயவை ஆதரிக்கும் முஸ்லிம்கள் தமிழ்ப் புலிகளை அழித்த ராஜபக்சக்களே, தமிழரையும் அடக்க வல்லவர்கள் என்ற வண்ணமாக ஒலி வாங்கியில் அலறிக் கொண்டிருந்தார்கள். பொலன்னறுவையில் நேற்று நடந்த கோத்தபாயவின் பிரச்சாரக் கூட்டமொன்றிலோ இதே போக்கில் போனால் 2028 இல் இலங்கை முஸ்லிம் நாடாக மாறிவிடும்இ அதைத் தடுக்க கோத்தபாயவே நாடாள வேண்டுமென்ற கருத்தை ரொஷான் ரணசிங்க என்ற மொட்டுக் கட்சியின் பாராளுமன்ற உறுப்பினரது செயலாளர் முன்வைத்திருக்கிறார். 

இவையெல்லாம் வரவிருக்கும் கலிகாலத்தைச் சுட்டும் தீர்க்கதரிசனங்கள். கோத்தாபாயவின் முந்தைய வரலாறு இக் கலிகாலம் மீது எமக்கிருக்கும் அனைத்து விதப் பயங்களையும் உறுதிப்படுத்துகிறது. மகிந்த ராஜபக்சவிற்காவது பொது மக்களுக்குள் தான் ஒரு ஹீரோவாகத் தெரிய வேண்டுமென்ற நப்பாசை இருந்தது. முன்பொரு காலத்தில் மனித உரிமைகளுக்காகக் குரல் கொடுத்த வரலாறு இருக்கிறது. கோத்தபாயவிற்கு இப்படி எதுவுமில்லை. இராணுவச் சிந்தனையே அவரிடம் நிறைந்திருக்கிறது.
முன்னோடி அரசியல் ஆய்வாளர் திஸ்ஸராணி குணசேகர இப்படி எழுதுகிறார்.

'ரத்துபஸ்வலவில் 2013 இல் கோட்டா அரங்கேற்றிய மாபாதகச் செயல்இ நவம்பர் 16 இன் பின்னான நமது எதிர்காலத்திற்கு ஒரு முன்னோட்டமாகும். ஒரு தொழிற்சாலை சுற்றுச்சூழல் சட்டங்களை புறக்கணித்து நிலத்தடி நீரை விஷமாக்கியது. மக்கள் சுத்தமான குடிநீரைக் கோரி ஆர்ப்பாட்டம் நடத்தினர். அவர்கள் அரசாங்கத்திற்கு எதிராக எதிர்ப்பு எதனையும் தெரிவிக்கவில்லை. தண்ணீரே அவர்களின் கவலை; அரசியல் அல்ல. ஆனால், இந்தத் தொழிற்சாலை ராஜபக்‌ஷ அடிவருடிகளுக்குச் சொந்தமானது. இதனால்இ ராஜபக்‌ஷ சகோதரர்கள் இந்தப் போராட்டத்தை ஒரு அரசியல் அச்சுறுத்தலாகக் கருதினர். ஒரு பிரிகேடியர் தலைமையில் பேராயுதங்களை ஏந்திய இராணுவம் அனுப்பப்பட்டது. குடிநீர் கேட்டு ஆர்ப்பாட்டம் செய்த மூன்று பேர் சுட்டுப்பொசுக்கப்பட்டனர். இன்னும் பலர் காயப்படுத்தப்பட்டனர்.'

சிங்களவருக்கே இந்த நிலையென்றால் சிறுபான்மையினர் எமக்கு? 
அண்மைக் காலத்தில் முஸ்லிம்களுக்கு எதிராக கட்டவிழ்க்கப்பட்ட வன்முறைகளின் சூத்திரதாரிகள் பலரும் கோத்தாபாயவின் பக்கம் படையெடுத்து  நிற்கின்றார்கள்.

கடந்த வருடம் மகிந்த தரப்பால் நிகழ்த்தப்பட்ட ஆட்சிக் கவிழ்ப்புக் காலத்தில்இ நாமல் குமார என்பவர் சிறிசேனவையும்இ கோத்தபாயவையும் கொலை செய்வதற்கு சதி முயற்சி நடப்பதாக ஊடகங்களுக்கு சொல்லித்திரிந்தார். நாமல் குமார விரல் காட்டிய பொலிஸ் பெரியவரை சிறை வைத்தார்கள். குற்றஞ்சாட்டப்பட்ட பொலிஸ் பெரியவர் உயிர்த்த ஞாயிறு தாக்குதலின் பிரதான சூத்திரதாரி தொடர்பிலான விசாரணைகளை பொறுப்பேற்று நடத்திவந்தவர். இவ் வருடம் உயிர்த்த ஞாயிறன்று குண்டுகள் வெடித்தன. குண்டு வெடிப்பின் மறுதினமே கோத்தபாய நாட்டைப் பாதுகாக்க தான் ஜனாதிபதி தேர்தலில் போட்டியிடப் போவதாக அறிவித்தார். குண்டு வெடிப்பை தொடர்ந்து முஸ்லிம்கள் இலக்குவைக்கப்பட்டு தாக்கப்பட்டார்கள். குருணாகல் பகுதியில் இந்த தாக்குதலில் தொடர்புபட்ட சிலரை பொலிஸ் கைது செய்திருந்த போது சுதந்திர கட்சி செயலாளர் தயாசிறி அவர்களை விடுவித்து தனது வாகனத்தில் ஏற்றிக்கொண்டு போனார். தயாசிறியோடு இந்த நாமல் குமாரவும் அந்த கலவர களத்தில் இருந்தார்.' (முஜீப் இப்ராஹிமின் பத்தியிலிருந்து) நாமல் குமார தாற்காலிகமாகச் சிறையில் இருக்கிறார். தயாசிறி இப்போது யாரோடு இருக்கிறார்? சிந்திப்பவர்களுக்கு இங்கு பல உண்மைகள் புரியும். ஏன் குண்டை மாட்டிக்கொண்டு வெடித்துச் சிதறிய சகரான் கூட முன்பொரு காலத்தில்  பாதுகாப்பு அமைச்சின் கணக்கில் சம்பளம் பெற்றவர் தான். இதை மகிந்த ராஜபக்சவே ஒப்புக் கொண்டிருந்தார்.


திகண, மினுவாங்கொட பிரதேசங்களில் முஸ்லிம்களின் மேல் வன்முறை புரிந்த டான் பிரியசாத் என்ற நபர் மொட்டுக் கட்சியின் கொலன்னாவை அலுவலகத்தில் நிற்பதை பத்திரிகையாளர் பிரசாத் வெலிகும்பர நேற்றுப் படம் பிடித்து அம்பலப்படுத்தியிருந்தார். 'சிங்களப்பகுதிகளில் 10 வீடுகளுக்கு ஒரு பொக்கற் மீட்டிங் நடக்கிறது. அதில் சஜித் ஆட்சிக்கு வந்தால் 'தம்பிலா' நம்மை ஆளவந்து விடுவான் என்ற பிரச்சாரமே முன்கொண்டு செல்லப்படுகிறது. மதுமாதவ அரவிந்தஇ டான் பிரசாத் போன்ற இனவெறுப்பு தீவிரவாதிகள் அதனை முன்கொண்டு செல்கின்றனர்.' (முஜீப் இப்ராஹிமின் பத்தியிலிருந்து)

மறுபக்கம் கோத்தாபாயவின் வழக்கறிஞர் அலி சப்ரி முஸ்லிம்கள் மொட்டுக்கு வாக்களிக்காவிடில் 'அம்பாணைக்குக் கிடைக்கும்' என்கிறார். கண்டியில் முஸ்லிம்கள் தமது 25 வீத வாக்கை கோத்தபாயவிற்கு வழங்கும் பட்சத்தில் சிங்களக் கும்ப்பல்களிடமிருந்து முஸ்லிம்களைப் பாதுகாப்பதாக மகிந்தானந்த அளுத்கமகே சத்தியம் செய்து கொடுக்கிறார். யார், யாரை ஆட்டி வைத்துக் கொண்டிருக்கிறார்கள் என்பதை அலி சப்ரியை விட அழகாக யாரும் விளங்கப்படுத்த முடியாது. மொட்டுக்கு வாக்களிப்பதால் தம்மைப் பாதுகாத்துக் கொள்ள முடியும் என்று எண்ணும் பேடித் தமிழரும், முஸ்லிம்களும் எமக்குள் இல்லாமல் இல்லை. தமிழரிடமிருந்து முஸ்லிம்களை கோத்தாவை ஆதரித்துக் காக்க முயல்வோருக்கும்; முஸ்லிம்களிடமிருந்து தமிழரைக் காக்க கோத்தாவை ஆதரிக்குமாறு கூக்குரலிடுபவர்களுக்கும் ஒரே பதில் தான். இரண்டு கூட்டத்திற்கும் 'அம்பாணைக்குக் கொடுக்க' டான் பிரசாத்தும், மதுமாதவ அரவிந்தவும், நாமல் குமாரவும் காத்திருக்கிறார்கள் கோத்தபாய வென்றதும்.

ரணில்-மைத்திரி அரசாங்கத்தின் மேல் பல அதிருப்திகள் இருந்தாலும், அரச ஆதரவின் கீழ் சிறுபான்மையினரது நிலங்களை சிங்களவர்களை வைத்து ஆக்கிரமிக்கும் தீய செயல் நடக்கவில்லை.  ஆனால், கோத்தபாயவின் ஆட்சியில் சிறுபான்மை நிலங்களுக்குப் பாரிய ஆபத்து வருகிறது. 2012 இல் ராஜபக்ச அரசாங்கம் புனிதப் பிரதேசங்கள் சட்டத்தை இயற்றியது. இச் சட்டத்தின் கீழ் மாநகராட்சிப் பகுதி, நகர்ப்புற அபிவிருத்திப் பகுதி அல்லது எந்தவொரு பிரதான சாலை மேம்பாட்டுப் பகுதியிலும் உள்ள தனியார் நிலங்களில் வன வளக் காப்பு, இயற்கை வளக் காப்புஇ அல்லது வரலாற்று பூர்வமான நிலம் என்று அடையாளப்படுத்தப்பட்டிருக்கும் அத்தனை நிலங்களையும் கையகப்படுத்திக் கொள்ளும் அதிகாரத்தை புத்த சாசன அமைச்சுக்குக் கொடுத்தது. மேலும், இச் சட்டத்தின் ஐந்தாம் சரத்தில் எந்தவொரு நிலத்தையும் புனிதப் பிரதேசமாக அடையாளப்படுத்திய பின் கையகப்படுத்திக் கொள்ளும் அதிகாரமும் இணைக்கப்பட்டிருந்தது. இந்தச் சட்டத்தின் கீழ் உங்கள் நிலத்தையும்இ என் நிலத்தையும் ஏதோவொரு அடிப்படையில் புனித நிலம் என்று பொய் லேபல் குத்திவிட்டு புத்த சாசன அமைச்சு சுவீகரித்துக் கொள்ளலாம். இச் சட்டத்தை தடுத்து நிறுத்திய பிரதம நீதியரசர் சிராணி பண்டாரநாயக்காவிற்கு என்ன நடந்தது என்பதையும் நாம் அறிவோம்.

ஏற்கனவே கோத்தாபாய ஆட்சியேறிய கையோடு இராணுவக் கைதிகள் பலரையும், தனக்கு நெருக்கமான கொடும் குற்றவாளிகளையும் விடுவிப்பதாக பல முறை வாக்குக் கொடுத்துவிட்டார். இதில் கோத்தபாய பாதுகாப்பு செயலராக இருந்த காலத்தில் 11 தமிழ் இளைஞரைக் கடத்தி வைத்துவிட்டு, அவர்களது பெற்றோரிடம் அதை வைத்துப் பணத்தைப் பிடுங்கி விட்டு, இறுதியில் அந்த இளைஞரைக் கொன்றும் போட்ட கடற்படை வீரர்களும் அடங்குவர். துமிந்த சில்வாவும் அடங்குவார். பிள்ளையானும் அடங்குவார். இவர்கள் எல்லாம் வெளியே வந்தால் பழையபடி ஆயுத ஒட்டுக் குழுக்களது வன்முறை தமிழ் முஸ்லிம் பிரதேசங்களில் தலைவிரித்தாடும். நேற்றும் வாகரையில் சஜித் ஆதரவாளரது வீட்டின் மீது பிள்ளையான் குழுவைச் சார்ந்தவர்கள் பெற்றோல் குண்டுத் தாக்குதலை நடத்தி இருக்கிறார்கள். வடக்கில் ஐந்து வருடமாக அடங்கியிருந்த டக்ளஸ் தேவானந்தா தன் அடவாடித்தனங்களை மீண்டும் கட்டவிழ்க்கக் காத்திருக்கிறார். வெள்ளை வான்இ வாள் வீச்சு, கிறீஸ் பூதம் என நாடு வெகு சொற்ப காலத்தில் ரணகளம் கட்டும்.

இறுதியாக, கோத்தபாய ஆட்சிக்கு வந்தால் அடுத்த முறை நீதியான, வன்முறையின்றிய தேர்தலொன்று நிகழுமா என்பது பாரிய கேள்விக் குறியே. 2015 இல் மகிந்த ராஜபக்ச ஜனாதிபதித் தேர்தலில் தோற்பார் என்பதை அவரோ, குடும்பத்தினரோ எதிர்பார்க்கவில்லை. 18 ஆம் திருத்தச் சட்டத்தை நிறைவேற்றி, இரு தவணை ஜனாதிபதியாக இருந்தவர் மீண்டும் தேர்தலில் நிற்க முடியாதென்றிருந்த வரையறையை நீக்கியதன் காரணமே தாம் வாழ் நாள்பூராக ஆட்சி செலுத்துவதை நோக்காகக் கொண்டே. இப்போது அவர்களுக்கு ஓரளவுக்கு நீதியான தேர்தலொன்றில் தாம் தோற்கடிக்கப்பட முடியும் என்ற விளக்கமிருக்கிறது. இதனால் அவர்கள் மீண்டுமொருமுறை 'ஓரளவிற்கு நீதியான தேர்தலை' நடத்தும் தவறை ஒரு போதும்  செய்யப் போவதில்லை.

இவை அனைத்தையும் வைத்து சிந்திக்கும் போது, இக் கலிகாலத்தைத் தடுப்பதே தற்போது எம் முன்னிருக்கும் 

பிரதானமான பணியென்பது தெளிவு. வாக்களிக்காமல் இருப்பது, மூன்றாம் அணிக்கு வாக்களிப்பது எல்லாமே இந்தக் கலிகாலத்தை கரம் கூப்பி வரவேற்பதற்குச் சமன். எம்மிலிருக்கும் சில சுயநலவாதிகள் - ஹிஸ்புல்லா, சிவாஜிலிங்கம், பொன்னம்பலம் போன்றோர் - எம்மை விற்று வாழ்க்கை நடத்தப் பார்க்கிறார்கள். சாய்ந்தமருது போன்ற இடங்களில் ஒரு சிலர் அம் மக்களது உண்மையான பிரச்சினைகளை வைத்துக் கொண்டு கலிகாலத்திற்கு உயிர் கொடுக்க நினைக்கிறார்கள். சாய்ந்தமருது நண்பர்களே, பிரதேச சபை வந்தால் மட்டும் போதுமா? மற்றைய இடங்களில் முஸ்லிம்கள் பிரேதமாவது எமக்குப் பொருட்டில்லையா? குறுக்கு வழியில் பெறுவது எதுவும் நிலைக்காது. எப்படித் தருகிறார்களோ, அப்படியே பிடுங்குவார்கள். இதைக் கவனமாக நினைவில் கொள்வோம்.

தவறிழைத்தால் வரவிருக்கும் கலிகாலத்தைத் தடுக்க, கோத்தபாய ராஜபக்சவிற்கு வாக்களிக்காது விட்டால் மாத்திரம் போதாது. நவம்பர் 16 அன்று நாம் அவருக்கு எதிராகஇ அவரைத் தோற்கடிக்கவெனஇ அர்த்த பூர்வமாக, வாக்களிக்க வேண்டும். தமிழரும், முஸ்லிம்களும் சஜித் பிரேமதாசாவுடனும், முற்போக்கான சிங்களவரோடும் ஒன்றாக முன்னோக்கிச் செல்ல வேண்டும்.

மூல ஆக்கம்: திஸ்ஸராணி குணசேகர 
தமிழாக்கம்: எலிஜா கூல்

Comment (0) Hits: 48

கொலைக் குற்றவாளி பொதுமன்னிப்பு; சட்டமாதிபர், நீதியமைச்சின் பரிந்துரைகள் பெறப்பட்டதா? - சாலிய பீரிஸ்!

ரோயல் பார்க் கொலைக் குற்றவாளிக்குப் பொதுமன்னிப்பு வழங்கும் போது, அவரால் மிகவும் குறைந்த வயதிலேயே கொல்லப்பட்ட பெண்ணின் குடும்பத்தினர் தொடர்பில் எவ்விதத்திலும் கவனம் செலுத்தப்படவில்லை. அத்தோடு இப்பொதுமன்னிப்பு தொடர்பில் சட்டமாதிபர் திணைக்களம் மற்றும் நீதியமைச்சு ஆகியவற்றின் பரிந்துரைகள் பெறப்பட்டிருப்பதாகத் தெரியவில்லை என்று காணாமல்போனோர் பற்றிய அலுவலகத்தின் தவிசாளர் ஜனாதிபதி சட்டத்தரணி சாலிய பீரிஸ் சுட்டிக்காட்டியிருக்கிறார்.

ரோயல் பார்க் கொலைக் குற்றவாளி ஜனாதிபதி மைத்திரிபால சிறிசேனவினால் பொதுமன்னிப்பு அளிக்கப்பட்டு விடுதலை செய்யப்பட்டமைக்கு சாலிய பீரிஸ் ஏற்கனவே கண்டனம் வெளியிட்டிருந்தார்.

இந்நிலையில் அப்பொதுமன்னிப்பிற்கான நியாயப்பாடுகள் தொடர்பில் ஜனாதிபதி செயலகத்தினால் வெளியிடப்பட்டி அறிக்கையை சுட்டிக்காட்டி, அவருடைய பேஸ்புக் பக்கத்தில் பதிவொன்றைச் செய்திருக்கின்றார்.

அதில் அவர் மேலும் கூறியிருப்பதாவது:

ரோயல் பார்க் குற்றவாளிக்கு பொதுமன்னிப்பு வழங்கப்பட்டமை தொடர்பில் ஜனாதிபதி செயலகத்தினால் அறிக்கையொன்று வெளியிடப்பட்டிருக்கின்றது. இக்கொலைக்குற்றவாளிக்கு வழங்கப்பட்ட மரணதண்டனையானது நீதியமைச்சின் கீழ் ஓய்வுபெற்ற நீதியரசர்கள் மூவர் மற்றும் வல்லுனர்கள் அடங்கிய குழுவின் பரிந்துரைகளின் பிரகாரம் ஏற்கனவே ஆயுள்தண்டனையாகக் குறைக்கப்பட்டுவிட்டது என்று அவ்வறிக்கையில் குறிப்பிடப்பட்டிருக்கிறது.

அதேபோன்று பாராளுமன்ற உறுப்பினரான அத்துரலியே ரத்ன தேரரின் தலையீட்டின் ஊடாக ஜனாதிபதிக்கும், குற்றவாளியின் குடும்ப உறுப்பினர்களுக்கும் இடையிலான சந்திப்பொன்று ஏற்பாடு செய்யப்பட்டிதாகவும் அதில் கூறப்பட்டுள்ளது.

இவ்விடுதலை குறித்து பல்வேறு மத அமைப்புக்களின் உறுப்பினர்கள் மற்றும் சட்டத்தரணிகள் சங்க உறுப்பினர்களாலும் வேண்டுகோள் விடுக்கப்பட்டது. அதேவேளை ஓய்வுபெற்ற உயர்நீதிமன்ற நீதியரசர் ரோஹிணி மாரசிங்கவினால் இதுதொடர்பில் பல்வேறு விடயங்களை சுட்டிக்காட்டி ஜனாதிபதிக்குக் கடிதமொன்று அனுப்பிவைக்கப்பட்டது என்று ஜனாதிபதி செயலக அறிக்கை சுட்டிக்காட்டுகிறது.

மேலும் கொலை இடம்பெற்ற போது குற்றவாளியின் இளம்வயது (19), சிறையில் அவர் பெற்றுக்கொண்ட புனர்வாழ்வு மற்றும் சிறையிலிருந்த காலத்தில் கல்வித்துறையில் அடைந்துகொண்ட சாதனைகள் ஆகியவற்றைக் கருத்திற்கொண்டு குற்றவாளிக்கு ஜனாதிபதி பொதுமன்னிப்பு வழங்கியிருப்பதாகவும், அத்தோடு ரோயல் பார்க் கொலையானது மிகுந்த ஆத்திரத்தின் விளைவாக இடம்பெற்றது என்றும் குறித்த அறிக்கையில் கூறப்பட்டுள்ளது. கருணை மற்றும் இரக்கத்தின் பெறுமதியே இங்கு கருத்தில் கொள்ளப்பட்டிருப்பதாக அறிக்கை சுட்டிக்காட்டியிருக்கிறது.

இவற்றிலிருந்து பின்வரும் விடயங்கள் தெளிவாகின்றன:

குற்றவாளிக்குப் பொதுமன்னிப்பு வழங்கும் போது, அவரால் மிகவும் குறைந்த வயதிலேயே கொல்லப்பட்ட பெண்ணின் குடும்பத்தினர் தொடர்பில் எவ்விதத்திலும் கவனம் செலுத்தப்படவில்லை.

அதேபோன்று எவ்வாறு கொலை நடந்திருக்கின்றது என்பதும் குற்றவாளியை விடுதலை செய்யும் போது கருத்திற்கொள்ளப்படவில்லை. ஏனெனில் இக்கொலையானது சடுதியாக ஏற்பட்ட கடும் ஆத்திரத்தினால் இடம்பெற்றது என்பதை மேன்முறையீட்டு நீதிமன்றம் நிராகரித்திருக்கிறது. அதுமாத்திரமன்றி கொலையானது மிகவும் கொடூரமானதும், இயல்பிற்கு முரணானதுமான வகையில் இடம்பெற்றிருப்பதாகவும் நீதிமன்றம் குறிப்பிட்டிருந்தது.

மேலும் குற்றவாளி குறைந்த வயதினராக இருக்கின்றார் என்ற கோணத்தில் இவ்விடயத்தை அணுகமுடியாது. ஏனெனில் குறைந்த வயதில் மேலும் பல கைதிகள் மரணதண்டனை விதிக்கப்பட்டு சிறைகளில் அடைக்கப்பட்டிருக்கிறார்கள். அதேபோன்று மேலும் சில மரணதண்டனைக் கைதிகள் வயது முதிர்ந்தவர்களாக உள்ள அதேவேளை, அவர்கள் வெகுவாக நோய்வாய்ப்பட்டவர்களாகவும் ஊனமுற்றவர்களாகவும் இருக்கின்றார்கள்.

அடுத்ததாக ஏனைய குற்றவாளிகளின் குடும்ப உறுப்பினர்கள் அதிகாரத்தில் உள்ளவர்களைச் சந்திப்பதற்கான வாய்ப்பு வழங்கப்படவில்லை. அவ்வாறு வழங்கப்பட்டிருக்குமானால் அவர்களும் தமது கதைகள் மற்றும் நியாயப்பாடுகளைக் கூறியிருப்பார்கள். அவர்களும் பல்வேறு மத வழிபாட்டுத் தலங்களிலிருந்து பரிந்துரைகளைப் பெற்று வந்திருப்பார்கள்.

இப்பொதுமன்னிப்பு தொடர்பில் சட்டமாதிபர் திணைக்களம் மற்றும் நீதியமைச்சு ஆகியவற்றின் பரிந்துரைகள் பெறப்பட்டிருப்பதாகத் தெரியவில்லை. எனவே குறிப்பாக இது குற்றவாளிக்கான தண்டனைக் குறைப்பல்ல. மாறாக முழுமையான விடுதலையாகவே கருதப்பட வேண்டியிருக்கிறது.

Comment (0) Hits: 64

'தேர்தல் சட்டங்களை மீறுபவர்களுக்கு கடுமையான தண்டனை' - ருவான் குணசேகர!

ஜனாதிபதித் தேர்தலுக்கான பிரசார நடவடிக்கைகள் யாவும் நேற்று நள்ளிரவு 12 மணியுடன் நிறைவடைந்துள்ள நிலையில், இந்த மௌன காலத்தில், தேர்தல் சட்டங்களை மீறி செயற்படுபவர்கள், காணொளியின் ஊடாக இனங்காணப்பட்டு, கைதுசெய்யப்படுவார்கள் என பொலிஸ் ஊடகப்பேச்சாளரும் சிரேஷ்ட பொலிஸ் அத்தியட்சகருமான ருவான் குணசேகர தெரிவித்துள்ளார்.

பொலிஸ் தலைமையகத்தில் இடம்பெற்ற ஊடகவியலாளர் சந்திப்பின்போதே அவர் இவ்வாறு குறிப்பிட்டுள்ளார். மேலும் அவர்,

மௌன காலத்தில் வேட்பாளர்களை மேம்படுத்தும் வகையிலான பிரசாரங்களை முன்னெடுக்க முடியாது. பேரணிகள், வீடுகளுக்குச் சென்று பிரசார நடவடிக்கைகளை மேற்கொள்ள முடியாது. அத்துடன், சமூக வலைத்தளங்கள் கண்காணிக்கப்பட்டு பாரதூரமான விடயங்கள் அவதானிக்கப்பட்டால் உடனடியாக நடவடிக்கை எடுக்கப்படும் என்றும் அவர் குறிப்பிட்டுள்ளார்.

பொதுமக்கள், எந்தவித அழுத்தங்களுமின்றி சுதந்திரமான தீர்மானத்தை மேற்கொண்டு வாக்களிப்பதற்கும், தேர்தலை அண்மித்த நாட்களில் நாட்டின் அமைதியைப் பேணுவதற்கும் இந்த மௌனகாலம் அமுல்படுத்தப்படுவதுடன், தேர்தல் பெறுபேறுகள் வெளியாகிய பின்னர், சுமார் ஒரு வாரம் வரையிலும், பிரசாரக் கூட்டங்கள், பேரணிகள் உள்ளிட்டவற்றை முன்னெடுப்பதற்கும் தடை விதிக்கப்பட்டுள்ளது.

இதேவேளை, குறித்த காலத்தில் விதிமுறைகளை மீறி தேர்தல் பிரசாரங்கள், பேரணிகள் உள்ளிட்ட நடவடிக்கைள் முன்னெடுக்கப்படுமாக இருந்தால் கெமராவுடன் தயாராக இருக்கும் பொலிஸார், அதனை காணொளியாக பதிவு செய்வார்கள். அதன் பின்னர் அனைத்து சந்தேக நபர்களும் அடையாளம் காணப்பட்டு, கைதுசெய்யப்படுவார்கள்.

இவ்வாறு விதிமுறைகளை மீறுபவர்களுக்கு சிறைத்தண்டனை பெற்றுக்கொடுக்கவும் முடியும் என்றார்.

இதேவேளை, பொலிஸ் ஆணைக்குழுவின் அனுமதியுடன் பொலிஸ் தலைமையகத்தில் இருந்து 9 மாவட்டங்களுக்கு, 9 பிரதி பொலிஸ் மா அதிபர்கள், தேர்தல் பாதுகாப்பு நடவடிக்கைகளை கண்காணிக்க அனுப்பிவைக்கப்படவுள்ளனர். தேர்தல் பெறுபேறுகள் வெளியாகும் வரை அவர்கள் அங்கு பணிகளை முன்னெடுப்பார்கள்.

வாக்காளர் எண்ணிக்கை, பிரதேசம், வசதிகளைக் கருத்திற்கொண்டு கிளிநொச்சி, மன்னார், பொலன்னறுவை, கேகாலை, மாத்தளை, மொனராகலை, மட்டக்களப்பு, முல்லைத்தீவு, மாத்தறை ஆகிய மாவட்டங்களில் இந்தப் பிரதிப் பொலிஸ் மா அதிபர்கள் கடமையில் ஈடுபடுத்தப்படுவார்கள் என அவர் கூறியுள்ளார்.

Comment (0) Hits: 54

முதலை கண்ணீர் வடிக்கும் கோட்டா அணி!

சமூக வளைத்தளங்களில் அமெரிக்காவுடன் பெரும் போராட்டத்தை தொடுக்கும் மொட்டு ஆதரவாளர்கள் நாட்டின் தலைமைக்கு அமெரிக்க குடியுரிமையுள்ள ஒருவரைக் கேட்பது நகைச்சுவையான விடயமாகும்.

கோட்டாபய ராஜபக்ஷவின் மனைவி, பிள்ளைகள் அமெரிக்கப் பிரஜைகளே. அவர்களுக்கு இங்கு வாக்குரிமையில்லை. சமல் ராஜபக்ஷவின் மகனும், மருமகளும் அமெரிக்கப் பிரஜைகளே. பஷில் ராஜபக்ஷவின் பரம்பரையே அமெரிக்கர்களே. குடியுரிமையை நீக்கிக் கொள்ளும் நபர்களின் 2019ஆம் ஆண்டுக்கான மூன்றாவது காலப்பகுதிப் பெயர்ப்பட்டியலில் கோட்டாபய ராஜபக்ஷவின் பெயர் இல்லை. குடியுரிமையை உறுதிப்படுத்துமாறு கலாநிதி இங்குறுவத்தே சுமங்கல தேரர் உண்ணாவிதரமிருக்கிறார். அது தொடர்பாக அறிவிப்பதற்கு அழைக்கப்பட்ட ஊடக சந்திப்பில் கோட்டாபயவின் சட்டத்தரணிகள் குழுவின் தலைவரான அலி ஷப்ரி கேள்விகளுக்கு மாறுப்பட்ட குதர்க்கமான பதில்களையே கூறுகிறார். அத்தோடு  பதில்கள் தெளிவில்லாமல் இருந்தன.  

தேர்தலொன்று அறிவிக்கப்பட்ட பின்னர் எல்லா சந்தர்ப்பங்களிலும் வெளிவரும் இலங்கையர் அனைவருக்கும் நன்கு பழக்கமான பல தலைப்புகள் உண்டு. அவற்றில் இரகசிய ஒப்பந்தங்களுக்கு முக்கிய இடமுண்டு.

யானை - புலிகள் ஒப்பந்தம் தொடக்கம் சர்வதேச ஒப்பந்தம் வரை இது நீள்கின்றது. இந்நாட்களில் அதிகமாக பேசப்படுவது மில்லேனியம் சலேஞ்ச் கோபரேஷன் ஒப்பந்தம்(MCC) ஆகும். சிலர் மில்லேனியம் சலேஞ்ச் ஒப்பந்தத்தினூடாக இலங்கை அமெரிக்காவின் பொறியில் சிக்கவுள்ளதாக கூறுகின்றார்கள். அமெரிக்கப் பாதுகாப்புப் படையின் அழுத்தம், எல்லைப் பகிர்வு, காணிகளை குறைந்தவிலைக்கு அமெரிக்காவுக்கு விற்பது போன்ற பல குற்றச்சாட்டுகள் அதிலடங்குகின்றன. வேறு சிலர் இது நாட்டிற்கு நன்மையான எவ்வித சிக்கலுமற்ற அனைத்து பிரச்சினைகளுக்கும் தீர்வு என்கின்றார்கள்.  

மக்கள் என்ற நிலைமையிலிருந்து விலகி இரண்டு நாடுகளுக்கிடையே இராஜதந்திர மட்டத்தில் செய்யப்படும் ஒப்பந்தம் என்பதால் எமது இரத்தத்தை உறிஞ்சிக் குடிக்கும் பேய் என்றோ வேண்டியதெல்லாம் கொடுக்கும் கற்பகதரு என்றோ நாம் எண்ணக்கூடாது. எமக்கு கிடைக்கும் நன்மை தீமைகளை ஆராய்ந்து பார்த்து மிகவும் பொருத்தமான முடிவுக்கு வரவேண்டியது புத்திசாலித்தனமாகும். ஜனநாயக நாட்டில் அவ்வாறே நடைபெறவேண்டும். அதற்காக நிறைவேற்றவேண்டிய நிபந்தனைகள் உள்ளன. அது குறிப்பிட்ட ஒப்பந்தத்தை இரகசிய ஒப்பந்தமாக இல்லாமல் நாட்டிற்கு தெரியபடுத்துவதாகும்.  

“மில்லேனியம் செலேன்ச் கோபரேஷன் ஒப்பந்தம்” தற்போது யாருக்கும் இரகசியமானதல்ல. 84பக்கங்களைக் கொண்ட யாரும் இணையத்தளத்தினூடாக பார்க்கக் கூடிய ஒன்றாகவுள்ளது. அது தொடர்பாக விவாதிக்கலாம், குற்றம்சாட்டலாம், யோசனைகளை முன்வைக்கலாம். ஆனால் அது பற்றி அதிகமாக கவலைக்குள்ளாகியுள்ளார்கள் எனக் கூறும் தரப்பினரால் அவர்களது ஆட்சிக்காலத்தில் இவ்வாறான ஒப்பந்தங்களுக்கு கையெழுத்திட்டதும் அவற்றை செயற்படுத்தியதும் வெளிப்படையாகயல்ல என்பதை அனைவருக்கும் இச்சந்தர்ப்பத்தில் ஞாபகப்படுத்த வேண்டும்.  

சோபா மற்றும் எக்ஸா ஒப்பந்தம்!

“மில்லேனியம் சலேஞ்ச் கோபரேஷன் ஒப்பந்தம்” என்பது அமெரிக்க ஐக்கிய இராஜ்ஜியத்துடன் முதற்தடவையாக செய்துகொள்ளப்பட்ட ஒப்பந்தமல்ல. சோபா மற்றும் எக்ஸா இதற்கு முன்னர் கையெழுத்திடப்பட்ட ஒப்பந்தங்கள் ஆகும். அமெரிக்காவால் சோபா ஒப்பந்தம் முதற்தடவையாக பொதுஜன ஐக்கிய முன்னணி ஆட்சியின் கீழ் 1995ம் ஆண்டிலாகும். அதாவது சந்திரிகா குமாரதுங்க ஜனாதிபதியாக இருந்த காலத்திலாகும். அப்போது அமைச்சரவையைப் பிரதிநிதித்துவம் செய்த மஹிந்த ராஜபக்ஷவும் எவ்வித எதிர்ப்புமின்றி கையைத் தூக்கினார். 2005ல் ராஜபக்ஷ முதற்தடவையாக ஜனாதிபதியானவுடனும் இலங்கையின் இறையாண்மைக்கும் பாதுகாப்புக்கும் குந்தகம் விளைவிக்கும் எனக்கூறும் சோபா ஒப்பந்தத்தை இரத்துச் செய்யவோ அல்லது அது பற்றிக் கதைக்கவோ என்னவில்லை. 1995மே மாதம் 16ஆம் திகதி கையெழுத்திடப்பட்ட இந்த ஒப்பந்தம் மூலம் அமெரிக்க இராணுவ வீரர்களுக்கு கடவுச் சீட்டு இல்லாமல் இலங்கைக்கு வரவும், அவர்கள் பயணம்செய்யும் வாகனத்தை பரிசோதிக்க முடியாதெனவும், அவர்களுக்கு சுதந்திரமாக நாட்டில் நடவடிக்கைகளில் ஈடுபடத் தேவையான அனைத்து அதிகாரங்களும் பெற்றுக்கொடுக்கப்பட்டது. இன்றும் அமுலிலுள்ள இவ்வொப்பந்தம் பற்றி இலகுவாகப் புரிந்துகொள்வதென்றால் அமெரிக்க இராணுவ வீரர்கள் வெளிநாடுகளுக்குள் நடவடிக்கைகளில் ஈடுபடக்கூடிய சந்தர்ப்பத்தை அளிக்கும் ஒப்பந்தமாகும்.  

இராணுவ ஊக்குவிப்புக்கு வசதிகள் ஏற்படுத்திக்கொடுக்கும் அதற்கு சமமான ஒப்பந்தமான 2017ஆகஸ்ட் மாதம் புதுப்பிக்கப்பட்ட உள்நுழைதல் மற்றும் மறுசீரமைப்பு சேவைகள் ஒப்பந்தம் எனப்படும் எக்ஸா ஒப்பந்தம். 2007இல் மஹிந்த ராஜபக்ஷ அரசில் முதல் முறையாக கைச்சாத்திட்ட இவ்வொப்பந்தத்துக்கு ஊக்குவிப்பு ஒத்துழைப்பு, வளங்கள், சேவைகள் மற்றும் “முன்னர் காணாத சந்தர்ப்பங்களில்” விமான நிலையங்கள் மற்றும் துறைமுகங்களைப் பாவிப்பதும் உள்ளடக்கப்பட்டிருந்தன. இன்னும் வெளியிடப்படாத 2017இல் மேற்கொள்ளப்பட்ட திருத்தம் மிகவும் விஸ்தீரமானதோடு ஒப்பந்தம் காலவரையறையின்றி அமுலில் உள்ளதென மட்டும் கூற முடியும்.  

மில்லேனிம் சலேஞ்ச் (MCC) என்றால் என்ன?  

மில்லேனியம் செலேஞ்ச் ஒப்பந்தம் மூலமாக மீண்டும் அறவிடப்படாத உதவியாக இலங்கைக்கு 480மில்லியன் அமெரிக்க டொலர் (85பில்லியன் ரூபா) வழங்கப்படவுள்ளது. அந்த நிதி உதவி திட்ட உதவியாக கிடைக்கும்.  

போக்குவரத்துத் திட்டம்!

இதன் கீழ் மத்திய சுற்றுவட்டப் பாதைக்கு உள்ளடங்கும் பிரதேசப் பாதைகளை நவீன மயப்படுத்தல். போக்குவரத்து நெரிசலை முகாமைத்துவம் செய்தல். பொது பஸ் போக்குவரத்து சேவைகளை நவீனமயப்படுத்தல். போக்குவரத்து நெரிசலை கட்டுப்படுத்த போக்குவரத்து முகாமைத்துவ காரியாலயமொன்றை அமைப்பது போன்ற திட்ட யோசனைகள் முன்வைக்கப்பட்டுள்ளன.  

காணித்திட்டம்!

இதன் கீழ் தெரிவு செய்யப்பட்ட 12மாவட்டங்களில் அரசுக்குச் சொந்தமானதும் மற்றும் உரிமையாளர்களுடன் கூடிய காணிகளை அளந்து சரியான காணி உறுதிகள் இல்லாதவர்களுக்கு அதிகாரப் பத்திரம் மூலம் காணி உரிமையை பெற்றுக்கொண்டுள்ளவர்களுக்கு, உரிய காணி உரிமையைப் பெற்றுக்கொடுத்தல், காணி உரிமைகளை டிஜிட்டல் மயப்படுத்தி அறிக்கைகளைத் தயாரிக்கவும் எதிர்பார்க்கப்படுகின்றது.  

ஒப்பந்தத்திலும் இந்த உதவி வழங்கல் தொடர்பாக கவனத்தில் கொள்ளப்படும் பல நிர்ணயங்கள் உள்ளன. அவற்றில் பொருளாதார சுதந்திரம், நியாயமான நிர்வாகம், பொதுமக்களுக்காக செய்யப்படும் முதலீடுகள் என்பன அவற்றில் அடங்குகின்றன. உதவி பெற்றுக்கொள்வதில் மில்லேனியம் செலேஞ்ச் நிறுவனம் இலங்கைக்கு முன்வைத்துள்ள எல்லைகள் சிலவும் உள்ளன.

அவ்வெல்லைகளின்படி இராணுவம், பொலிஸ், தேசிய பாதுகாப்பு அதிகாரமோ வேறு இராணுவ அமைப்புகளுக்கோ பயிற்சி அளிப்பதற்கு அந்த உதவியைப் பாவிக்க முடியாது. அமெரிக்காவின் உற்பத்தி சந்தைக்கோ, தொழிலுக்கோ பாதிப்பை ஏற்படுத்தும் வகையில் இந்த உதவிகளை உபயோகிக்க முடியாது. சூழலுக்கு சுகாதாரத்திற்கு, சமூக துஷ்பிரயோகங்களுக்கு போன்று பெண்களுக்கு மற்றும் சிறுவர்களுக்கு பாதிப்பை ஏற்படுத்தும் நடவடிக்கைகளுக்கும் இடமளிக்க முடியாது. இதற்கான திட்டம் 2016ம் ஆண்டிலேயே தயாரிக்கப்பட்டுள்ளது.

அரசியல் அல்லாத பிரதிநிதிகள்!

இவ்வொப்பந்தத்தின் ஊடாக செயற்படுத்தப்படும் திட்டங்கள் இலங்கையைப் பிரதிநிதித்துவம் செய்யும் பணிப்பாளர் சபையாலேயே கண்காணிக்கப்படுகின்றன. இதன் விசேட தன்மை என்னவென்றால் அந்தப் பணிப்பாளர் சபையின் எந்தவொரு அரசியல்வாதியும் உள்ளடக்கப்படவில்லை. ஜனாதிபதியின் பிரதிநிதி, பிரதமரின் பிரதிநிதி, நிதியமைச்சின் செயலாளர், போக்குவரத்து மற்றும் சிவில் விமான சேவைகள் அமைச்சின் செயலாளர்,காணி அமைச்சின் செயலாளர், பெருநகர மற்றும் மேல்மாகாண அபிவிருத்தி அமைச்சின் செயலாளர், பெருந்தெருக்கள் மற்றும் பாதை அபிவிருத்தி அமைச்சின் செயலாளர், பெண்கள் மற்றும் சிறுவர் அமைச்சின் செயலாளர், தனியார்துறையின் பிரதிநிதியொருவர், சிவில் சமூக பிரதிநிதியொருவர் என உள்ளடக்கப்பட்டுள்ளார்கள்.  

2001தொடக்கம் 11வருடங்களாக திட்டங்கள் தீட்டப்பட்டாலும் (எம்.சி.சி.)  உதவித் தொகைக்கு இலங்கை தகுதி பெற்றது 2004இல் ஆகும். அது மேலும் பல நாடுகளுடன் இணைந்ததாகும். ஆர்மேனியா, பெனின், பொலிவியா, எல்செல்வடோர்,ஜோர்ஜியா, கானா, ஹொன்டூராஸ் போன்ற பல நாடுகள் அவற்றில் அடங்குகின்றன. இதில் முதன் முதலாக நிதியுதவி பெற்ற நாடுகள் மடகஸ்காரும் கொண்டூராசும் ஆகும். ருவண்டா இந்த உதவியை கேட்டிருந்தாலும் அதற்கான தகுதியை அந்நாடு பெறவில்லை. அதற்கு காரணம் அந்நாட்டில் காணப்பட்ட ஊழலும் முறைகேடுகளும் ஆகும். ஊழலுக்கு எதிராக மக்கள் பாதையில் இறங்கி போராடியது எம்.சி.சி உதவி அவர்களுக்கு கிடைக்காததனால் அப்போராட்டம் தீவிரமடைந்தது. எம்.சி.சி. நிதியுதவியை பெறமுடியாத நாட்டுத் தலைவர்கள் வீட்டுக்குச் செல்ல வேண்டும் என்பது அவர்களின் ஒரு போராட்டக் குரலாகும்.  

துரதிஷ்டவசமாக எமது நாட்டில் எம்.சி.சிக்கு எதிராக பாதைக்கு இறங்குபவர்கள் நிதி உதவி வேண்டாம் என்றே கூறுகின்றார்கள்.அதற்கு எதிராக சத்தியாகிரகம் செய்தவர்கள் ஒப்பநதத்தைப் பற்றி கனவில் கூட அறியாதவர்களாவர். எம். சி. சி. ஒப்பந்தத்தின் நன்மை, தீமைகளை கலந்துரையாடுவது இக்கட்டுரையின் நோக்கமல்ல. ஆனாலும் உள்ளதை உள்ளபடி காண்பதற்கு எதிர்ப்பு ஆர்ப்பாட்டங்கள் பெரும் தடையாகும். நாட்டை அமெரிக்காவுக்கு காட்டிக்கொடுப்பதாகவும் அது மிக இரகசியமான ஒப்பந்தமென்று  குற்றம்சாட்டும் மொட்டுக் கட்சிக்காரர்களுக்கு தமது நிர்வாகக் காலத்தில் தாம் செயற்பட்ட விதம் குறித்து நினைவில் கொள்வது புதுமையானதல்ல.  

1995இல் சந்திரிகா குமாரதுங்க முதற்தடவையாக சோபா ஒப்பந்தத்தை கைச்சாத்திட்டது அமைச்சரவையில் மாத்திரம் கலந்துரையாடிய பின்னராகும். அதன் பின்னர் இரண்டாவது கட்டம் 2007மார்ச் 5ஆம் திகதி கையெழுத்திடப்பட்ட எக்ஸா ஒப்பந்தம் அமைச்சரவை அங்கீகாரம் இல்லாமலேயே கையெழுத்திடப்பட்டது. அவ்வொப்பந்தத்தில்  அமெரிக்காவின பிரதிநிதியாக அப்போதைய தூதுவர் ரொபர்ட் ஓ பிளேக்கும் இலங்கைப் பிரதிநிதியாக பாதுகாப்பு அமைச்சின் செயலாளர் கோட்டாபய ராஜபக்ஷவுமாகும்.  

நேரடியாக அமெரிக்க இராணுவத்துக்கு யுத்த உதவி வழங்கல், அமெரிக்க இராணுவம் விசா இல்லாமல் எவ்வித பரிசோதனையுமின்றி நாட்டில் நடமாட உரிமை வழங்கிய ஒப்பந்தங்கள் கூட அமைச்சரவையின் அனுமதியின்றி கையெழுத்திட்ட  மஹிந்த ராஜபக்ஷ அரசாங்கம் இவ்வாறே நடவடிக்கை எடுத்தது. இன்று எம். எம். சி ஒப்பந்தத்திற்காக முதலைக் கண்ணீர் வடிப்பவர்கள் இவ்வாறானவர்களே.  

வெளிநாட்டவர்களுக்கு காணிகளை விற்றல்!  

எம். சி. சி. ஒப்பந்தம் மூலம் ஒரு பேர்ச் காணியை 180ரூபாவுக்கு அமெரிக்காவுக்கு விற்கப்போவதாக பொய்கூறும் மொட்டுக் கட்சிக்காரர்கள் கடந்த ராஜபக்ஷ ஆட்சிக்காலத்தில் அவர்கள் கட்டுக்கட்டாக கமிஷன் பெற்று இந்நாட்டுக் காணிகளை அமெரிக்க உள்ளிட்ட பலநாடுகளுக்கு விற்றதை மறைக்க நினைக்கின்றார்கள். அவற்றின் சிலவற்றை ஞாபகப்படுத்த வேண்டும்.

ராஜபக்ஷ ஆட்சிக்காலத்தில் சோமாவதி புண்ணிய பூமிக்கு அண்மையிலுள்ள 5ஆயிரம் ஏக்கரை அமெரிக்க டோல் நிறுவனத்துக்கு விற்றார்கள். அங்கு இன்று வெற்றிகரமாக வாழை பயிரிடப்பட்டுள்ளது. மேலும் அமெரிக்க நிறுவனத்துக்கு உள்ஹிட்டியாவயில் 1500ஏக்கரும், பெல்வத்த பிரதேசத்தில் 1200ஏக்கரையும் விற்றுள்ளார்கள். போர்ட் சிட்டி திட்டத்துக்காக காலிமுகத்திடலில் 600ஏக்கரை 91வருட குத்தகைக்கு சீனாவுக்குப் பெற்றுக்கொடுக்கும் போது அந்த பூமிக்கு மேலே எந்தவொரு விமானத்துக்கோ செல்ல முடியாத வகையிலாகும்.

மக்களை முட்டாள்கள் ஆக்குவதற்கும் ஒரு எல்லை உண்டு. தற்போதைய நிலைமையில் அமெரிக்கப் பிரஜை ஒருவருக்கு வாக்குகளை அளித்து தங்களது வாக்குகளை வீணடிக்கப் போகிறீர்களா? இந்நாட்டின் பிரஜை ஒருவரை அதிகாரத்துக்குக் கொண்டுவரப் போகிறீர்களா? என்பதை தீர்மானிக்க வேண்டிய தருணம் இதுவாகும்.    

Comment (0) Hits: 63

மருத்துவர் ஷாபி விவகாரம்; கருத்தடை சத்திர சிகிச்சை செய்ததாக கூறப்பட்ட பெண் கர்ப்பம்!

குருநாகல் போதனா வைத்தியசாலையின் மருத்துவர் மொஹமட் சிஹாப்தீன் ஷாபி 4000 சிங்கள பெண்களுக்கு கருத்தடை சத்திர சிகிச்சைகளை செய்துள்ளதாக கூறி, கடந்த காலங்களில் இனவாத நாடகத்தை அரங்கேற்றிய பேராசிரியர் சன்ன ஜயசுமண, அத்துரலியே ரதன தேரர் ஆகியோர் தற்போது அமைதியாக இருந்து வருகின்றனர்.

ஜனாதிபதித் தேர்தல் அறிவிக்கப்பட்ட பின்னர், ராஜபக்ஷவினரின் அச்சுறுத்தல் மற்றும் கண்டிப்புகள் காரணமாக சஹ்ரான் மற்றும் ஷாபி போன்றோர் பற்றி பேசாமல் அமைதியாக இருப்பதாக சன்ன ஜயசுமண தெரிவித்திருந்தார்.

சிங்கள மக்களின் வாக்குகளை பெற்றுக்கொள்ள, முஸ்லிம்களுக்கு எதிராக இனவாதத்தை பரப்பிய ராஜபக்ஷவினர் மற்றும் அவர்களின் முகாமைச் சேர்ந்த ஜயசுமண மற்றும் ரதன தேரர் போன்றவர்கள், சுயவிருப்பில் அல்லது ராஜபக்ஷவினரின் அச்சுறுத்தல் காரணமாகவோ அமைதியாக இருந்து வருகின்றனர்.

சன்ன ஜயசுமண, பொதுஜன பெரமுன மற்றும் வியத் மக மேடைகளில் முன்வரிசையை பெற்றுக்கொள்ளவும், எப்படியாவது நாடாளுமன்றத்திற்கு செல்ல வேண்டும் என்பதற்காகவும் கடும் போராட்டத்தில் ஈடுபட்டுள்ளார். இதனால், அவர்களால் ஷாபி மற்றும் சஹ்ரான்கள் பற்றி பேச நேரமில்லை.

மருத்துவர் ஷாபி நான்காயிரம் சிங்கள பெண்களுக்கு கருத்தடை சத்திர சிகிச்சை செய்துள்ளதாக பொலிஸாருக்கு முறைப்பாடுகள் கிடைத்ததுடன், அது குறித்து குற்றப்புலனாய்வு திணைக்களம் விசாரணைகளை நடத்தியது.

மருத்துவர் ஷாபி, கருத்தடை சத்திர சிகிச்சையை செய்துள்ளாரா? என்பதை மருத்துவ ரீதியில் உறுதிப்படுத்த அந்த பெண்களை மருத்துவப் பரிசோதனைக்கு வருமாறு கோரிக்கை விடுக்கப்பட்டதுடன், அந்த பெண்கள் எவரும் பரிசோதனைக்கு முன்வரவில்லை.

இந்த நிலையில், கருத்தடை சத்திர சிகிச்சைக்கு உள்ளடக்கப்பட்டதாக முறைப்பாடு செய்த பெண்களில் ஒருவர் கர்ப்பமடைந்துள்ளார். இந்த பெண் மருத்துவப் பரிசோதனை மூலம் இதனை உறுதிப்படுத்தியுள்ளார்.

இது சம்பந்தமான பரிசோதனை அறிக்கைகளின் பிரதிகள், குற்றப் புலனாய்வு திணைக்களத்திற்கு அனுப்பி வைக்கப்பட்டுள்ளது.

பேராசிரியர் சன்ன ஜயசுமண மற்றும் ரதன தேரர் ஆகியோர் இந்த பெண்கள் கருத்தடை சத்திர சிகிச்சைக்கு உள்ளாக்கப்பட்டுள்ளனர் என அடித்து கூறி வந்ததுடன், அதனை உறுதிப்படுத்த மருத்துவப் பரிசோதனை அவசியமில்லை எனவும் வாதிட்டனர்.

எனினும், கருத்தடை சத்திர சிகிச்சைக்கு உள்ளடக்கப்பட்டதாக கூறப்பட்ட பெண் கர்ப்பமடைந்துள்ளதால், உண்மைகள் வெளியாக ஆரம்பித்துள்ளன.

இதனால், ஜயசுமண மற்றும் ரதன தேரர் ஆகியோர் கூறியது போல், அந்த பெண்களுக்கு மருத்துவப் பரிசோதனைகள் அவசியமில்லை. இந்த பெண்கள் மூலமே கருத்தடை சத்திர சிகிச்சை என்ற கதை பச்சை பொய் என்பது உறுதிப்படுத்தப்பட்டுள்ளது.

இந்த நிலையில், ஜயசுமண மற்றும் ரதன தேரர் உள்ளிட்டோர் இந்த இனவாத நாடகத்தை எதற்காக அரங்கேற்றினர்? என்பது தொடர்பான விசாரணைகளை நடத்த வேண்டும் எனவும், இதன் பின்னணியில் இருப்பவர்கள் யார்? என்பதை கண்டறிய வேண்டும் எனவும் கோரிக்கைகள் விடுக்கப்பட்டுள்ளன.

625.0.560.320.160.600.053.800.700.160.90

625.0.560.320.160.600.053.800.700.160.90 1

625.0.560.320.160.600.053.800.700.160.90 2

Comment (0) Hits: 75

பாதுகாப்பு அமைச்சினால் பொதுமக்களுக்கான SMS சேவை ஆரம்பம்!

தேசிய முக்கியத்துவம் வாய்ந்த பாதுகாப்பு மற்றும் அனர்த்த முகாமைத்துவ அவசர நிலைமை குறித்த உடனுக்குடன் தகவல்களை பொதுமக்களுக்கு வழங்குவதற்காக குறுந்தகவல் (SMS) சேவையை பாதுகாப்பு அமைச்சு ஆரம்பித்துள்ளது.
 
பாதுகாப்பு அமைச்சினால் பொதுமக்களுக்காக முன்னெடுக்கப்படும் சேவைகளை மேலும் விரிவுபடுத்தும் வகையில், இந்த சேவையை நேற்று (13)  பாதுகாப்பு அமைச்சு அறிமுகப்படுத்தியது.
 
பாதுகாப்பு அமைச்சின் செயலாளர் ஓய்வு பெற்ற ஜெனரல் எஸ்.எச்.எஸ். கோட்டேகொடவின் தலைமையில், இது தொடர்பான நிகழ்வு நேற்று (13) பாதுகாப்பு அமைச்சில் கேட்போர் கூடத்தில இடம்பெற்றது.
 
தொலைத்தொடர்பு ஒழுங்குறுத்தல் ஆணைக்குழு, டயலொக், மொபிடெல், எயார்டெல், ஹட்ச், லங்காபெல் ஆகிய தொலைத்தொடர்பு நிறுவனங்களின் ஒத்துழைப்புடன்  இந்த  சேவை ஆரம்பிக்கப்பட்டுள்ளது.
 
இந்த SMS சேவை, பாதுகாப்பு அமைச்சின் ஊடக பிரிவு மற்றும் தேசிய புலனாய்வு பிரிவின் தலைமை அலுவலகத்தின் மேற்பார்வையின் கீழ் இடம்பெறவுள்ளது.
Comment (0) Hits: 56

சஜித்தின் வேண்டுகோளின் பேரில் உண்ணாவிரதத்தை கைவிட்ட சுமங்கல தேரர்! (காணொளி)

ஸ்ரீலங்கா பொதுஜன முன்னணியின் ஜனாதிபதி வேட்பாளர் கோட்டாபய ராஜபக்ஷ, தனது அமெரிக்கப் பிரஜாவுரிமையை நீக்கிக்கொண்டிருந்தால் அது தொடர்பில் மூன்று நாட்களுக்களுக்குள் உறுதி செய்யுமாறு கோரி, கலாநிதி இங்குருவத்தே சுமங்கல தேரரினால் கொழும்பு சுதந்திர சதுக்கத்தில் முன்னெடுக்கப்பட்டு வந்த உண்ணாவிரதப் போராட்டம் இன்று (14) நள்ளிரவுடன் நிறைவுக்கு வந்துள்ளது.

கடந்த 10ஆம் திகதி முதல் சுமங்கல தேரர் இந்த உணவு தவிர்ப்புப் போராட்டத்தை முன்னெடுத்து வந்த நிலையில், நேற்று நள்ளரவில் புதிய ஜனநாயக முன்னணி வேட்பாளர் சஜித் பிரேமதாஸவின் வேண்டுகோளின் பின்னர் போராட்டத்தைக் கைவிட்டார்.

ஜனாதிபதி வேட்பாளர் கோட்டாபய ராஜபக்ஷவின் அமெரிக்கக் குடியுரிமை நீக்கம் மற்றும் ஸ்ரீலங்கா குடியுரிமை பெற்றுக்கொள்ளப்பட்டமை தொடர்பிலான உண்மையான ஆவணங்களை 03 தினங்களிற்குள் வெளியிடும்படி வலியுறுத்தி, கலாநிதி இங்குருவத்தே சுமங்கல தேரர் உண்ணாவிரதப் போராட்டத்தை ஆரம்பித்திருந்தார்.

இடைக்கிடையே பொதுஜன முன்னணிக்கு ஆதரவளிக்கின்ற பௌத்த பிக்குமார்களும் இந்த உணவு தவிர்ப்பு போராட்டத்தை கைவிடுமாறு கோரிக்கை முன்வைத்திருந்த போதிலும், தனது போராட்டத்தை இங்குருவத்தே சுமங்கல தேரர் கைவிடவில்லை.

இந்த நிலையில், மத்திய கொழும்பில் நேற்று இரவு நடைபெற்ற இறுதி தேர்தல் பிரசாரக் கூட்டத்தின் பின்னர், புதிய ஜனநாயக முன்னணியின் வேட்பாளர் சஜித் பிரேமதாஸ உள்ளிட்ட அமைச்சர்கள் குழுவினர் நள்ளிரவில் சுதந்திர சதுக்கத்திற்கு விஜயம் செய்தனர். குறித்த பிக்குவுடன் சந்திப்பை நடத்திய சஜித் பிரேமதாச, போராட்டத்தைக் கைவிடும்படி கோரிக்கை முன்வைத்தார்.

இந்தக் கோரிக்கையை ஏற்றுக்கொண்ட இங்குருவத்தே சுமங்கல தேரர், தனது உணவுதவிர்ப்புப் போராட்டத்தை 04 நாட்களின் பின்னர் கைவிட்டார்.

அத்துடன், கொழும்பு தேசிய வைத்தியசாலையச்  சேர்ந்த மருத்துவரினால் சுமங்கல தேரரின் உடல்நிலை பரிசோதிக்கப்பட்டு பின்னர் "சுவசெரிய" ஆம்புலன்சில் மருத்துவமனைக்கு கொண்டு செல்லப்பட்டார்.

Comment (0) Hits: 77

மீண்டும் தலைவர் பதவியில் மைத்திரி!

ஜனாதிபதித் தேர்தல் முடிவுகள் வெளியான பின்னர், உடனடியாக ஸ்ரீலங்கா சுதந்திரக் கட்சியின் தலைவராக மைத்திரிபால சிறிசேன மீண்டும் தனது கடமைகளில் ஈடுபடுவார் என சுதந்திரக் கட்சியின் பதில் தலைவர் பேராசிரியர் ரோஹன லக்ஷ்மன் பியதாச தெரிவித்தள்ளார்.

ஸ்ரீலங்கா சுதந்திர கட்சியின் அமைப்பாளர்களில் பெரும்பான்மையானோர் ஸ்ரீலங்கா பொதுஜன பெரமுனவுக்கு ஆதரவு வழங்க கூடாதென அழுத்தம் பிரயோகித்தனர். சுதந்திர கட்சியில் பலர் பொதுஜன பெரமுனவுக்கு ஆதரவு வழங்க தீர்மானித்தமையினால், ஜனாதிபதி மைத்திரிபால சிறிசேன சுயாதீனமாக செயற்படுவதற்கு தீர்மானித்தார். அதற்கமைய, தேர்தல் முடியும் வரை சுதந்திர கட்சியின் தலைவர் பதவியில் இருந்து விலகுவதற்கு ஜனாதிபதி தீர்மானித்தார்.

அதன்படி, ஜனாதிபதித் தேர்தலுக்குப் பின்னர், கட்சியின் பணிகளை முன்னெடுத்து செல்வதற்காக ஜனாதிபதி மைத்திரிபால சிறிசேன நடவடிக்கைகளை மேற்கொண்டு வருவதாக  பதில் தலைவர் மேலும் தெரிவித்தார்.

அத்துடன், ஸ்ரீலங்கா சுதந்திரக் கட்சியின் தலைமையகத்திலிருந்து கட்சியின் எதிர்கால பணிகளை அவர் மேற்கொள்வார் என்றும் பதில் தலைவர் ரோஹன லக்ஷ்மன் பியதாச தெரிவித்துள்ளார்.

 
Comment (0) Hits: 63

கோத்தாபயவின் குடியுரிமை; மேன்முறையீட்டு தீர்ப்புக்கு எதிராக உச்ச நீதிமன்றில் மனு!

ஜனாதிபதி வேட்பாளர் கோட்டாபய ராஜபக்‌ஷ, தான் ஒரு இலங்கை பிரஜை என்று கூறிக்கொள்வதை தடுத்து நிறுத்தும் உத்தரவை கோரும் எழுத்துமூல மனு, மேன்முறையீட்டு நீதிமன்றத்தில் நிராகரிக்கப்பட்டதை சவாலுக்குட்படுத்தி, உச்ச நீதிமன்றத்தில் முறையீட்டு விண்ணப்பமொன்று தாக்கல் செய்யப்பட்டுள்ளது.

காமினி வியங்கொட மற்றும் பேராசிரியர் சந்தரகுப்த தேனுவர ஆகியோர் இந்த முறையிட்டு மனுவை தாக்கல் செய்துள்ளனர்.

குடிவரவு மற்றும் குடியகல்வு கட்டுப்பாட்டாளர் நாயகம் ஆர்.எம்.பி.எஸ்.பி. ரத்னாயக்க மற்றும் ஆட்பதிவு ஆணையாளர் நாயகம் பி. வியானி குணதிலக்க  ஆகியோர் மனுவில் பிரதிவாதிகளாக குறிப்பிடப்பட்டுள்னர்.

ஜனாதிபதி வேட்பாளர் கோட்டாபய ராஜபக்ஷ, இலங்கைப் பிரஜை என்று தன்னை கூறிக்கொள்வது மற்றும் இரட்டை குடியுரிமை சான்றிதழ் என்பதை பயன்படுத்தி செயற்படுதல் ஆகியவற்றை தடுத்து நிறுத்துமாறு இடைக்கால உத்தரவை பிறப்பிக்குமாறு தாக்கல் செய்யப்பட்டிருந்த மனுவை மேன்முறையீட்டு நீதிமன்றத்தின் மூன்று நீதியரசர்களைக் கொண்ட குழுமம் கடந்த ஒக்டோபர் 4 ஆம் திகதி ஏகமனதாக நிராகரிக்கப்பட்டிருந்தமை குறிப்பிடத்தக்கது.

 
Comment (0) Hits: 64

கோத்தாபயவின் குடியுரிமை; அமெரிக்க சான்றிதழ் கிடைக்கவில்லை என தெரணவும் ஏற்றுக் கொண்டது! (காணொளி)

கோட்டாபய ராஜபக்ஷவின் பெயர் அமெரிக்க குடியுரிமையினை விலக்கிக் கொள்ளப்பட்டவர்களின் பெயர் பட்டியலில் இதுவரை உள்ளடக்கப்படவில்லை என நேற்று (13) மீண்டும் ஒரு தடவை உறுதியாகியுள்ளது. தெரண ஊடகவியலாளர் இந்தீவரி மற்றும் அமெரிக்க தூதுவராலய பேச்சாளர் நென்சி வென்ஹோன் ஆகியோருக்கிடையில் (13) இடம்பெற்ற நேர்காணலின் போதே இவ்விடயம் உறுதிப்படுத்தப்பட்டுள்ளது.

கோட்டாபய ராஜபக்ஷ 2019ம் ஆண்டு மே மாதம், அமெரிக்கத் தூதரகத்தில் இரட்டைப் பிரஜா உரிமையினை நீக்கிக் கொள்வதற்கான சத்தியக் கடதாசியை ஒப்படைத்ததாக அமெரிக்க தூதுவராலய பேச்சாளர் இதற்கு முன்னர் ஊடகங்களுக்குத் தெரிவித்திருந்தார்.

எவ்வாறாயினும், கோட்டாபய ராஜபக்ஷ தனது அமெரிக்க குடியுரிமையினை விலக்கிக் கொள்வதற்குத் தேவையான ஆவணங்களை அமெரிக்க தூதரகத்தில் கடந்த செப்டெம்பர் மாதத்திலேயே ஒப்படைத்துள்ளார் என தகவல்கள் வெளியாகியுள்ளன.

இலங்கையின் அடுத்த நிறைவேற்று அதிகார ஜனாதிபதியைத் தெரிவு செய்வதற்கான தேர்தல் நவம்பர் மாதத்தில் இடம்பெறப் போகின்றது என்பதை அறிந்து கொண்ட பின்னரும், அவருக்கு ஜனாதிபதி வேட்பாளர் நியமனம் வழங்கப்படும் என ராஜபக்ஷ குடும்ப அங்கத்தவர்கள் வழங்கிய இணக்கப்பாட்டையும் அடுத்தே, அந்த ஆவணங்கள் ஒப்படைக்கப்பட்டுள்ளன.

வேட்பாளர் நியமனம் கிடைக்காவிட்டால் தான் அமெரிக்க குடியுரிமையினை விலக்கிக்கொள்ளப் போவதில்லை என்றும் அவர், ராஜபக்ஷ குடும்பத்திடம் அழுத்தங்களைக் கொடுத்துள்ளார்.

Comment (0) Hits: 143

'கோட்டாவின் குடி­யு­ரிமை; அமெ­ரிக்க இரா­ஜாங்க திணைக்­களம் உண்மை நிலை­வ­ரத்தை வெளி­யிட வேண்டும்'- மனோ!

அமெ­ரிக்கா இலங்­கையின் நட்பு நாடு. இன்­றைய சூழலில் கோத்­த­பாய ராஜ­ப­க்ஷவின் குடி­யு­ரிமை தொடர்பில் அமெ­ரிக்கா தமக்கு ஒன்றும் தெரி­யாது என்று நடிப்­பதை  நிறுத்தி விட்டு, அந்­நாட்டு இரா­ஜாங்கத் திணைக்­களம், இது தொடர்பில் உண்மை நிலைவ­ரத்தை விளக்கி அறிக்கை வெளி­யிட வேண்டும். இலங்கை அரசு, எதிர்க்­கட்சி என்ற விட­யங்­களைத் தாண்டி இலங்கை மக்­க­ளுக்கு அமெ­ரிக்க அரசு செய்ய வேண்­டிய பெரும் கட­மை­ இதுவாகும் என்று அமைச்சர் மனோ கணேசன் வீரகேச­ரி பத்திரிகைக்கு வழங்­கிய செவ்­வியில் தெரி­வித்­துள்ளார்.

அவ­ரது செவ்­வியின் விபரம் வரு­மாறு,

கோத்­த­பாய ராஜ­பக்ஷவின் குடி­யு­ரிமைப் பிரச்­சினை இப்­போது சூடு பிடித்­துள்­ளதே. இது ­பற்றி என்ன கூற விரும்­பு­கி­றீர்கள்?

கோத்­த­பா­யவின் குடி­யு­ரிமைப் பிரச்­சி­னையின் சட்­ட­வலு பற்றி நீதி­மன்­றமும், தேர்தல் ஆணை­யமும் தீர்­மா­னிக்­கட்டும். இதுபற்றி நான் பேச விரும்­ப­வில்லை. இதன் அர­சியல் வலுபற்றி ஒன்று சொல்­லலாம். தொட்­ட­தற்கு எல்லாம் அமெ­ரிக்க சதி, அமெ­ரிக்க கைப்­பாவை, அமெ­ரிக்க சி.ஐ.ஏ. என்­றெல்லாம் எங்­களைப் பார்த்து கூக்­குரல் இடும் மஹிந்­த­வா­திகள், குறிப்­பாக விமல் வீர­வன்ச, உதய கம்­மன்­பில, வாசு­தேவ போன்ற அர­சியல் அல்­லக்­கைகள் இன்று கோத்­த­பா­ய­வுடன் இருக்­கி­றார்கள்.

கோத்­த­பாய ஓர் அமெ­ரிக்கர் என்று சொல்­லப்­படும் அள­வுக்கும் கோத்­த­பா­யவின் மனைவி, பிள்­ளைகள் அடங்­க­லான குடும்பம், இன்­ற­ளவும் அமெ­ரிக்­காவில் வாழும் அமெ­ரிக்கப் பிர­ஜைகள். இவர்­க­ளுக்கு இலங்­கையில் குடி­யு­ரிமை, வாக்­கு­ரிமை இல்லை என்ற உண்­மைகள் வெளிப்­படும் அள­வுக்கும், கோத்­த­பாய ஓர் இர­க­சிய அமெ­ரிக்க முகவர், கைப்­பாவை என்று குற்றம் சாட்­டப்­படும் அள­வுக்கும் நிலைமை முற்றி விட்­டதைப் பார்த்து இந்த அல்­லக்­கைகள் இன்று அர­சியல் தற்­கொலை செய்து கொள்ள வேண்டும்.

நான் விதியை  நம்­பு­வது இல்லை. மஹிந்­ததான் அடித்து பிடித்துக் கொண்டு விதியை, சடங்­கு­களை, சாஸ்­தி­ரத்தை நம்­பு­பவர். அப்­ப­டி­யானால் இதுதான் விதியின் கோர விளை­யாட்டோ? விதி வலி­யது என்று காட்டி விட்­டதோ?

இன்­னொன்­றையும் இங்கே சொல்ல வேண்டும். உண்­மையில் அமெ­ரிக்கா இலங்­கையின் ஒரு நட்பு நாடு. ஆகவே இன்­றைய சூழலில் தமக்கு இதுபற்றி ஒன்­றுமே தெரி­யாது என்­பது போல் நடிப்­பதை  நிறுத்தி விட்டு, அமெ­ரிக்க அரசின் இரா­ஜாங்கத் திணைக்­களம், இது தொடர்பில் உண்மை நில­வ­ரத்தை விளக்கி அறிக்கை வெளி­யிட வேண்டும். இது இலங்­கையின் அரசு, எதிர்க்­கட்சி என்ற விட­யங்­களைத் தாண்டி இலங்கை மக்­க­ளுக்கு அமெ­ரிக்க அரசு செய்ய வேண்­டிய பெரும் கடமை என நான் நினைக்­கிறேன்.  

சஜித் பிரே­ம­தா­ச­வுக்­காக உங்கள் கூட்­டணி நடத்­திய பிர­சாரக் கூட்­டங்கள் பற்றிக் கூறுங்கள்?

புதிய ஜன­நா­யக முன்­னணி என்ற பெயரில் எங்கள் ஜன­நா­யக தேசிய முன்­னணி நடத்­திய முதல் பிர­சாரக் கூட்டம் கொழும்பு காலி­முகத் திடலில் நடை­பெற்­றது. அதற்குக் கூடிய கூட்­டமே இலங்கை வர­லாற்றில் கூடிய அதி­கூ­டிய அர­சியல் கூட்­ட­மாகும். அதை­ய­டுத்து சஜித் பிரே­ம­தா­சவின் பிர­சாரக் கூட்ட வரி­சையில் கூடிய அதி­கூ­டிய கூட்டம், எங்கள் தமிழ் முற்­போக்குக் கூட்­டணி, பத்தாம் திகதி தல­வாக்­க­லையில் நடத்­திய கூட்­ட­மாகும். இதை திகா தலை­மையில் எங்கள் தமிழ் முற்­போக்கு  கூட்­டணிக் கட்­சி­யான தொழி­லா ளர் தேசிய முன்­னணி பிர­மாண்­ட­மாக ஏற்­பாடு செய்­தி­ருந்­தது. மலை­யக மக்கள் முன்­ன­ணியும் ஒத்­து­ழைப்பு வழங்கியிருந்­தது.  

இது தானாகக் கூடிய கூட்­டமா அல்­லது கூட்­டிய கூட்­டமா?

இது சினிமா வசனம். நல்­லது. தோட்டத் தொழி­லா­ளர்­களை தோட்­டங்­களில் இருந்து போக்­கு­வ­ரத்து வசதி வழங்கி அழைத்து வர வேண்­டு­மல்­லவா? இல்­லா­விட்டால் எப்­படி நேரத்­துக்கு அவர்கள் வரு­வார்கள்? ஆனால், அங்கே வந்­த­வர்கள் நுவ­ரெ­லியா மாவட்­டத்தைச் சேர்ந்­த­வர்­கள்தான். எவரும் வெளியிலிருந்து அழைத்து வரப்­ப­ட­வில்லை. அங்கே வந்து எவரும், சஜித் ­திடம் 'கடலில் மீன்­பி­டிக்கப் படகு' கேட்­க­வில்லை. அதா­வது கூட்டம் காட்ட வேண்டும் என்­ப­தற்­காக எவரும் வெளியில் இருந்து அழைத்து வரப்­ப­ட­வில்லை.

கொழும்பு கொலொன்­னாவைத் தொகு­தியில் நடை­பெற்ற மஹிந்த அணி கூட்­டத்தில் கலந்­து­கொண்ட ஒரு பெண், தனக்கு, தமது ஊருக்குள் காட்டு யானை வரு­வதைத் தடுக்கும் 'யானை வேலி' வேண்டும் என சத்­த­மாக கேட்­டதைப் பார்த்து நாடு சிரித்­தது. கொழும்பு கொலொன்­னா­வையில் எங்கே காட்டு யானை? ஆகவே அந்தக் கூட்டம் வெளியில் இருந்து அழைத்து வரப்­பட்ட கூட்டம். இப்­ப­டியே வடக்கு, கிழக்கில் நடை­பெற்ற மஹிந்த அணி கூட்­டங்கள் உட்­பட அவர்­க­ளது பல கூட்­டங்­க­ளுக்கு, கூட்டம் பேரூந்­து­களில் வெளியிலிருந்து அழைத்துச் செல்­லப்­பட்­டது என்­பதை புலா­னாய்வு அறிக்­கைகள் மூலம் அறிந்து நாம் சிரித்தோம்.  

நுவரெ­லியா மாவட்­டத்­துக்கு வெளி­யேயும் இம்­முறை தமிழ் முற்­போக்குக் கூட்­டணி பல கூட்­டங்­களை நடத்­தி­யது அல்­லவா?

ஆம். இங்கே ஒரு புதிய மாற்­றத்தை நாம் கொண்டு வந்தோம். வழ­மை­யாக நுவ­ரெ­ லி­யாவில் மாத்­தி­ரமே எமது பிர­தான கூட்டம் நடை­பெறும். வேட்­பா­ளரும் வந்து நமது மக்­களைப் பற்றி அங்கே பேசி­விட்டுப் போய் விடுவார். ஏனைய மாவட்­டங்­களில் ஐ.தே.க.வின் அமைப்­பா­ளர்கள் நமது மக்­களை கூட்­டங்­க­ளுக்கு அழைத்து வந்து கூட்­டத்தை வேட்­பா­ள­ருக்கு காட்­டு­வார்கள். வேட்­பா­ள­ருக்கு கூட்­டத்­துக்கு வந்­த­வர்கள் யார் என்று தெரி­யாது. அவர் வந்து பொது­வாகப் பேசி விட்டு போய் விடுவார். இந்த முறை இந்த நடை­முறை மாற வேண்­டு­மென நாம் தீர்­மா­னித்தோம்.

ஆகவே இந்த முறை கண்­டி-­,மாத்­தளை பெருந்­தோட்ட மக்­க­ளுக்­காக கண்­டியில், களுத்­து­றை-­, கொ­ழும்பின் அவி­சா­வளை பெருந்­தோட்ட மக்­க­ளுக்­காக அவி­சா­வ­ளையில், இரத்­தி­ன­பு­ரியில், கேகா­லையில் மற்றும் கொழும்­பு-­, வத்­த­ளை, -­நீர்­கொ­ழும்பு நக­ரவாழ் மக்­க­ளுக்­காக கொழும்பில் என இன்­னமும் ஐந்து மேல­திக பெருங்­கூட்­டங்­களை நாம் நடத்­தினோம். இந்த ஐந்­திலும் எமது வேட்­பாளர் சஜித் வந்து கலந்­து­கொண்டு எமது மக்­களைப் பற்றி மட்டும் பேசினார்.

இதன்­மூலம் நாளைய தனது வெற்­றியில் நுவ­ரெ­லியா, பதுளை, இரத்­தின­புரி, கேகாலை, கண்டி, மாத்­தளை, களுத்­து­றை-­, கொ­ழும்பின் அவி­சா­வளை மற்றும் கொழும்­பு-­,வத்­த­ளை,-­நீர்­கொ­ழும்பு நக­ரவாழ் நமது மக்­களும் பங்­கா­ளிகள் என்­பதை சஜித் இப்­போது மிகத்­தெ­ளி­வாக உணர்ந்­துள்ளார். இந்தக் கூட்­டங்­களை தமிழ் முற்­போக்குக்  கூட்­ட­ணியின் சார்­பாக  ஜன­நா­யக மக்கள் முன்­னணி பிர­மாண்­ட­மாக ஏற்­பாடு செய்­தி­ருந்­தது.

உண்­மையில் நுவ­ரெ­லியா, பதுளை ஆகிய மாவட்­டங்­களில் நமது மக்­களின் வாக்குத் தொகை சுமார் 350,000.  ஏனைய மாவட்­டங்­களில் சுமார் 450,000. மொத்தம் சுமார் எட்டு இலட்சம் ஆகும். இந்தக் கூட்­டங்­களை அடுத்து நமது கட்­சி­யா­ளர்கள், ஒவ்­வொரு மாவட்­டத்­திலும் வீடு வீடாகச் சென்று பேசி, எமது மக்­களின் இந்த வாக்­குகள் எமது வேட்­பா­ள­ருக்கு விழு­வதை உறுதி செய்து வரு­கி­றார்கள். உண்­மையில் பதுளை, புத்­தளம் ஆகிய மாவட்­டங்­களில் இப்­படி வேட்­பா­ளரை அழைத்து தனித்­துவ கூட்­டங்­களை ஏற்­பாடு செய்ய முடி­யாமை குறித்து நான் வருந்­து­கிறேன். எதிர்­கா­லத்தில் இது நிவர்த்தி செய்­யப்­படும்.

எனது வழி­காட்­டலில் தம்பி வேலுகுமார் கட்சி மாவட்ட அமைப்­பா­ளர்­க­ளுடன் இணைந்து பெருந்­தோட்டப் பிர­சா­ரத்­துக்­காகப் பணி­யாற்­று­கிறார்.  கொழும்­பு-­,கம்­ப­ஹாவில் எனது வழி­காட்­டலில் குரு­சாமி, பிரகாஷ் கணேசன், சஷி­குமார் ஆகியோர் பணி­களை ஆற்­று­கின்­றனர்.  அதேபோல் வடக்கு, கிழக்கில் மன்னார், வவு­னியா, மட்­டக்­க­ளப்பு ஆகிய மாவட்ட சஜித் பிரே­ம­தாச கூட்­டங்­க­ளுக்கும் நமது கட்சி பங்­க­ளிப்பை வழங்கி இருந்­தது. இவற்றை ஜனகன், கோபி, விமல், தீபன், சீலன் ஆகிய அமைப்­பா­ளர்கள் செய்­தி­ருந்­தனர்.  

மலை­யக மக்கள் தொடர்பில் சஜித்­துடன் உடன்­பாடு உண்டா?

த.மு.கூ. சஜித்­துடன் சமூக உண்­ட­பாடுதான் இருக்­கி­றது. இது கட்­சி­க­ளுக்கு இடையில் இர­க­சிய பேச்­சு­க­ளுக்குப் பின்னர் நடை­பெறும் ஒப்­பந்தம் இல்லை. இதில் பிர­யோ­ஜனம் இல்லை என்­பதை கடந்த அனு­ப­வங்கள் எமக்கு உணர்த்­தி­யுள்­ளன. தமிழ் முற்­போக்குக் கூட்­ட­ணி­யான எமக்கு இர­க­சியத் தேவைகள் இல்லை. ஆகவே சஜித்தை அழைத்து வந்து எம் மக்கள் மத்­தியில் நேர­டி­யாக கலந்­து­ரை­யாடச் செய்து, நமது பிரச்­சி­னை­க­ளுக்­கான தீர்­வு­களை அவ­ரது தேர்தல் விஞ்­ஞா­ப­னத்தில் இடம்­பெறச் செய்து விட்டோம்.

முதலில் ஒன்று, ஒரு சமூகம் என்ற அடிப்­ப­டையில், தேர்தல் விஞ்­ஞா­ப­னத்தில் மலை­யக மக்­க­ளுக்கு மட்­டுமே விசேட ஓர் அத்­தி­யாயம் இடம்­பெற்­றுள்­ளது. இது எங்கள் கூட்­ட­ணியின் சாணக்­கிய வெற்றி ஆகும். கூட்­டணித் தலை­வ­ராக இதனுள் மிகவும் பிர­தா­ன­மாக நான் கரு­து­வது, மலை­நாட்டில் பாடு­படும் நாற்­கூலி தோட்டத் தொழி­லா­ளர்கள், இனி எதிர்­கா­லத்தில் சொந்த குத்­தகை பயிர்­நிலக் காணியும், வீடு கட்டி வாழ சொந்த வாழ்­விடக் காணியும், பெற்று மலை­ய­கத்தில் 'தமிழ் விவ­சாயி'களாக, கிரா­ம­வா­சி­க­ளாக மாற்­றப்­ப­டுவர் என்ற கொள்கை புரிந்­து­ணர்­வுதான். 'மலை­ய­கத்தில் தமிழ் விவ­சாயி' என்ற சொற்­றொடர் தேர்தல் விஞ்­ஞா­ப­னத்தில் இடம்பெறு­கி­றது. இந்த வெற்­றியை ஒரு நாள் வர­லாறு பதிவு செய்யும்.

இது­வ­ரை­யி­லான உங்கள் ஆட்­சியும் உங்கள் ஆட்­சி­தானே... என்ன செய்­தீர்கள்?

இப்­பவும் ஒரு­ சிலர் கடந்த நான்கு வரு­டங்­க­ளாக நீங்கள் என்ன செய்­தீர்கள் என்று சிறு­பிள்­ளைத்­த­ன­மாக எம்மைக் கேட்­கி­றார்கள். நாம் நிறையச் செய்து அவற்றின் அடுத்த கட்ட நட­வ­டிக்­கை­யா­கத்தான், சஜித்­ததை வெற்றி  பெற வைக்கப் பாடு­ப­டு­கிறோம். நாம் செய்­த­வற்றையும், அடுத்த கட்ட உடன்­பா­டு­க­ளையும் இதோ கேளுங்கள்.          

தோட்­டங்­களில் ஏழு பேர்ச் காணி வழங் கல், அமைச்­ச­ரவைப் பத்­திரம் ஏற்­றுக்­கொள்­ளப்­பட்டு பணிகள் நடை­பெ­று­கின்­றன. அடுத்த கட்ட நட­வ­டிக்­கை­யாக, தற்­போ­தைய நிலையிலிருந்து முன்­சென்று, காணி வழங்­கலில் உள்ள நிர்­வாகத் தடை­களை நீக்கி, வீடுகள் கட்­டப்­ப­டு­வ­தற்கு முன்­னரே, மலை­ய­க­மெங்கும் காணியை முதலில் பிரித்து சொந்த உறுதிப் பத்­தி­ரத்­துடன் வழங்கும் கொள்­கையை இந்தத் தேர்தல் விஞ்­ஞா­ப­னத்தில் கொண்டு வந்­துள்ளோம்.வழங்­கப்­பட்ட காணி­களில் தனி வீடுகள் மலை­நாட்டில் கட்­டப்­ப­டு­கின்­றன. கட்­டப்­படும் குடி­யி­ருப்­புகள் மலை­ய­கத்தில் இப்­போது தமிழ்க் கிரா­மங்­க­ளாக மாறி வரு­கின்­றன. மலை­யக அபி­வி­ருத்­திக்­கான தனி­யான அதி­கார சபை அமைக்­கப்­படும். அமைச்­ச­ரவைப் பத்­திரம் ஏற்­றுக்­கொள்­ளப்­பட்டு, அதி­கா­ர ­சபை இயங்­கு­கி­றது.

நுவ­ரெ­லியா மாவட்­டத்தில் மேல­திக புதிய ஆறு பிர­தேச சபைகள் மூல­மான அர­சியல் அதி­காரப் பகிர்வு ஆரம்­பிக்­கப்­பட்­டுள்­ளது. அடுத்த கட்ட நட­வ­டிக்­கை­யாக, இந்­ந­டை­மு­றையை ஏனைய மலை­யக மாவட்­டங்­க­ளுக்கும் கொண்டு செல்வோம்.

புதிய ஆறு பிர­தேச சபை­க­ளுக்குள், புதிய பிர­தேச செய­ல­கங்­களும், கிராம சேவை­யாளர் பிரி­வு­களும் அமைக்கும் எல்லை நிர்­ணயப் பணி இப்­போது நடை­பெ­று­கி­றது. அடுத்த கட்ட நட­வ­டிக்­கை­யாக, இந்­ந­டை­மு­றையை ஏனைய மலை­யக மாவட்­டங்­க­ளுக்கும் கொண்டு செல்வோம்.

“கடந்த காலத்தில் மலை­யக மக்­கள் வாக்­க­ளித்து பிர­தேச சபை­களைத் தெரிவு செய்ய முடியும். ஆனால் தோட்டப் புறங்­க­ளுக்கு, அந்தப் பிர­தேச சபை­களால் நிதி ஒதுக்­கீடு, அபி­வி­ருத்தி செய்ய முடி­யாது” என்று இருந்த மலை­யக பிர­தேச சபை அதி­கார எல்லை சட்டம், எமது அமைச்­ச­ரவை, பாரா­ளு­மன்ற நட­வ­டிக்­கைகள் கார­ண­மாக இன்று திருத்­தப்­பட்­டுள்­ளது.

சுமார் 300 தோட்­டப்­புற பாட­சா­லை­க­ளுக்கு அவ்வவ் தோட்­டங்­களில் மேல­திக காணிகள் வழங்­குதல் தொடர்பில் அமைச்­ச­ரவைப் பத்­திரம் ஏற்­றுக்­கொள்­ளப்­பட்டு காணி வழங்கல் ஆரம்­பிக்­கப்­பட்­டுள்­ளது.மலை­யக மக்­க­ளுக்கு, தேசிய அர­சி­ய­ல­மைப்பு பணியில் காத்­தி­ர­மான சம பங்கும், அந்­தஸ்தும் வழங்­கப்­பட்­டுள்­ளது. அடுத்த கட்ட நட­வ­டிக்­கை­யாக, புதிய அர­சி­ய­ல­மைப்பு பணி தொடரும் என்­பதை இந்தத் தேர்தல் விஞ்­ஞா­ப­னத்தில் கொண்டு வந்­துள்ளோம்.

தோட்டத் தொழி­லா­ளர்­களின் வரு­மா­னத்தை அதி­க­ரித்து, அவர்­களை "மலை­யக தமிழ் விவ­சாயி" களாக மாற்றி, தோட்ட நிறு­வ­னங்­களும், இந்த மலை­யக விவ­சா­யி­களும் பங்­கா­ளர்­க­ளாகும் வெளிப்­ப­யிர்ச்­செய்கை வரு­மானத் திட்டம் தயார் செய்­யப்­ப­டு­கி­றது. அடுத்த கட்ட நட­வ­டிக்­கை­யாக இதை இந்த தேர்தல் விஞ்­ஞா­ப­னத்தில் கொண்டு வந்­துள்ளோம்.

 உயர்­கல்வித் துறையில், மலை­யக பல்­க­லைக்­க­ழகம் பற்­றிய சாத்­தி­யப்­பாடு அறிக்கை தயார் செய்­யப்­பட்­டுள்­ளது. பாட­சாலை கல்வித் துறையில், மேலும் பத்து கணித, விஞ்­ஞான தேசிய பாட­சா­லை­களை மலை­யக மாவட்­டங்­களில் அமைக்­கவும் போகிறோம். அடுத்த கட்ட நட­வ­டிக்­கை­யாக இவற்றை இந்தத் தேர்தல் விஞ்­ஞா­ப­னத்தில் கொண்டு வந்­துள்ளோம்.

பிர­தான எதிர்க்­கட்­சியின் நான்கு முனை தந்­திர திட்டம் என்று கூறு­கி­றீர்கள். அது என்ன?

தமிழ், -­முஸ்லிம் மக்கள், தமக்கு வாக்­க­ளிக்க வேண்டும் அல்­லது தமிழ், முஸ்லிம் வேட்­பா­ளர்­க­ளுக்கு வாக்­க­ளிக்க வேண்டும் அல்­லது சஜித் அல்­லாத ஏனைய சிங்­கள வேட்­பா­ளர்­க­ளுக்கு வாக்­க­ளிக்க வேண்டும் அல்­லது பகிஷ்­க­ரிக்க வேண்டும். இதுதான் கோத்தா அணியின் திட்டம்.  மேற்­கண்ட அனைத்தும் சஜித்­துக்கு எதி­ரான வாக்­குகள் என்­பதால், வாக்­கு­களைச் சித­ற­டித்து, தாம் வெற்றி பெறலாம் என்­பதே இவர்­க­ளது இலக்கு. இதற்­காக பலரை தமிழ் பேசும் மக்கள் மத்­தியில் நேரடி பிர­சார களத்தில் இறக்­கி­யுள்­ளார்கள்.  அது­மட்­டு­மல்ல, பரிச்­ச­ய­மான பலரை விலைக்கு வாங்­கியும், போலி கணக்­கு­களைப் பாவித்தும் சமூக ஊட­கங்­க­ளிலும் பிர­சாரம் செய்­கி­றார்கள்.

மறு­புறம், சஜித்தும் கோத்­தாவும் ஐம்­பது சத­வி­கித வாக்­கு­க­ளுக்­காகப் போராடும் போது, ஜே.வி.பி.  ஐந்து சத­வி­கித வாக்­கு­க­ளுக்குப் போரா­டு­கி­றது. இது பாரா­ளு­மன்றத் தேர்தல் அல்ல. இது இரண்டு பிர­தான வேட்­பா­ளர்­க­ளுக்கு மத்­தியில் இடம்­பெறும் ஜனா­தி­பதித் தேர்தல் ஆகும். இவற்றை  சிறு­பான்மை இன வாக்­கா­ளர்கள் மனதில் கொள்ள வேண்டும். பாரா­ளு­மன்றத் தேர்­தலில் விரும்­பி­ய­வர்­க­ளுக்கு வாக்­க­ளிக்­கலாம். ஆனால், இந்தத் தேர்­தலில் விளை­யாட்­டுத்­த­ன­மாக வாக்­க­ளித்து விட்டு பின்னர் வருந்­து­வதில் பிர­யோ­சனம் இல்லை.    

தமிழ் தேசிய கூட்­ட­மைப்பை அரசில் நேர­டி­யாக இணை­யும்­படி மன்னார், மட்­டக்­க­ளப்பு ஆகிய இரண்டு இடங்­களில் நடை­பெற்ற கூட்­டங்­களில் கூறி­னீர்கள். ஏன்?

இரண்டு சந்­தர்ப்­பத்­திலும் இந்த யோச­னையை நாக­ரிக­மா­கத்தான் கூறினேன். இது­ பற்றி முடிவு எடுக்க வேண்­டி­யது கூட்­ட­மைப்பே. கிழக்கு மாகாண தமி­ழர்­களும், வன்னி மாவட்டத் தமி­ழர்­களும் 30 வருட போரினால் வாய்ப்­பு­க­ளையும், வளங்­க­ளையும், உரி­மை­க­ளையும் இழந்து, இன்று சில சுய­லா­பி­க­ளால் மென்­மேலும் ஒடுக்­கப்­ப­டு­கி­றார்கள்.

வாக்­க­ளித்து ஜனா­தி­ப­தியை உரு­வாக்கி விட்டு வெளியிலிருந்து வேடிக்கை பார்க்கும் கிழக்கு மற்றும் வன்னித் தமிழர் தலை­யெ­ழுத்து இனி மாறியே ஆக­ வேண்டும். அதற்கு ஒரே வழி, அரசில் இணை­வது ஆகும். இது எனது அபிப்­பி­ராயம். முஸ்லிம் மக்கள் சார்­பாக அங்கே அமைச்­சர்கள் உள்­ளார்கள். தமக்கு இல்­லையே என தமி­ழர்கள் ஏங்­கு­கி­றார்கள்.

வன்னி, மட்­டக்­க­ளப்பு, அம்­பாறை மாவட்­டங்­களில் நிலவும் தமிழ், முஸ்லிம் விரிசல் என்னை ஆச்­ச­ரி­யப்­ப­டவும், வருத்­தப்­ப­டவும் வைத்து விட்­டது. இந்த விரி­ச­லுக்கு நமது அரசு அணியில் இருக்கும் ஒரு­சில முஸ்லிம் அர­சி­யல்­வா­தி­களும் கார­ண­மாக அமை­கின்­றார்கள். இந்தத் தேர்தல் பிர­சா­ரத்தில் கூட தமிழர் பெரும்­பான்­மை­யாக வாழும் வவு­னியா, மன்னார், மட்­டக்­க­ளப்பு மாவட்­டங்­களில் சஜித் பிரே­ம­தா­சவின் பிர­சாரக் கூட்­டங்­களை முஸ்லிம் அர­சி­யல்­வா­திகள் முழு­மை­யாக கையில் எடுத்தமை பிழை. இது தமிழர்களுக்கு பெரும் சந்தேகங்களை ஏற்படுத்தி விட்டதை நான் நேரடியாக பார்த்தேன். உண்மையில் இவற்றை தமிழர்களுடன் கூட்டு சேர்ந்து அரசில் உள்ள முஸ்லிம் அரசியல்வாதிகள் செய்திருக்க வேண்டும். நல்ல வேளையில் மட்டக்களப்பு களுதாவளை கூட்டத்தில் நான் முக்கிய உரையை ஆற்றினேன். அதனால் தமிழர்களின் பல சந்தேகங்களைத் தீர்க்க என்னால் முடிந்தது. ஆனால், மன்னார் கூட்டத்தில் எங்கள் கட்சி வன்னி மாவட்ட அமைப்பாளர் ஜனகனை அங்குள்ள ஒருசில பிரதேச மட்ட முஸ்லிம் அரசியல்வாதிகள் எதிரியாக பார்த்ததை நான் கண்கூடாகப் பார்த்தேன்.  

இந்த நிலைமைகளை இப்போது எதிரணியிலுள்ள ஒருசில தமிழ் அரசியல்வாதிகள் பயன்படுத்திக்கொள்ள முயல்கிறார்கள். இது இந்த மாவட்டங்களில் சஜித்துக்கு வருகின்ற தமிழ் வாக்குகளை குழப்பிவிடக் கூடாது. இதுவும் என் கவலை.

இந்த தமிழ், முஸ்லிம் சிக்கலை எப்படித் தீர்ப்பது?

நீண்ட காலமாக போரினால் பலதையும் இழந்த தமிழர்களுக்கு புதிய நம்பிக்கையை நாம் ஏற்படுத்த வேண்டும். இன்று இவர்களுக்கு ஏனையவர்களை விட மேலதிக சலுகைகள், விசேட ஒதுக்கீடுகள் கிடைத்தால் கூட அதில் தப்பில்லை. ஏனென்றால் முப்பது வருட காலத்தில் கிடைக்காமல் போன நிலுவை இருக்கிறதே.  இதுபற்றி நான் எனது மட்டக்களப்பு களுதாவளை கூட்டத்திலும் பேசினேன். இந்த தேர்தல் பிரசாரம் இப்போது முடிந்து விட்டது. இந்நிலையில் இது பற்றி ஒன்றும் செய்ய முடியாது. ஆனால், எதிர்காலத்தில் இதுபற்றி கவனத்தில் கொள்ள வேண்டும்.

(வீரகேசரி)

Comment (0) Hits: 62

பக்கம் 6 / 70